العقل : اهلا اهلا ...فينك من الصبح؟؟؟
العصا : كنت في مامورية .. ولاد"..." بئت دماغهم ناشفة اووووي
العقل : حصل اية ؟؟
العصا : ئال عاملين مظاهرات وبيعترضوا علي نظام الحكم
العقل : وبعدين؟؟؟
العصا : ولا قبلين ....اديناهم علقة مووت
العقل : لا والله ...كدة عيني عينك في الشارع؟؟؟
العصا : اه طبعا حد لية عندنا حاجة؟
العقل : اه اكيد ....امال فين حقوق الانسان ؟؟؟؟؟
العصا : حقوق اية ....انسان ....حقوق!!!!!
العقل : ايوة طبعاا حقوق الانسان ...د حاجةعالمية
العصا : الكلام دة للصحافة والتلفزيون ...انما وقت الجد.....
العقل : حسبي الله ونعم الوكيل
العصا : شفت المستشار "م . ح" ....اهو مستشار, حد بئاانقذه من ايد اختي "الجزمة "
العقل : اه منتوا بتفتروا برحتكم بئا ...طلاب , اساتذة ,محاميين و حتي القضاه
العصا : وحياتكم حتي الفنانين لو عملوا مظاهرة لهنديهم علي دماغهم
العقل : انت مش من البلد دي اكيييد؟؟؟؟
العصا : انا ...... وابويا...... ....بس دي مصلحة بلدنا
العقل : مصلحة بلدنا ..اننا نسكت ومنتكلمش ؟؟؟
العصا : والله هي دي الاوامر ..انكم تئعدوا ساكتين وليوم الدين
العقل : ومنظرنا ادام العالم يا عديم الانسانية
العصا : لاء احترم نفسك ...لديك انت كمان
العقل : انت تعرف يعني اية حقوق انسان ؟؟
العصا : الكلام دة برة..مش في بلدنا احنا بناكل فول
العقل : وضربت مين بئا النهاردة ؟؟؟
العصا : كل اللي اعترضوا ...
العقل : رجالة بس طبعا؟؟!!
العصا : كل اللي اعترضوا
العقل : منك لله ...يا عديم الانسلنية يا ......