| صفحة 1 من 6 | 1 | 2 | 3 | > | الصفحة الأخيرة » |
|
|
شــــو هاد اللي بيصير بالمنتدى !!!!
|
رد: شــــو هاد اللي بيصير بالمنتدى !!!!
السلام عليكم ورحمة الله وبركاته
أعضاء المنتدى الغالي لقد احترت في هذا المنتدى الذي فعلا أصبحت أعتز باني عضوا فيه لكـــــــن!!! لقد احترت من الذي يحدث في هذا المنتدى من تحريض ومن انتقاد لتنظيمات الكل يعلمها جيدا والكل يعلم أنها شريفة ... عندما قرأت شروط المنتدى كان أحدهما عدم التحيز والتحريض والخوض في المواضيع السياسية وعندما دخلت الى المنتدى كان الأخ محمود قد طرح موضوع الشروط وكان أحد الشروط أيضا عدم التطرق الى المواضيع السياسية وعدم دخول الاعضاء باسماء سياسية ولكن تفاجأت باني وجدت على رأس القائمة ( قسامي غزة . قسامي رفح . مؤيد حماس . عاشقة حماس . حمساوية ..... ) وانصدمت أكثر عندما قرأت مواضيع تحريضية ضد حركة فتح التي لا أحد يستطيع أن ينكر شعبيتها ومكانتها بين الشعب الفلسطيني كمان لا ينكر ما قدمته حركة فتح لهذا الشعب .... ولكن كانت الصدمة الكبرى عندما رأيت الأخ محمود يرد على أحد المواضيع السياسية ويأيد ما جاء فيها وكأنه ليش محمود الذي قام بطرح موضوع الشروط .... لم أطرح هذا الموضوع للتحريض أو ما شابه ولكن أريد أن أعرف ماهية هذا المنتدى ؟؟!! فان كان سياسيا فنحن أيضا أبناء فتح لدينا الكثير من الفضائح والدلائل والحقائق عن حركة حماس كما يقوم الاخرون ضد حركة فتح الشماء ومقاتيلها الشرفاء .. مـــع العلم أنني لم أقم بطرح هذا الموضوع الا عندما بلغ السيل الزبى ... وأصبح ما يحدث في هذا المنتدى لا يطاق.. ومع العلم أيضا أنني أفتخر باني عضو في هذا المنتدى وأني بهذا الموضوع قد أعرض عضويتي للخطر ولكن لم أعد أحتمل لذا طرحت هذا الموضوع وأرجوا من أصحاب الشأن أن يردوا بكل مصداقية وحيادجية وبضمير ... والسلام عليكم ورحمة الله وبركات اسمحلي انسخ موضوعك لأني بشتغل ع الفيرفوكس وما بطلع عند الكلام الا ازا شلت الاطار يلي حاطه في التنسيق .. رح ارد عليك .. |
رد: شــــو هاد اللي بيصير بالمنتدى !!!!
لست من اصحاب الشان
اذن هو مجرد مرور اسجل معه هذه العبارة *لا حول ولا قوة الا بالله العلي العظيم* تحيتي للجميع |
رد: شــــو هاد اللي بيصير بالمنتدى !!!!
معــك حــق خيي
هالشــروط السياسيه الي بتحكي عنها كان ينعمل فيها بس هلا اختلف الوضع وما حدن بعمل فيها ^^ المنتدى قبل كان يوقف بوجه أي تحزبات بس هلا كل واحد فيهم ماخد راحتو..والاكتريه هني الي بمشو افكار حزبهم هون.. هالوضع مؤسف دايما بتمنى يرجع المنتدى متل الاول والفتره الاخيره حاولت أحكي بهالموضوع كتير .. وانو يتاخذ اجراءات صارمه ضد أي مواضيع سياسيه محرضه ومنحازه لحزب معين بس لا حياة لمن تنادي:) بعين الله |
رد: شــــو هاد اللي بيصير بالمنتدى !!!!
في البداية ..
عليكم السلام ورحمة الله وبركاته ،، عزيزي أحلــى أنا ،، كلمـة قسامي في نظري شرف كبير ،، وعز الدين القسام التي حماس اقتبست اسمه اجلالا ً لفداء شخصه .. فــ قسامي =أنسبها لعز الدين القسام ( الشيخ التي تتشرف به الأمة أجمع والتي لا يستطيع أن ينكر فضله أحد ) كما هنا يسمح بالتسيجيل بأسماء ( الياسر ) دلالة على ياسر عرفات رمز الأمـة .. وهكذا أسماء ثورية شريفة .. -- أما موضوع حمساوي .. مؤيد حماس ( اسمه مسبقا ً ) وتبعا ً لقوانين المنتدى اسمه الآن مؤيد (فقط ) يمكن مراجعه اسمه من جديد .. .. أما عن عاشقة حماس أو أي اسم ثاني ومن ضمنهم رح تلاقي فتحاوي أصيل ,, وعاشقة سميح المدهون و الــخ من الأسماء .. ( انظر الى عدد المشاركات اخوي ) فلا يوجد عتب على عضو غير مشارك معنا في المنتدى ( فقط اسم ) .. لكن ان اشتد عوده ، و أصبح من المشاركين صارحناه بقوانين المنتدى التي يجب الالتزام بها .. وبالتفاهم والمحبة والأخوة يتم كل شئ ، فما بالك بعضو جديد يكون اسمه فتحاوي او حمساوي :) يرجع يلاقي اسمه محذوف او يلاقي رسالة تحذير اله !! رح يعتقد انو المنتدى متحزب ضده ومربوط في النقيض الآخر او الطرف الآخر .. لهيك اخويكل شئ بنظام بصير .. .. أخي أما مواضيع حماس وفتح ، ان لم تكن سلمية وان كان غرضها التشهير والتحقير فبلا منهـا .. يمكنك النقاش بشكل هادئ وبدون السب والشتم في أي قضية ، بدون الاستهزاء بالطرف الآخر .. بدون نشر الفضائح والأكاذيب على أن يكون كل خبر من مصدر موثوق منه .. كل التحية .. |
رد: شــــو هاد اللي بيصير بالمنتدى !!!!
انا كمان الموضوع هادة شاغلني الو فترة
انا ما بحب السياسة وما بحب الحزبية وما بحب التجمد وما بحب الجدل اللي هو السبب الرئيسي في افشال اي نقاش لانو بيخلي الموضوع يصير مش بمكانه الاصلي بس هادة اللي انا بحكيه وشكرااااا |
رد: شــــو هاد اللي بيصير بالمنتدى !!!!
والله إفشال النقاش بتصير بأهداف متعمدة :)
من بعض الأشخاص بحاولو يغيره محور الموضوع بكلمة أو كلمتين فيهم نوع من الاستفزاز ، بس يعني بزوق شوي مشان ما يبين حاله الواحد انو غلطان قدام ادارة المنتدى ، يعني كنوع من الاستغفال !! والمشكلة هالشي من الطرفين ،، لكن بنضطر نسكر الموضوع مرة تجنبا ً للمشاكل والمشاحنات ، بس بعد ما يطفح الكيل .. في اسلوب ثاني يستخدم بعد تحذير الأعضاء ,, كل التحية .. |
رد: شــــو هاد اللي بيصير بالمنتدى !!!!
كل الشكر للمدير محمود على التوضيح .....
فعلا ً انا الكل بيعرف انو اسمي كان زمان " مؤيد حماس " ومحمود حكالي انو ما بدنا أسماء فصائيلة ، قلت له ماشي خليه " مؤيد " ، عاد كنت بتمنى ولازلت بتمنى يضل اسمي مؤيد حماس، لإنو اسم حماس بشرفني وبيشعرني بعزة الإسلام وبعزة قادة الحركة وشهدائها ، لكن القانون فوق الكل في المنتدى هون ..... وفي أسماء فتحاوية كتير بالمنتدى ، عشان هيك ما بدنا نضحك على بعض ....... أما عن الي بيحكو انو في مواضيع تحريضية ، بدي اقلك في فرق بين التحريض والكذب وبين الحقيقة .... والي بيحكو عن الوحدة وانو ما بدهم تحريض ، يروحو يشوفو مواضيعهم الي حطوها قبل ايام في القسم الفلسطيني العام وبتحرض على حماس وما حدا حذفها ........ وانا شفت مواضيع كتير وضليت ساكت ..... عشان هيك خلي بعض الناس تروح تشوف حالها بالأول شو بتعمل بعدين تجي تحكي علي ... واليوم نزلت موضوع عن الحقيقة الي بتصير عنا بالضفة بما اني من الضفة الجريحة الي هي جزء من فلسطين .... وما طرحت الموضوع بمسبات زي ما بتعملو انتو ، طرحت الموضوع بأسلوب هادئ ومتزن بعيد عن أي شتيمة او مسبة .... ودائما ً بوثق مواضيعي بأدلة ومصادر ، مش بروح بكتب كلمتين من تأليفي وبسب وبطلع متل ما بتعملو انتو وما بتذكروا ولا مصدر ولا اشي .. وصدقني الكل ملاحظ اني يا دوب أنزل موضوع كل اسبوع بس ، مع انو بإمكاني أنزل اكتر من 3 مواضيع يوميا ً ، وعندي مواضيع فعلا ً جامدة بس ما بنزلها عشان ما حدا يقول شو الي بتعملو ..... عشان هيك يا حبيبي كل الي بعملو بالمنتدى هو مجرد ردود أفعال مش أكتر ، ولساتني محافظ على هدوئي وما بنزل مواضيع قاسية عليكم ..... وأنا بعتذر ما بقدر اني اسكت على الفظائع الي بتصير بالضفة ، يا ريت لو بقدر ....... وشفت ردك اليوم أنا بموضوعي وقعدت تسب وتشتم كعادتك ، بس ازا مش قادر ترد بأسلوب مؤدب ما ترد وخلص ، لشو توجع راسك وتخرب سمعتك بالمنتدى لما تحكي كلام فيه سب وشتم ... والمدير محمود جاوبك أجوبة أوضح من الشمس ^_^ : اقتباس:
وينك يا عاشق الحور :icon5: |
رد: شــــو هاد اللي بيصير بالمنتدى !!!!
اقتباس:
أول شي الكل بيعرف بالنسبة لكلمة قسامي انه القصد منها كتائب عز الدين القسام وليش كما تقول انت مع انه الاصل ما تقول ولكن هذا معناها الان وبالنسبة لعاشقة سميح المدهون هي ابنة أخ سميح المدهون ( يعني سميح بيكون عمها ) وما في مانع انها تعشق عمها دون الميول للسياسة يعني فقط عاشقة سميح المدهون لأنه عمي . وبالنسبة للمواضيع السياسية هناك الكثير من المواضيع التحريضية التي لم تحذف وكانت ضد أشخاص مع ذكر أسماء ولم يكن هناك اي اثباتات وانما فقط استهزاء وأقرب مثل موضوع (((مباراة بين فريقي حماس وفتح))) وعلى كلا بتمنى انه يتم حذف كل موضوع سياسي مهما كان وتحذير صاحبه. لأنه هذا المنتدى يضم أعضاء من جميع التنظيمات وكل عضر رح يرد على الموضوع بطريقته ورح تصير المشاكل بالمنتدى .. لأنه بعدها رح يضطر كتير أعضاء انهم ينزلوا مواضيع ضد الطرف الاخر و أنا رح أكون على راسهم وتسلم على التوضيح |
رد: شــــو هاد اللي بيصير بالمنتدى !!!!
اقتباس:
وأنا هاد اللي خلاني أنزل الموضوع بيعين الله صبـــرا جميلا والله المستعان عما يصفون تسلمي نسرينا على المرور الروعة |
| الساعة الآن 01:24 PM. |
|
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas