|
هل أنت ايجابي + ام سلبي - ؟؟!!
السلام عليكم ورحمة الله وبركاته ...
صدقوني ما اكتب ليس للتسلية وانما نوعا ما محاولة لطرح مواضيع قد لا تخطر على بال الشباب ذكورا كانو أو اناث ... ألاحظ في كثير من الاحيان سلبية غير عادية في المجتمع .. وأسهل عبارة ربما نسمعها يوميا "وانا مالي" .. او قد تكون عبارة "طنش تعش تنتعش" .. او ربما ان كانت ثقافته او ثقافتها انجليزية قال/ت "i don't care" او ربما "not my business" بل اننا نجد بعض الشباب لا راي لهم في قضايا خطيرة تهم الامة ... بمعنى اخر عايشين في عالم اخر .. الموضوع يطول الحديث فيه لكن سأختصره بسؤال .. والأفكار تأتي بالحوار هل انت ايجابي .. ام سلبي ؟؟ واعطيونا مثال يبين ايجابيتك .. او سلبيتك .. أين كانت وكيف ؟؟! أخوكم |
رد: هل أنت ايجابي + ام سلبي - ؟؟!!
والااااو . ولا مشاركة
واضح انه مافي ايجابيين بالمنتدى .. او يمكن الموضوع مستواه الفكري عالي وصعب الحديث فيه من الاعضاء .. :icon9::icon9: سلام |
رد: هل أنت ايجابي + ام سلبي - ؟؟!!
امبلى في ناس ايجابيين ،، زيي هيك :icon11:
لا بصراحة احيانا بكون ايجابية ،، و احيانا سلبية مثلا يعني ايجابية في كوني متفائلة و لدي طموحات اسعى لتحقيقها ،، اسعى لتغيير نفسي و من حولي للافضل ،، اسعى اني اكون انسانة فعالة في المجتمع الخ .. سلبيتي تكمن في كوني رافضة لواقع انا عايشة فيه و ما بطلع بايدي اغيره ،، و اعتبره عائق بيني و بيني ما اسعى اليه هذا الشيء يحبطني جدا .. اعتقد انه فكرتي وصلت ^^ و شي شي على الموضوع :) |
رد: هل أنت ايجابي + ام سلبي - ؟؟!!
انتا ماحددت هل السلبيات والايجابيات
في التفكير الافعال ولا اي شي تاني ازا بالتفكير طبعا تفكيري هيكون سلبي هاي عشان اعرف الي قدامي صح ولكن افعالي ايجابيه يعني الفكر شي والفعل شي هاي قاعدة بس عشان تحيير الي قدامك يمكن مو عالكل بتمشي بس معي ماشيه |
رد: هل أنت ايجابي + ام سلبي - ؟؟!!
اقتباس:
الأمور الي مش بايدك والي ما بتقدري تغييريها ما تعتبر سلبية منك .. بحياة كل واحد فينا في داشرتين .. دائرة الاستطاعة ودائرة الا استطاعة .. معظم الناس بيفكرو بالامور الي ما الهم قدرة على تغييرها وبيشغلو أوقاتهم بأشياء ما الهم يد في تغييرها وهذ بيأثر شلبا على الدائرة الي الهم فيها تأثير .. مثلا انا شايف انه في امور خطأ في الشغل لكن ما الي سلطة اتخذ قرار بتغييرها ... غلط أشغل نفسي بيها والأفضل اشغل نفسي بالأمور الي ضمن دائرة المستطاع والي الي قرار فيها .. ان شاء الله تكون الفكرة وصلت ... شكرا على المشاركة الايجابية "+" |
رد: هل أنت ايجابي + ام سلبي - ؟؟!!
اقتباس:
الغموض احيانا بيخوف الناس :icon9: لكن الانصات للناس فن لا يتقنه الا قلة .. عموما انت رجل ايجابي "+" وانا اشهد :showoff: |
رد: هل أنت ايجابي + ام سلبي - ؟؟!!
ما بعرف انا يمكن ما كتير فهمت الموضوع بس رح احكي شو فهمت ...
انا بحس حالي ايجابية عندي طموح كبير كتييييييييير ... بس اوقات هالإيجابية بتنقلب سلب لمن ما بقدر حقق هالطموح الكبير .... كتير بحب يكون عندي شي عم بتعلمو .. بس المشكلة اني ما بلتزم بشي ... يعني كل فترة بهتم بشغلة وبتركها .. وبلقالي شغلة تانية ... وعلى نفس المنوال .... |
رد: هل أنت ايجابي + ام سلبي - ؟؟!!
هاي اول مرة بشوف الموضوع فكرة كتير مميزة وموضوع رائع للنقاش خليني اكون واقعية قبل ما اكون ايجابية او سلبية كل شي بالدنيا من حكي وتصرفات وافعال او شي تاني ببلش بشي واحد الا وهو ( الفكرة ) وهون بكون دور الفكرة ازا شخص ايجابي بتكون افكارة ايجابية وبالتالي بيتصرف على انه شخص ايجابي وازا بتكون افكارة سلبية بكون اناسن سلبي والسلبية بالتالي بتعكس عتصرفاته وشخصيته وهكذا ... طيب نبلش بالسلبية يعني مشاهدة الأخبار وواقع الأمة كفيل بتحويل النسان من قمة الايجابية إلى أعمق محيط في السلبية ومع هيك الواحد امله بربه كبير ،، يعني هللأ انا عن حالي بس شوف الاخبار الا ما اكتئب بس هسا صار عادي مرات كتير بس بتصير النطقة انو عادي اكتئب او عادي اشوف الاخبار :s يعني الاخبار بتمثل اكتر شي بخليني سلبية وكمان شي الضجر والزهق بخليني كتير سلبية برضو ! يعني اف بكرا مدرسة اف علينا امتحان اف قرفنا عيشتنا شوف الكلمات كلها سلبية× سلبية بقدر أنا اغير هاد الشي بجوز بس بدها همة عالية ننتقل للإيجابية كتييييييييييييير اشياء ممكن تحول الشخص لنسان مبسووووووووووط يمكن في حدا بحب بس يصى اول شي يشرب شاي وهاشي كفيل انو يخليه مبسوط كول اليوم مع انها شغلة تافهة! وومكن حدا بحب التأمل وهي كفيلة برضو انو تخليه مبسوط بتفائل بس اشوف الناس الي بحبهم بس اعمل الي براسي انا بحب الحياة بحب الناس وبفكر بيومي بس دون الماضي شوف الكلمات ايجابية × ايجابية يعطيك العافية وعسى ان تكون لي عودة بعقد مقارنات او طرح حلول بعد نقاش الاخوة والاخوات ^^ |
رد: هل أنت ايجابي + ام سلبي - ؟؟!!
اقتباس:
الطموح .. المبادرة ... المثابرة كله مرادفات للايجابية ... اما عدم قدرتك لتحقيق الطموح .. بيكفي شرف المحاولة لكن أهم اشي تكون النية خالصة لله الله يوفقك ويزيدك طموح ... امين |
رد: هل أنت ايجابي + ام سلبي - ؟؟!!
اقتباس:
كلام جديل اختي ... بدي احط بين اديكي وادين الجميع دراسة في امريكا بين السنتين الى 18 سنة -يعني فترة الادراك تقريبا- .. يتلقى الانسان 80 الف فكرة سلبية مقابل 4 الاف فكرة ايجابية .. احظي اختي الفرق الشاسع ... وهذا في امريكا .. يعني مافي اخبار تنغص عليهم عيشتهم !! لذلك الأصل فيننا نصنع الايجابية من انفسنا وما نعتمد على الاخرين لانه على الأغلب المجتمع مثبط ومهبط للعزائم ... مجرد التفكير بشيء سنسمع أصوات من حولنا تقول لن تنجح ستفشل ووو ... موفقة اختي على كلماتك الجميلة والي دخلتنا في اصل الموضوع ... |
| الساعة الآن 02:00 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas