|
:: قيــادي في " فـتـح " يهاجم عباس ويؤكد شرعية حكومة هنية ::
غزة – صوت الأقصى أكد القيادي بحركة فتح عضو المجلسين المركزي والوطني الفلسطيني وأحد مؤسسيها جمال عايش أن حكومة تسيير الأعمال بقيادة الأستاذ إسماعيل هنية تمثل الشرعية الفلسطينية. وأضاف عايش في مقابلة أجراها معه مراسل الجزيرة نت في عمان أن حكومة دايتون التي عينها رئيس السلطة محمود عباس غير شرعية لعدم انعقاد المجلس التشريعي للمصادقة عليها. واعتبر أن قيادة فتح ورئاسة منظمة التحرير الفلسطينية مخطوفتان من قبل مجموعة متنفذة مدعومة من الولايات المتحدة الأميركية والكيان الصهيوني. وكشف عايش للجزيرة نت أن الرئيس محمود عباس يضغط على المجلسين لمساندة قراراته فيما يتعلق بثوابت الشعب الفلسطيني. كما كشف عايش عن تفاصيل اجتماع عقد مؤخرا للجنة السياسية في المجلس الوطني الفلسطيني بعد أن طلب الرئيس محمود عباس من المجلس إصدار بيان يدين عقد مؤتمر دمشق المناهض لمؤتمر الخريف. وأكد المسؤول بفتح أن رفض عباس تفعيل منظمة التحرير يعود لعدم رغبته في السماح لقوى 'المقاومة والممانعة' الممثلة بحركتي الجهاد الإسلامي وحماس من السيطرة على القرار في منظمة التحرير. |
رد: :: قيــادي في " فـتـح " يهاجم عباس ويؤكد شرعية حكومة هنية ::
وشهد شاهد من أهلها .......
مش أول مرة بنسمع ناس شرفاء في فتح بتحكي هيك كلام مهم .... وفعلا ً حكومة عباس الحالية غير شرعية ، لإنها لم تنل الثقة من المجلس التشريعي ، بل حكومة عباس فرضت على الشعب فرض كما هي منظمة التحرير مفروضة فرض علينا وتتحدث باسم شعبنا بالخاوة .... وبسمو حالهم انهم ديموقراطيين ومع التعددية السياسية واحترام الاخر والاعتراف به .... يعطيكِ الف عافية دموع الرحيل ..... خبر مهم ..... ^_^ |
رد: :: قيــادي في " فـتـح " يهاجم عباس ويؤكد شرعية حكومة هنية ::
اكيد يا اخ مؤيد اغلب ابناء حركة فتح شرفاء
لكن قيادتهم عملاء وطبعا مين الي يطول عميل محروس من قبل اسرائيل قلي كم واحد بتشوف من ابناء حركة فتح بغزة اكيد بتشوف كثير لكن كم واحد الي طلع على الضفة ما بنعدو 30 نفر شو فتح كلها 30 نفر ما بظن لكن بخصوص الاعمار الصغيرة فهي ما عندها علم بالواقع فبتجري مع ركضان التيار بتشوف ناس بطبش بروحو يطبشو بشوفو ناس بتغلط بغلطو يعني ما الهم شخصية ولا الهم مبدء بس هيك عايشين من قلة الموت غير هيك يا اخ مؤيد تنساش في مثل مش كل اصابعك واحد حماس مش نظيفة كاملا في افراد بحماس وانا على استعداد اقعد معك وجهة لوجه ومناقشة وباسماء عن اشخاص فسدة يعني يا اخي الدنيا نص ابيض ونص اسود والابيض والاسود موجدين في كل مكان في كل بيت وفي كل حارة وفي كل حزب وفي كل تنظيم وفي كل بلد وربنا يوفقك وتسلمي اختي دموع على هالخبر وربنا يوفقك وربنا يجيب الي فيه الخير لفلسطين |
رد: :: قيــادي في " فـتـح " يهاجم عباس ويؤكد شرعية حكومة هنية ::
مـعـكـ حـق ابـن فلسطين^^
ما في حزب بالدنيا منزل من السما وكلهم مناح هاي شي مش منطقي فيه مناح وفيه مش مناح بكل مكان حتى بالاسره الوحده بكون فيها الولد المنيح والولد العاطل بس الحمساويه ما بحبو يعترفو بهالشي للاسف وبعتبرو انو كلهم صح وكلهم شرف ودين وانا بعرف حمساويه بغزه وبكونو قرايبي كمان حكولي هالشي.. الاعتراف بالحق فضيله مشان هيك دايما بحكي لأي حدن ما يغلط بوجه العموم ع فتح ولا حتى حماس بشكل عام.. لانو بنغلط ع المنيح والعاطل بنفس الوقت.. وهاد مش من حقو.. والي بحب يغلط يغلط ع الفرد العميل والخاين بس ما يغلط ع كل البشر^^ لازم نحترم كل توجهات شعبنا مشان ما نعمل حساسيات مع بعض..ونبني احقاد بينا.. هاد الي دايما انا بدعي إلو بس مين يسمع ويفهم:b: وشكرا |
رد: :: قيــادي في " فـتـح " يهاجم عباس ويؤكد شرعية حكومة هنية ::
اقتباس:
لو أنه كلهم هيـك .. كان صرنـا محررين نص فلسطين ^^ بس أغلبهم والي مش أصحاب كلمة حق مأخرين عليـنـا النصــر حسبـنـا الله ونعم الوكيل ربنــــا كبيـر .. منور والله اقتباس:
والشريف فيهم واحد من تنين .. يا اما بيطلع منـهـا وما بيرضى على حاله ينتمى لحركة خاينة قيادتهـا عميله لأنه وازع الشرف الي خلاه يدخل بالحركة .. مفقود أصلا فيهـا صار .. يـا إمـا اذا بقي تحت جناحهـا بيصدح بقول الحق ولا يخاف في الله لومة لائــم متل الأخ الي نزل مشانه الموضوع اما غير هدول .. (( الله أعلم )) ^^ وبالنسبة لأنه حمـاس فيهـا المنيح وفيهـا العاطل طبعـا !! شو هني ملائكة ؟؟!! ولا منزلين ؟؟ ما حدا حكي هيـك وأخطاء الأفراد الي بيقومو فيها البعض بعكس الي تربوا عليه بالحركة لا ينحسب ع الحركة .. لأنهـا ربت أبنـاءهـا على غير ذلك .. اما الفصيل الآخر خطؤو من البدايه انه ما ربى أبناء فتح على الدين والأخلاق وهلم جر .. بعدين .. شــــــتـــــــــــان بين الخطأ العادي .. وخطـأ العماله مع اسرائيل .. !! شتـــــــــــان بين الخطأ العادي وخطأ قتل المجاهدين !! خطأ المساواة بين الطرفين والله يهدي الكل .. ويحمي كل شريف يا رب .. بأي فصيل كــان لأنهم همي ذخر فلسطين وديننا وقضيتنــــا نورت أخي ابن فلسطين .. الله يسعدك |
رد: :: قيــادي في " فـتـح " يهاجم عباس ويؤكد شرعية حكومة هنية ::
مجـــرد مرور ^^
للأطمئنان على الحالة الاجتماعية والسياسية :) بالتوفيق^^ |
رد: :: قيــادي في " فـتـح " يهاجم عباس ويؤكد شرعية حكومة هنية ::
ابن فلسطين ، كلامك على العين والراس .....
وانا ما بدي احكي كتير ....... بس ليش الفتحاوية الشرفاء ما في صوت الهم ؟ ليش ساكتين يعني عن قادتهم ؟ بصراحة انا ما بشوف فتحاوية الا دائما ً بمدحو وبهتفو ابو مازن ودحلان ولتسقط حماس ، وهدول نسبتهم كبيرة في الحركة ..... اقتباس:
انتي الي بتفهمي وغيرك لأ ..... شكرا ً على الزوء الي بتتحلي فيه ....... |
رد: :: قيــادي في " فـتـح " يهاجم عباس ويؤكد شرعية حكومة هنية ::
أبو نور
ههههههههههههههه نورت أخي الله يطمنك ... ومؤيد منور دايما والله |
رد: :: قيــادي في " فـتـح " يهاجم عباس ويؤكد شرعية حكومة هنية ::
أستغفـر الله العظيم ،
أقسم بالله هم التظيمات صار عبئ ع الوطن أكثر من هدفها في تحرير الوطن ،، وشايف الكل صاير يفتي والكل بزوق الكلام ع كيفكه ليوقع الثاني ،، ع العموم احنا كشعب فلسطيني ما بهمنا حماس ولا فتح قد ما بهمنا الاستقرار الداخلي أولا ً قبل فلسطين ، لانو بلا استقرار ما فيه فلسطين ، وازا كل واحد بده يقعد يحاسب الناس على اغلاطهم عمره ما بخلص وعمرهم ما بتصافو ،، كل واحد بفكر انو الي اله هما الصح ، والله الصح مبين ونسبة الخطأ في كلا الطرفين معروفة ،، وارجوا من الجميع انو النقاشات الحادة ما تتكرر بينكم والمشكلة في الشعب العناد مع اصرار الخطأ فما حدا يتعب حاله ، لسا بدنا سنين لنتخلص من هالعادة السيئة ،، والموضوع مغلق .. |
رد: :: قيــادي في " فـتـح " يهاجم عباس ويؤكد شرعية حكومة هنية ::
هههههههههههههههه
طيب متــــل ما بدك .. المهم انك نورت الموضوع :P |
| الساعة الآن 01:57 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas