منتديات شباب فلسطين - عصاية وانكسرت

لما رجع الأب من السفر لقى إبنه الأصغر باستقباله في المطار، فسألة الأب بسرعة: شو صار في غيابي؟ صارلكو مكروه ؟

جاوبه الابن: لا يابه كل شيئ كويس بس... صار شيئ بسيط وهو أن عصاية المكنسة انكسرت.

جاوبه الأب مبتسماً: بسيطة جداً، ولكن كيف انكسرت؟

جاوبه الابن: أنت عارف يابه لما توقع البقرة على شيئ بتكسره......

جاوبه الأب متعجباً: البقره!!! انت بتقصد بقرتنا العزيزه.

جاوبه الابن: نعم، نعم، لما كانت بتشرد خايفه، داست فوق عصاية المكنسه وارتمت البقره على الأرض وانكسرت عصاية المكنسة.

جاوبه الأب: والبقرة، صارلها شيء؟

جاوبه الابن: ماتت.

صرخ الأب: ماتت، ومن شو كانت بتشرد خايفة؟

جاوبه الابن: كانت بتشرد من الحريق.

قال الأب: حريق!!! وأي حريق هاد؟

قال الابن: صار حريق في بيتنا.

قال الأب: شوو!!! بيتنا انحرق، وكيف احنرق البيت؟

قال الابن: أخوي الكبير - الله يرحمه

قاطعه الأب: ليش مات أخوك؟؟

قال الابن: نعم، أخي كان بيدخّن فطاحت السجارة على السجادة

فانحرق البيت ومات أخوي جواه.

قال الأب وقد انهارت أعصابه: ومتى كان أخوك بيدخنً؟

قال الابن : اتعلم الدخان عشان ينسى زعله.

قال الأب: وايش الزعل هاد؟

قال الابن: زعل على ماما.

قال الأب: وايش صار لأمك.

قال الابن: ماتت بس.