منتديات شباب فلسطين - خاطره بعنوان ( حال الكون) من تأليف أحمد شبلاق

حال الكون

ناس بتنولد وناس بتموت

ناس نايمين بالشارع وناس بتخوت

ناس من الفقر بتبكي و بتصيح

وناس من الغنى عايشين فوق ريح

ناس عندهم هموم أد جبل

عقلهم من التفكير فيهم انهبل

وناس مش سألين بحدا

مش عارفين شو اليوم ومتى بدا

هذا حال الكون

بس لازم نتغير ونكون لبعض ستر وعون

عشان أحنا بشر ومخلوقين من صلوب

لازم يكون في رحمه بهالقلوب

شو فيها لو السعيد يواسي الحزين

والغني يساعد المسكين

شو فيها لو كل عقيم يرعى يتيم

وكل مشلول عكرسي قاعد تمد أيدك وتساعد

شو فيها ازا بتقدر تخفف عن أخوك الهم كلكم من لحم ودم

في أشياء كتير منيحه ممكن تعملها

أغراض بأيدينا عجوز عنه تحملها

تساعد فقير بوضع عسير

وغيرها كتير

بس أنتا شوف يمين وشمال

حتلاقي خير بكتير اعمال

و ازا انتا بنعمه احمد الله

وازا بنقمه وما استحينا وساعدنا مالك الا الله

تأليف أحمد صلاح شبلاق