منتديات شباب فلسطين - O?°'¨ ( طاق طاق طاقيّة ) ¨'°?o

O?°'¨ ( طاق طاق طاقيّة ) ¨'°?O

شعر: مريم العموري - فلسطين

طاقْ طاقْ طاقيّـة... لَـوّح عَلَــم الحُــريّة

بيد زغارِك يَ فلسـْطين... من حيفــا لَطبَريّة

طاق طاق في بلادي... مَ طْيَبْ ميّـات الوادي

يلّله غني يا شادي... معنا أحلــى غنيّــة

طاق طاق حِلْمِ ايدورْ... في السّما متلِ العَصفورْ

بِيدوِّر عَ عْشاشِ النورْ... لَيُحطِّلنا هـــديّة

طاق طاق يا هالناس... للعادي صارت حرّاس

معدوم فقلبا الإحساس... وما عندا إنسـانيّة؟

طاق طاق يا بطــل... يا عالي متل الجبل

فِ عيونك لمعِةْ أمـــل...لَلطفــولة المنسيّة

طاق طاق بالإيمــانْ... يلّله نحرر هالأوطان

نُوقف في وجه العدوانْ... وقفة حـرّة وقويّه

طاق طاق يا سـلام... إحنا حفادَك يا قسّــامْ

نمشي عا درب الإسـلام... ومعنـا ربّ البَـريّة

طاق طاق مهما يطولْ... ليل الظالم بُكرة يزولْ

ويزَهِّرْ مَرْج بْأيلولْ... عـلى ضَوِّ الفجـريّة

طاق طاق طاقيّـة... لَـوَّحْ عَلَــم الحُــريّة

بِيد زغارِك يَ فلسـطين... من حيفــا لَطبَريّة

-._.-._.-._.-._.-._.-._.-