منتديات شباب فلسطين - ليش بنحب رام الله؟؟؟؟؟

ليش بنحب رام الله؟؟؟؟؟؟

لانه في رام الله الواحد بتطلع من الكوفي شوب عشان تروح ع مطعم و بالعكس
لانه في رام الله ما بتحتاج لموعد مع اصحابك لانك كل يوم بتشوفهم
لانه في رام الله اطيب ناس
لانه في رام الله اول واحد بهنيك في رمضان صاحبك المسيحي
لانه في رام الله في عيد الميلاد اول واحد بيهنيك صاحبك المسلم
لانه في رام الله كل الناس بتحب بعض بس ما ابتتدخل في بعض
لانه في رام الله البنات حلوات بدون عمليات تجميل
لانه في رام الله ممكن انك تنبسط وما تصرف الا شيكلين ( أبسر )
لانه في رام الله ممكن تفطر فلافل وتتغدى اكل صيني وتتعشى بيتزا ايطالية
لانه في رام الله بتعيش احلى شتا و بتصيف احلى صيف
لانه في رام الله احلى شباب و الطف صبايا
لانه في رام الله بتشوف الناس رايحة على شغلها الصبح وطالعة تسهر بالليل
لانه في رام الله بتكزدر في ركب وبتاكل بوظة ركب وأروع قعدة في ركب
لانه في رام الله اول ما اتروح عند صاحبك بدخلك ع المطبخ وبطعميك من اكل بيتهم
لانه في رام الله اول ما يدخلها الجيش كل الشباب بتضربهم حجار واول ما يطلعو بروحوا يريحوا في المقاهي والمطاعم
لاني لو مش من رام الله لتمنيت اكون منها

أسباب أخرى....

لانه في رام الله الكل متواطئ على سماع فيروز الصبح
لانه في رام الله بس بتدفي قلبك بشيكل ازا شريت كيس فستق محمص وسخن
لانه في رام الله بس رح تسمع الكلمات القروية بلهجة اجنبية
ناولني كرسي >> give me a تشرسي
لانه في رام الله بطير نص الراتب بدون ماتحس فيه وحضرتك مبتسم
لانو في رام الله ثوب مطرز فلسطيني اصيل ...
لانو أسماء الاشارة برام الله فريدة من نوعها هيذا وميذا وهمّا
لانه في رام الله كل الناس بتستنى بعض عند البنك العربي حتى الاجانب
لانو في رام الله 4 من 5 من اصحابك شعرا او صحافيين او الهم تجارب واهتمامات ادبية

لانو في رام الله ازكى معجنات بالتاريخ .. كل التحية للشهباء وبنت الشام
لانو في رام الله اي واحد اتعرفت عليه ع المسنجر بتلاقي بكزدر بشارع ركب
لانو رام الله مدينة حزينة يوم الخميس بكونو اهل الشمال روحوا
لانو هون مابتعرف وين بتخلص رام الله وبتبلش البيرة
لانو برام الله وانت نازل بشارع المنتزه ,, بترتدلك الروح
لانو فيروس الحب منتشر برام الله .. وكل الناس مزكمين

لأنو في رام الله الكل بيدخن غولواز أحمر يعني باختصار مثل دخانك وبالتالي
ما راح تنقطع ولا يوم من سيجارة
ولأنو في رام الله في اشي أسمه رام الله التحتا ويا عيني على رام الله التحتا وأحلى الناس
ولأنو في رام الله ريحة شجر وورد الياسمين ولا في الخيال
ولأنو في رام الله في كثير ذكريات لا بتزهق ولا بتمل وانت بتتذكر
مرة هون صار كذا وهناك شفنا فلان وكان مش عارف شو ماله
دخيلك يا الله طيب يعني لو رام الله مش مهمة ومش حلوة على قولة وحدة صاحبيتي كان الله
لزق إسمه فيها أي لا والله