منتديات شباب فلسطين - كلماتٍ .... ليست.... كا ..... الكلمات

كلماتٍ سرقتها من منتداهم هههههههههههههههه (عسى الله ما يواخذني) وجبتها لكم عسى ان تعجبكم مثل ما اعجبتني

/

البارحه مدري وش اللـي خذانـي
يوم اجنبو عني من الضيقه اشملت
جيـت اتكلـم بـس عيّـا لسانـي
ماكني الا مرتكب ذنـب واخملـت
الله يسامح مـن ذكـرت ونسانـي
وانا ادري اني لا ذكرتـه تجملـت
عانيت وادري كـل طيّـب يعانـي
وعلى حساب طعوني الخضر جاملت
ياما خذوا منّـي ولاحـدٍ عطانـي
من طيبتي في حق نفسي تساهلـت
عـزاي لامنّـه تجهّـم زمـانـي
يممت وجهـي للكريـم وتوسلـت
واللي يبي قربـي وبعـدي لقانـي
امشي على وضح النقـا ماتختلـت
مرات احس انك معي شخص ثانـي
ومرات احس انك حبيبي ومازلـت
لاتفرح انك دجـت بيـن المحانـي
لـو ماتخـون الذاكـره ماتسللـت
عشان ماضيك الجميـل وعشانـي
حاول تشيل من الوفا ربع ماشلـت
ماني على خبـرك حبيبـي ترانـي
حتى عن صغار الامانـي تنازلـت