منتديات شباب فلسطين - يا جماعة معقووووووووووول ؟!!!!!!!! فوتوا وردولي خبر يا شباب والكل

بسم الله الرحيم ,,

هاي بعض الكلمات البسيطة .. كتبتها بقلمي المتواضع وانا أسأل نفسي .. معقول ؟؟

اقرأوها .. واعطوني رأيكم ,,

•معقول بعد هالسنين .. حد يطلع ,, حد يلتفت لوطنا اللي غضينا عنه الأبصار ..
•معقول .. ييجي يوم نحكي فيه شباب العرب ثار ..
•شباب العرب .. بطل همهم الموبايلات .. قصات الشعر والموديلات .. تلييطه بالـ wax .. وتسحييل البنطلونات ؟؟ !!
•عاد هاليوم قريب .. ولا لسه so far ؟
•يارب قربه .. لأنه القدس انقطعتله الأوتار ..
•بطل فيه حيل يصرخ .. يدور على حاكم ما يجيبله العار
•يا حسرة .. من وين بده يلاقي .. حكامنا مغموسين غمس بالعار
•أقصانا .. انقطعتله الأوتار ..
•قد ما مات أو استشهد على أرضه صغار ..
•ازداد الأقصى فيهم طهر قد ما همه أطهار ,,
•احنا هيك .. بكتابة الشعر والمقالات .. شطار ..
•وعند الجد .. وموقف بده شجاعة لا بد ,, بصير بدنا فوق عمرنا أعمار ..
•انعدموا عنا الشجعان .. أو قلوا ,, اللي عندهم شوية عزيمة وإصرار ..
•وينا عن صلاة الفجر ؟؟ كم واحد بالمسجد ؟؟ وكم واحد نايم بالدار ؟
•بالله عليكوا .. أقرب مصحف منكوا ,, نضيف .. ولا عليه غبار ؟؟
•إي علي الضمان أنه ملطخ تلطيخ بالغبار ..
•بدنا نضحك عبعض ؟؟ ولا بدنا ندور على أعذار ؟؟
•الشركة .. الدوام .. المدرسة .. المرة .. الأولاد ,, أعذار من كثرها تخلي الواحد يعجز ويحتار ..
•بدكوا الجرعة السحرية للانتصار ؟ ؟
•هادا كله .. انقعوه بالطشط الأخضر . .أو أي طشط بتختار ..
•وبتشربوا مية أعذاركو .. على الريق .. يومها .. بطلع فجر جديد .. فجر العزة والأحرار ,,
•بعدين بتفتحوا على نشرة الأخبار ,,
•بكفيكو أول خبرين .. اعصابكو أكيد راح تنهار ..
•فخلينا نبطل قلة الخواص .. والمياعة .. وبلبغبسطسفار ..
•معلش .. بلشت أخبص .. لأني متحمس وبطلت ألاقي اشي بيخلص بحرف الـ R
•المهم .. بدنا نرجع لدينا .. لكتابنا .. والله بعدين راح يعزنا .. لأنه العزة إلنا ,, بعد ربنا والمختار ..

عليه أشرف الصلاة والسلام