منتديات شباب فلسطين - الفـــــرق نقطــة بــس !!!!

الفــــرق نقطــــة ..

مواطن عربي 1: لك شايف النقطة أديش صغيرة ، بس يا أخي بصراحة مفعولها كتير كبير..
موطن عربي2: شلون بقا هيك، فهمني لشوف !!!

رح أعطيك أمثلة : هلأ هنّا بيقولولهون غرب بس نحنا بيقولولنا عرب والفرق بيناتنا نقطة .

هنّا صارو شعب الله المختار ، نحنا صفينا شعب الله المحتار والفرق بيناتنا نقطة .
هنّا بيفكرو باستغلال الشعوب ونحنا منفكر باستقلال الشعوب والفرق بيناتنا نقطة .

يا سيدي هنّا قدرو يعملو بين بعضون تحالف ، بس نحنا العرب عملنا بينات بعضنا تخالف والفرق بيناتنا نقطة .

هلأ هنّا عندون المواطن وضعو 100% مزبوط ، بس المواطن عنا وضعو 100 % ‏مربوط والفرق بيناتنا نقطة .

يا سيدي هنّا إذا صار غلط بحياتون بيدورو على حكوماتون وبيعملولها إحراج ، أما نحنا إذا صار شي منسكت ومناكل هوا والحكومة بتعمل للغلط إخراج .

أصلاً أنت بتعرف ليش وصلنا لهلحالة ؟

ليش ؟

لأنو هنّا بيتفاهمو بينات بعضون بلغة الحوار ، بس نحنا منتفاهم بينات بعضنا بالخوار والفرق بيناتنا نقطة .
و مواطنون وصل لمرحلة الحصانة ، بينما نحنا مواطنا لسعتو عم يعيش مرحلة الحضانة والفرق بيناتنا نقطة .

(لك بوووس أيدك وطي صوتك ، ليأوموا يسمعونا المحابرات)

ليش مو على أساس كل واحد يحكي على كيفو والبلد صار فيها شوية ( ــــ ) ؟

تقبلــو فــائق احتــرامــي وتقـديــــــري ::