|
كل ما استفدته مع الانمي..اول موضوع من نوعو تفضلو مينا(كلكو)
كونيتشوا مينا
اليوم وكأول موضوع من نوعو حبيت اكتب كل الاشياء الي استفدتها من الانمي عشان أبين للكل انو الانمي مش بس تسليه بل فيه انواع من الاستفاده وطبعا الشخص نفسو هوي الي رح يقرر..ازا يشوفو عشان يتسلي ولا انو يشوفو عشان يتسلى ويستفيد خلونا مع صلب الموضوع ونقول بسم الله: اول شيى استفدت منو..طبعا لازم تعرفو ليش استفدت طبعا انا من ما كنت صغيري كنت بموت بشيى اسمو علم نفس والكل بيعرف انو موضوع شيق وحلو وكتار ناس بيحبوه بس مش الكل بينجح فيو وطبعا اساس هلموضوع هوي معرفه تصرفات الناس وتحليل مواقفهم وشخصياتهم بحسب الموضوع الي رح يتخصص فيو طبعا انا حلمي الاول والاخير اني اصير علم نفسي اطفال طبعا انا كنت افكر انو هلموضوع هوي الوحيد الموجود فيو بس بعدين اكتشفت في هناك اكتر من نوع فهناك الاجتماعي والعلم الشخصي وعلم الاجرام وغيرو طبعا انا بعد ما عرفت باقي الانواع حبيت اني اصير شيى ثاني بس فكرت بالاول انو لازم بالاول اني انجح فيو بشكل عام وبعدين التخصص لاني بالبدايه كنت افكر انو الشخص لما بدو يصير علم نفسي اطفال فرح يحصل عليه بس اكتشفت بعدين انو غلط..طيب نرجع لموضوعنا بما اني بنفسي وبداخلي بحب تحليل الناس ومن طريقه تصرفاتن وكيف بنعرف ازا بيحكو الحقيقه او لا فالحل الوحيد اني اشوف الانمي..طبعا بعد ما كبرت وصار عمري 10 سنين فايش كنت اعمل..كنت احضر انمي معين واقرب مثال هوي الانمي الطفولي بما انو اسهل موضوع فلازم اني اتعلمو بالاول كنت دايما اطلع على الشخصيه نفسها واعرف حتى بدون قرأ التقارير ايش هي شخصيتها وكمان بطريقه المواقف الي صارتلن طبعا انا بدي احكي عن انمي مش طفولي بما اني صرت اعرف احلل شخصيات الانميات الطفوليه الخ. في كيف ما بنعرف في هناك انمي اسمو دراغون بول زد..طبعا هلانمي الي عقلو صغير لا يشوفو لانو فيو اشياء حرام نفكر فيها وانتو بتعرفو انو مؤلفو هوي ياباني يعني مش عربي ولا مسلم..فعشان هيك فكرو بالاول بهلشيى وبعدين احكو الي بدكو تحكوه طيب في شخصيه بهلانمي اسمو فيجيتا..وهوي بالاصل امير لكوكب اسمو كوكب الساين..طبعا في الانمي مش كيف ما بتفكرو:icon15: طبعا من تصرفاتو بالبدايه تصرفات اشرار وبالاصل هوي شرير بالبدايه..ما بدنا ندخل بتفاصيل الانمي طبعا بيصير اشياء وبيصير طيب وهلشيى بسبب البطل الي اسمو غوكو..للي بدو يعرف طبعا اسا طبعا لكل شخص رح تبقى الو تصرفات حتى ولو تغيير..وهلشيى اكيد بتكونو عارفينها اسا بحسب ما كيف شفت شخصيتو وبما اني بحب شخصيتو كتير..شخصيتي المفضله..فعرفت انو تصرفاتو السابقه ما تغييرت غير شيئين وهني انو صار طيب والثاني انو صار عندو عيلي..طبعا مافي دخل للعيلي بس بالبدايه ماكان عندو زوجه واولاد الخ وطبعا الشيى بالعيلي الي تغيير فيها لما صار عندو اول ابن واسمو ترانكس..بعدين بيصير عندو بنت بس باخر حلقات الانمي المكونه من 291 حلقه طبعا لازم انو يحب مرتو الي اسمها بولما..قلت اسمها لانها من الشخصيات الرئيسيه لانها طلعت باول جزء وبعدين بالجزء الثاني طيب نرجع لموضوعنا..هلتصرفات او هلاشياء هي الي تغيرت بداخلو او اضيفت لشخصيتو اسا في الو تصرفات وكيف ما قلت ما تغييرت واكتشفت هلشيى بمساعده حلقات الانمي فانا حللت شخصيتو وتصرفاتو وبتعرفو لكل شخصيه تصرفات بنعرف ازا كان شرير ولا طيب اسا الاشياء الي حللت بشخصيتو بدون قرأتي للتقارير انو حلمو انو يهزم عدو الاول البطل غوكو..طبعا كيف ما قلت كان بالبدايه شرير فعرفت انو بعدو بدو يهزمو وكمان في بداخلو شوي من الشر فمثلا باحد الحلقات بدون تفاصيل كان في عدو شرير اسمو سيل اسا كان بنسبي لفيجيتا ضعيف فشو عمل قالو انو لازم يوكل اتنين من الاندرويد..هني اليين بالانمي اسا طبعا سيل هوي مخلوق غريب وضخم ومخيف وهاي صورتو للي بدن يشوفو: http://files.shabab.ps/vb/images_cas...114454zKCZ.jpg طبعا الصوره فوق هي تحولو الاول فهوي عندو تلات تحولات بس مالقيت التحولين التانيين وملاحظه انو التحول الثاني هوي المطلوب..طيب نرجع لموضوعنا اسا طبعا سيل عمل كيف ما قالو بس المشكله انو التنين من الاندروود انثى بيحبها صاحب البطل الي اسمو كريلين مع انها اليه بس هوي حبها..وطبعا بعدين بتصير بشريه لما يطلب امنيه من تنين عملاق ويطلب انو يحولها لبشر عشان يتزوجها اسا راح سيل وطبعا اكل الاندروويد التنين وكان هلشيى بيبيلنا انو فيجيتا في عندو شر وماكان هدفو غير انو يهزم سيل لما يكون قوي..يعني بيعتبر حقاره منو وطبعا بيندم بعدين لانو صار سيل بتحولو الثالث اقوى منو وكان هلشيى بفضل اكلو للاندروويد وبفضل حبيبي فيجيتا..بضلني احبو للاخر اسا هاي اول تحليل حللت فيو واسا رح ادخل بالشيى الثاني..دايما وعلى طوال حلقات الانمي كان بدو يهزم غوكو..خلص لما يقول شيى لازم يعملو وطبعا بيصير كتير اشياء بتخلي فيجيتا يقاتل غوكو او يذكر انو بدو يهزم غوكو..لانو هزمو مره وبدو ينتقم منو بس طبعا بيضل في عده اشياء بتعيقو وهي عيلتي فكيف ما بنعرف عندو عيلي ومن واجبو كأب انو يهتم فيين طيب هون اكتشفت شيى وهوي تحليلي الثاني وهوي رغم انو كان شرير وبعد في بداخلو شوي شر وهوي هزيمه البطل بس في بداخلو شيى طبعا مش الكل لاحظ بسبب شكلو الي بتبيلنا انو شرير..اسا اكتشفت هون انو في بداخلو شيى وهوي انو يحمي عيلتي ويهتم فيها وما يسمح لاحد انو يأزيهن..يعني هون بيظهرلنا كل فترات الانمي بعد ما يصير طيب انو في شيى بداخلو مش ممكن انو يعملو ولا مره بحياتو رغم انو فيو شوي شر وهي عيلتو وكيف ما بنعرف العيلي هي أهم شيى وحتى ولو كان شرير او قاسي الا ما يكون في عندو شيى وهي حبو لعيلتو طيب هون انا اكتشفت تحليلين لهلشخصيه وفي كمان تحاليل بس حابي اكتب الاشياء بشكل عام الي استفدت فيو بالانمي طيب نرجع للشيى الثاني الي استفدت فيو بالانمي وهوي التعلم وطبعا اول شيى رح ازكرو هوي استفادتي من الانمي بخصوص الرسم فكيف ما بنعرف الانمي هوي رسم وفيو بتتواجد اغاني وشخصيات وكل هلاشياء بس الكل الي بيعرفو انو هوي مرسوم وبما انو رسم وانا من محبي الرسم فاكيد في هناك شيى استفدت منو وهوي اني صرت احاول واشجع نفسي اني ارسم شخصيه ولو شخصيه كرتونيه من انمي معين وطبعا انا دايماً بفشل بس بحاول وبعدين بفشل ولحد اسا عم بفشل برسم شخصيات الانمي ماعدا الشخصيات الطفوليه..يعني الي شكلن طفولي واولاد صغار او مخلوقات الخ طبعا هلشيى الوحيد الي ببدع فيو برسمي للانمي..قلت للانمي مش شيى ثاني وطبعا انا حالياً عم بحاول اني اتعلم رسم الخلفيات والكل بيعرف انو الخلفيات موجودي بالانمي وكيف ما بنعرف الانمي واسع من الالحان والرسم يعني كل مقطع لازم انو يكون فيو خلفيه وهون بتعرف على خلفيات جديدي وما الها نهايه وطبعا شيى ثاني اني صرت دايما اشدد على الظل مثلا ظل الشعر وظل الارجل والايادي وغيرو طبعا بعض الانميات او الكرتونات امثال توم وجيري مافيها خلفيه على الشخصيه نفسها غير ممكن بس نشوف بس انو بين اجرين(ارجل) الشخصيات في ظل بس تحت الايد والرقبه الخ مابشوف فيها خيال..وهلشيى غلط لانو الظل لازم يكون متواجد باي مكان حتى بالانمي طبعا هلشيى مع الكرتون اما الانمي فكل شخصيه في ألها ظل باي من الاشكال وخصوصا الرقبه..لانو عندنا بالحقيقه برقبتنا بنشوف ظل وهوي ظل شكل الرأس فعشان هيك وعشان يخلو شوي الانمي واقعي دققو بكل شيى ممكن يكون بالحقيقه وفيو ظل..يروحو يدخلوه بشخصيات الانميات طبعا مع مشاهدتي للانمي على مر السنوات صرت استفيد اكتر بخصوص رسم الانمي..متلا رسم مركبات وادوات الخ والاهم اني ادقق دايما انو كل شخصيه تكون الها ظل..طبعا صادفت كم من مقطع ما عملو لشخصياتو ظلال طيب اسا نيجي بموضوعي التال وهوي معلومات عن الانمي ممكن يكون للبعض هلشيى علفاضي او بس للتسليه بس في شيى لازم تنتبهولو انو كل انمي في مغيين مشهوورين واغلب الانميات بيكونو المغنيين او الملحنين الها لفرق يابانيه مشهوره جدا وبيدفعولها كتير عشان تلحن او تغني انمي وكمان الانمي المغنيين فيو طبعا المغنيين صعب انو ينشهرو بس بالانمي فكل شيى موجود فمثلا في عندنا مغنيه بمركز الزهره اسمها رشا رزق وطبعا ما غنت غير باغاني الانمي بس لما غنت كم انمي صارت مشهوره كتير وصار الكل يدور على اغانيها الجديدي وهيك هلشيى بيتماشى مع الياباني وانا من محبي معرفه مين مغنيين او ملحني الانمي مين الي رح رسم هلانمي..في رسامين مشهورين ازا شفتو كل انمي من رسمو رح تعرفو من اول مره هلرسم رسم مين..لانو لكل رسام الو طرق للرسم وكمان بتعرف على مؤلفي الانمي وبشوف كيف خيالهن وطبعا مش كل مؤلف انمي ممكن يكون خيالو واسع..بس في كتير مؤلفين عندن خيال واسع كتير وكمان مين مخرج هلانمي وبنسبي الي المخرجين اهم شيى عندي عشان اعرف هل الانمي رح يعجبني ولا لأ..لانو في مخرجين بيعرفو يخرجو انمي بس الباقي لأ وعشان تتابع انمي اهم شيى تعرف مين المخرج لانو لو عندك مخرج مفضل واكيد بتعرف كتير اشياء عنو فبتدور على كل انمي من أخراجو والشيى الاخر هوي مؤدي اصوات الشخصيات..اهم شيى عندي بعد الاخراج هني مؤدي الاصوات فمثلا كتير انميات بنشوف البطل مؤدي صوتو بنت وطبعا ماكنا نعرف انو مؤدي الشخصيات بنت..مؤديه صوت غوكو الي حطيت الو مثال فهي بنت ومثلا الي بيعرفو لان وميجا مان..بالعربي مدبلج عن طريق شركه مصريه للدبلجه..فمؤدي اصواتن بالياباني بنات..وبالقوى لتلاحظ هلشيى غير ازا دخلت موقع لتعريف الانمي وتشوف مين مؤديه صوت شخصيتك المفضله بس مع مشاهدتي للانمي فتره طويله صرت اعرف ازا مؤديه صوت الشخصيه بنت ولا ولد..وهاي كمان شيى استفدت فيو بالانمي اما اسا مع الموضوع التالي وهوي تعلمي للتاريخ طبعا الكل بيعرف لكل شعب الو تاريخو الخاص والتاريخ المشوق لكل الناس هوي التاريخ الياباني وعاده بعض الانميات بتحكي عن تاريخ الياباني مثلا انمي يحكي عن الشينجيامي..وهوي من التاريخ لانو كانو يعتقدو انو موجود وكيف ما بنعرف اسمو بالعربي اله موت(استغفرلله) طبعا هلشيى ما عرفتو غير مشاهدتي للانمي وماراح انسى انميات الساموراي فهلانميات عرفتني كتير معلومات عن تاريخ الساموراي وكمان انميات النينجا وبالحقيقه النينجا موجودين بس باليابان والمعلومات عنن قليل للي ما شافو الانمي طبعا اما انا فبمى اني شفت انمي نينجا فعارفي كتير اشياء عنن..واهم مثال هوي ناروتو المدبلج عن طريق مركز الزهره وكيف ما بنعرف ناروتو بيحكي عن النينجا وكل الي بيخصن وللي تابعو عرف كتير اشياء عنن وكلو بسبب هلانمي وكمان بالانمي استفدت بالاشياء الي بتخص حضارات اليابان وانا لولا هلانميات لما كنت اسا عم بهتم باليابان وطلع كتير اشياء ما عرفت عنن وطلع شعب مهووس بالخيال وشعب حلو تتعرف على الامور الي بتختص فيو لانو عنجد شعب فيه كتير اشياء بتخلي الشخص يعرف عنن مثلا عندما سمعت عن شيى اسمو نينجا اسرعت بسرعه عشان اتعرف على النينجا وكنت افكرن خيال بس طلعو بالاصل حقيقه ننتقل للموضوع التالي وهوي ما بيخص التعليم بشكل عام فمتلا كنت دايما بتسائل عن شيى بيخص الكيمياء وهي النانو وطبعا بحثت بالمواقع بالعربي عن معلومات حول هلشيى بس بدون اي فائده..مبين انو العرب ما بيهتمو بالتكنلوجيا بس بعد ما سمعت بانمي اسمو بلاك كات عرفت انو في شخصيه منو حطو فيها ماده وهي النانو وحطو شرح مفصل عن النانو بالانمي نفسو فعرفت كتير اشياء ما عرفتلها عنها وصراحه ما بعرف لي حبيت اعرف شو هو النانو بس انا بصراحه مهوسه بالعلم..يمكن هدا السبب في كتير اشياء استفدت فيها بالانمي وهي ما بتنعد ولا بتحصى وهناك شيى واحد ما زكرتو وهوي معرفتي بالرياضه الخاصه باليابان..يعني متل استجماع الطاقه او شفاء الانسان او رفع الاشياء الخ وطبعا هي حقيقيه..مافي حدا رح يصدق بس الي بيصدق فهلشخص عنجد زكي..وطبعا معروف لليابان انن مشهوورين بهلرياضه وطبعا البعض رح يستغرب كيف فادتك ورح اقولكو فادتني لدرجه كبيري فمين كان يتصور انو اي انسان بيمتلك الطاقه بس بيحتاج لشخص مهتم بهلشيى وبيصدق هلشيى وبيكرس نص حياتو عشان يعرفها انا كتير مرات حاولت اني اتعلم هلشيى بس مانجحت..يمكن لاني بهتم باشياء تاني لانو بينقال انو مشاغل الحياه هي الي ما بتخلينا ننجح بعملها وبالنهاي ما بنصدقها بس انا بصدقها مئه بالمئه وطبعا حلمي الوحيد اني اتعلم رياضه استجماع الطاقه لانها بالفعل شيى حلو ونادراً ما بيتم عملها..خصوصا اني اشفي اي انسان بعرفو نهايه الموضوع..الموضوع طويل شوي بس فيو كل شيى استفدت من خلالو بمتابعتي للانمي وكيف ما قلت في كتير اشياء ما زكرتها بس عشان ما اطول الموضوع اكتر وبالنهايه بيبين ألنا انو الانمي عنجد مفيد مش بس للتسليه او كهوايه..فلازم كل شخص ينظر للانمي بناحيه تعلم وتسليه بنفس الوقت وليست تسليه فقط ان شاء الله ما اكون طولت عليكو كتير..طبعا انا طولت عليكو بس شو نسوي مش لازم يعرف الناس انو الانمي للفائده كمان وان شاء الله ما انحرم من ردودكو الحلوه حتى ولو قرأتو نص الموضوع جاني مينا ملاحظه:هلموضوع تعبت فيو وانا كاتبيبتو فبتمنى عدم النقل |
| الساعة الآن 04:49 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas