|
مسألة الأخذ بالثأر في مجتمعنا الفلسطيني ؟؟
زي ما بعرف الكل إنه ع هاد منتشر كثير بمجتمعنا الفلسطيني ... أنا شخصيا سويت دراسه عن الموضوع و تعقدت منه صراحه ...
أي واحد مش مجرب الشغله .. والله لا يطعمها لحدا يا رب ... بحكي إنه ضد الموضوع و هاي همجيه و غلط و بتولد حقد و ما بتنتهي وهيك .. بس أنا قعدت مع ناس عندهم ثار . و ناقشت معهم الموضوع .. و اغلبهم كان يحكيلي إنه الشغله مش سهله و الله يعينهم عنجد .. يعني الواحد لا سمح الله ينقتل أخو أو أبو .. طب مهو غصبن عنه بدو يحقد على المجتمع و بدو يوخد بثاره .. مع إنه بكون عارف العواقب بس في مجتمعنا الواحد بحس إنه عيب و غلط ما يوخد بثاره .. فأنا بصراحه احترت .. هو الموقف بكون صعب كتيير بس للي بقعد مع حدا مجربه بشعر في عنجد و بحكي يمكن معو حق ... مش عارف شو رأيكم يا جماعه ؟؟؟؟ |
رد: مسألة الأخذ بالثأر في مجتمعنا الفلسطيني ؟؟
بس برضو يا التحدي الله غفور رحيم
احنا العابد ما بدنا انكون رحيمين وغفورين وبعدين (اصبر لك الجنة) وهالعزيز يلي مات بالقتل كان اخرتو راح يموت يعني نصيبو وهيك الله كاتبلوه شو بدنا نعترض على حكم الله وحساب القاتل عند ربو احنا بهالدنيا للاختبار والله هو يلي راح يعطي كل واحد حقو يعني اذا انت قتلت انسان عزيز عليك ليش تخلي قلب غيرك ينحرق على فقدان قلب عزيز عليه بالنهاية شكرا على الطرح ونا ضد الثأر يعطيك العافية تقبل مروري |
رد: مسألة الأخذ بالثأر في مجتمعنا الفلسطيني ؟؟
شكرا على الموظوع الرائع
|
رد: مسألة الأخذ بالثأر في مجتمعنا الفلسطيني ؟؟
عنا منتشره كتيير بس يا ريت ما ينتقمو من اخوه مسلم ويصحا ويلقى انو الاخذ بثار من يهودي الي اخد ارضنا وكرامتنا ضاعت يسلمو |
رد: مسألة الأخذ بالثأر في مجتمعنا الفلسطيني ؟؟
كل شي بإيد القانون ... و الحياة مقدسه ... ما في و لا واحد بالدنيا بحقلو بنهي حياة حدا تاني .... الا بالقانون و بس ...
اول مره بعرف انو في عند الفلسطينيه قصة الثأر هاي .. للأسف ... |
| الساعة الآن 10:28 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas