| صفحة 1 من 4 | 1 | 2 | 3 | > | الصفحة الأخيرة » |
|
|
يوميات طالبة عاشر
:icon11:يوميات طالبة بالصف العاشر ((الحلقة الاولى))
اول شي السلام عليكم بدي ادخل ع الموضوع بسرعة ، احنا بالمدرسة بحكو انو ازنخ و اكتر صف مشاغب بالمدرسة :icon31:، و لا معلمة سلمت من شرنا ، ويا ويلو اللي بوقع بايدين بنات عاشر المهم رح احكيلكم شو بصير بحصة الوطنية ، معلمتنا "علية " ريحتها دايمن دايمن بصل ...وهي ما بتيجي شبرين على بعضها ، اول ما تدخل الحصة بتصير الشلة"انا و عبير و غادة و ولاء "" نعمل صوت هيك "مممممممممممممممممممممممممممممممممم ممم " و بعديها بنصير نحكي أنسة مو سامعين شي ، بتحيلنا شكلة في جرافة بحدنا ...اهدوا شوي واحنا بنكون بنترمّى من الضحك على الدروج ،، البلوة الكبيرة معلمة الدين يا حراااااام ، امتحاناتها شوربة عدس....:icon11:.. اسمها فاطمة و بندلعها ابو جهل / لانها سودا ودايمن سيرتها و مواضيعها عن ابو جهل... و المشكلة انها "مسمطة" و صارت ختيارة مكحكحة و كل ما نسألها عن عمرها ، بتصير تدلع و تحكي ما بئدر....ودايمن قاعدة على الكرسي:icon15: والكرسي هادي الها سيرة ثانية ::: يا سبحان الله كل ما تفوت ع الصف بكون عليها دبك سريع "غراء" وابصر منين جاي .."طبعا هاي طريقة قديمة والكل بعرفها" و أما احلى شي انو كل الصف بحصتها بمرض و بصير بدو يروح على الحمام يراجع ، و النص التاني بصير عندو مشاكل عائلية و اسرية وبدة يحلها عند المرشدة .:b:... اما القسم الاخير فهادا خويف وما بسترجي يعمل شي و اللي هي ياسمين :b::b::icon9: وذا حابين تعرفو شو بصير بمعلمة الاقتصاد تابعو الحلقة القادمة...... ردودكم |
رد: يوميات طالبة عاشر
يلا يا حلويييييييييييييين
وين الردود |
رد: يوميات طالبة عاشر
له له
حراام عليكم احنا مو للهدرجه مع انو معلماتنا اسخم من هيك بكتييير و بنشااخب كتيير وكل شي ولا الريحه ياريت لو الشغله وقفت على ريحة البصل لااا احنا وتومه وطبيخ والخ ............. خخخ الله يعينها عليكم |
رد: يوميات طالبة عاشر
هههههههههه
شكرا كتييير ع الموضوع...^^ |
رد: يوميات طالبة عاشر
ههههههههههههههه حرام عليكم هيك تعملو يلا عم نستنى الحلقه الجاي ,,, لا تتأخري علينا |
رد: يوميات طالبة عاشر
مشكورة يا رهينة
الله يخلصنا من هالصف على خير |
رد: يوميات طالبة عاشر
هههههههههه
واخيرا بكل المنتدى لقيت وحدة من جنين بعاشر متلي يعني فعلا هو ازنخ صف بالمدرسة وما مصدقة وانا اخلص منه بكفي امتحانات التربية الموحدة الصعبة بس احنا ما بنعمل هيك بالمعلمة حراااااااااااااام انا بس بحب اعمل مشاكل مع معلمة العلوم وادحكـ واحكي بس بحصتها هي والرياضيات حرام عليكم بكرة بتنفصلو من المدرسة وبنحطلكم انزاااااااار |
رد: يوميات طالبة عاشر
هههههههه دائما صف عااشر مغلب المدرسة حتى المدرسات ما بحبو يدرسوهم وصف عااشر من أجمل الصفوف المرت عليّ بالمدرسة كانت في ذكريات حلوة متابعين ان شاء الله الحلقة التانية يسلمووو يا عسل |
رد: يوميات طالبة عاشر
اقتباس:
هههههههههه جد عاشر دايما بكون ازنخ صف بالمدرسه احنا هيك مشيبين المعلمات وعلى طول انزارات بس انا الحمدلله لهلأ ولا انزار هههههههههه الله يمضي هالسنه على خير بانتظار الحلقه القادمه |
رد: يوميات طالبة عاشر
كمان وحدة
صرناا تلاااااااتة يلا نعمل شلة بنات عاشر ههههههه |
| الساعة الآن 09:23 AM. |
|
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas