| صفحة 1 من 4 | 1 | 2 | 3 | > | الصفحة الأخيرة » |
|
|
ايها الشاب وايتها الشابه مارأيـــك بالخروج .......
http://bsmlh.net/up/uploads/bsmlh_da3bd88242.gif
رأيت هذا الموضوع في أحد المواقع ونقلته بتصرف مني لاني اردت ان اعرف وجهه نظركم فيه وهو بالفعل يستحق المناقشة .. نعلم ان كل عائله تختلف عن الأخرى .. وكل عائله عادات بيتهم تختلف عن البيت الآخر.. ولكل عائله رأي مختلف .. إلخ.. المهم .. هنا فتيات يخرجن مع رفيقاتهن(وليس مع أهلهن) إلى الأماكن العامة ...اممم مثلاً للذهاب إلى التسوق ..إلخ... وبعيداً عن العصبيه للرأي انا اود مناقشته رأي الأخوة والأخوات سؤال الأخوة ... هل تــرضـــى لأختك الخروج مع رفيقاتها ؟؟ولماذا؟؟ مارأيك في منظر الفتيات في الأماكن العامة( يعنـــي شـلــة بـنات ) ؟؟؟؟ وسؤال للأخوات .. مارأيك في الخروج مع رفيقاتك والخروج مع أهلك ..؟؟؟ هل تحسين بأمان مع رفيقاتك ؟؟ ولماذا؟؟؟؟ أتمنى من الجميع المشاركة ومناقشة الأمر بصراحة .. http://bsmlh.net/up/uploads/bsmlh_40ce0a9d06.gif اخوكم د.امير |
رد: ايها الشاب وايتها الشابه مارأيـــك بالخروج .......
مارأيك في الخروج مع رفيقاتك والخروج مع أهلك ..؟؟؟
طبعا كل خروج اله محاسنه مع صاحبتي بشوفهم وبنبسط معاهم لانها قعدة بنات ومع الاهل حلوة الطلعة هل تحسين بأمان مع رفيقاتك ؟؟ ولماذا؟؟؟؟ طبعا لانه احنا محترمين حالنا فالناس رح يحترمونا وبعدين احنا النا ثقة بانفسنا |
رد: ايها الشاب وايتها الشابه مارأيـــك بالخروج .......
انا رح احكي عن شخصى
احنا بالعيلة ما عنا هيك مشكلة يعنى ازا بدي اطلع اطلب الازن من احد الوالدين بيعرفو مين رفقاتى و بطلع و لا في اي مشكلة و بظن انو ازا البنت لابسة شرعى و اهلها عارفين اخلاقها ما رح يكون مشكلة اما السؤال التاني شخصيا لما كون نازلة السوق لازم الماما تكون معي لانو بحب ذوقها و سؤالك عن الطلعة الافضل ----- الطلعة مع العيلة حلوة كتير و الطلعة مع الرفقات حلوة كل طلعة الها ميزاتها و الها طعمها الخاص مممممممم كانو طقيت حنك كتيييرر |
رد: ايها الشاب وايتها الشابه مارأيـــك بالخروج .......
اقتباس:
اكيد ما دام كل بنت بتعمل صح رأيك حلو كتير |
رد: ايها الشاب وايتها الشابه مارأيـــك بالخروج .......
اقتباس:
على العكس حديثك حلو ز ممتع يسلموا كتير رأيك جدا صريح |
رد: ايها الشاب وايتها الشابه مارأيـــك بالخروج .......
اقتباس:
بالبداية شكرا لك اخي على هالموضوع الحلو كتير الخروج مع الصديقات حلو والخروج مع الاهل حلو مثلا لما اخرج مع صديقاتي منكون كلنا مبسوطين طبعا والحمد لله منكون نازلين باحترام واحتشام منلتزم بالاداب فبكون حاسة بالأمان معهم فما منطر نتعرض لشي يعني .... بكون كتير مبسوطة وبعدين مش كل يوم نتلاقى نادرا مانتلاقى في نزلة للسوق في المناسبات مننزل مع بعض للتسوق وصعب نجمع حالنا لانو كل وحدة واشغالها في الحياة المهم النزلة مع الصاحبات روعة برأي مع انو مش دايما بقدر اشتري حاجاتي لما اكون معهم لانه كلنا منكون مجموعة وكل وحدة بدها تجيب شي من مكان .... اما النزلة مع الاهل فانا بالطبع ما بنزل مع الوالدة كتير يعني نادرا دايما مع اخواتي لانه الوالدة يعني مابتقدر تمشي كتير او ضل واقفة ع رجلها .... يعني مننزل مع بعض الخوات شعور كتير حلو وبحس براحة وامان معهم بشكل كبير وباخد راحة اكتر من لما اكون مع صاحباتي بصراحة وبقدر اروح معهم لأي مكان واجيب حاجاتي وكمان لانو تقريبا انا وخواتي منلبس شي قريب من بعض ومنحب نجيب اشياء متقاربة ومنفهم جدا ع بعض وحافظين كل وحدة شو بتحب يعني بالحالتين حلو بس ممكن عندي انزل مع خواتي احلى من صديقاتي هيك بشعر( عكس الناس ) ملاحظة في كتير اهل بيمنعو بناتهم من النزلة مع الصاحبات خوفا عليهم بس هاد مو حل لانه ممكن الوالدة تتعرف ع البنات وتعرف اصلهم وعاداتهم وتطمن ع بنتها ولازم توثق في بنتها :b: اتمنى ما أكون ازعجت للاطالة وشكرا مرة تانية ع الموضوع الحلو |
رد: ايها الشاب وايتها الشابه مارأيـــك بالخروج .......
وسؤال للأخوات ..
مارأيك في الخروج مع رفيقاتك والخروج مع أهلك ..؟؟؟هل تحسين بأمان مع رفيقاتك ؟؟ ولماذا؟؟؟؟ انا في رايي الخرووج مع الماما افضل بكثييير والله يكوون الجو معها روووووعة واما عن الصديقاات مافي مانع بالعكس تكوون كثيير حلوووة بس نمشي باحتراام ونكوون لابسين لباس محترم من شاان مايحدثوو البلااوي مع بعض الشباب ههههههه... بس كل خرجة وميزتها الخاااصة وذوقها الراائع يسلمووو خيوو على الموضوع الحلووووو |
رد: ايها الشاب وايتها الشابه مارأيـــك بالخروج .......
اول شغله
ثانكس (لانو بنسا اشكر في النهايه ) انا بشوف الموضوع عادي يعني بتفرح مع رفئاتها اكتر من اهلها وهاد حئها غير هيك طول مأنو البنت محترمه حالها فلموضوع رحيكون عادي واكتر من عادي في بنات كتير ماعندهون اهل لازم مايطلعو يعني؟؟؟؟؟؟؟ بيطلعو مع رفئاتهم صح ولا غلط |
رد: ايها الشاب وايتها الشابه مارأيـــك بالخروج .......
اخي امير
مشكور عالموضوع الرائع واللي بستحق النقاش وسؤال للأخوات .. مارأيك في الخروج مع رفيقاتك والخروج مع أهلك ..؟؟؟ انا من الناس اللي اهلي ما بسمحوا لي اطلع مع صاحباتي وانا كنداء بتمنى انه اطلع معهن لانه لما الاهل بكونوا يعرفوا وين بنتهم ومع مين ما بضل خوف واكدي بطلع مع اهلي وببح كثير اطلع مشوار انا وابوي لانه كثير طويل روح لما بكون معه وما بحرمني من شيء وبالذات لما بدنا نطلع مشوار بره طولكرم ما في احلى من الطلعه معه ومش معنى ذلك انه كل مشوار بدي اطلعه لازم يكون مع ابوي وانا بحكي انه اطلع مع صاحباتي بداخل المحافظة لانه لازم اضل قريبه من اهلي واحنا بطولكرم المدينه طبعا بتوقع انه الصبايا بطلعوا مع بعض بالليل يتمشواويروحوا مشاوير اما بعتيل لا هذا الحكي ما في منه وما في نقاش فيه كمان هل تحسين بأمان مع رفيقاتك ؟؟ ولماذا؟؟؟؟ اكيد والا كان ما بحب اقضي وقتي معهن تقبل مروري يا دكتور |
رد: ايها الشاب وايتها الشابه مارأيـــك بالخروج .......
موضوع حلو كتييير زي دايمن
مارأيك في الخروج مع رفيقاتك والخروج مع أهلك ..؟؟؟ مع صحباتي بخاد راحتي اكتر وبمر الوقت بسرعة وبنبسط اكتر اما مع اهلي فبتطلع روحي الصراحة وما في اعملو معهم اصلن نحنا طول الوقت معهم فمافي داعي كمان نطلع معهم هل تحسين بأمان مع رفيقاتك ؟؟ ولماذا؟؟؟؟ طبعا , لانو بنكون كلنا قد بعض ومع بعض دايما و بنحب بعض الحمدلله شكرا عالموضوع الحلو كمان مرة |
| الساعة الآن 10:08 AM. |
|
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas