|
من يعاني أكثر .....أنا أم أنت؟؟؟؟؟؟؟؟
السلام عليكم ورحمة الله وبركاته مرحبا يا شباب هناك سؤال طالما كنت أسأله لنفسي ولكن لم يخطر ببالي قط أن أسأله لأحد ربما لأنني أخاف أن تحبطني إجابة غيري ولكن الذي شجعني لطرح السؤال عليكم هو ذلك الجو الذي أعيشه معكم ياشباب فلسطين ......ز ذلك الحماس الذي تمنحوني اياه ...... وذلك الشعور الوطني الذي تبثونه بيننا ......... وخاصة أنني لا حظت أن منا من يسكن الارض الحبيبة ومنا من هو على أرض الغربة و المنفى و المهجر السؤال هو من يعاني أكثر أنا أم أنت ؟ أنا الذي أعيش الغربة وأشعر بلوعة البعد عن تلك الارض التي أحلم ولو بشم نسمة تحمل رائحة ترابها ؟ أم أنت الذي تعيش على أرضها وتشم هواءها وتواجه المدفع وتشهد استشهاد أحد أقاربك وتشارك في توديعه ؟ أنا الذي من كثر ما زاد بي الشوق, أحس أن تلك الارض إنما هي خيال أو جنة صعبة المنال؟ أم أنت ؟ أريد جوابا ................................... .................. من يعاني أنا |
رد: من يعاني أكثر .....أنا أم أنت؟؟؟؟؟؟؟؟
والله ما بعرف من يعاني اكثر
و لكني اظن ان كلاهما يعاني فنحن هنا في الغربة كما قلت محرومون من رؤية بلدنا نشتاق لها و نحلم بها ولا نجد الحنان الذي قد نجده بين اهلنا و اصدقائنا في الوطن و هم هناك يقفون في وجه احتلال الصهيون و يأسرون و يعذبون فكلانا يعاني رغم ان الذي يعيش في فلسطين يعاني اكثر من من يعيش في الغربة يسلموو اخي خليل عالسؤال |
رد: من يعاني أكثر .....أنا أم أنت؟؟؟؟؟؟؟؟
مشكور اخي علي سؤالك هاد انا فعلا لما جاوبت احترت قليلا انت الذي تشعر بالامن والوضع الاقتصادي افضل علي اقل شي بس يا اخي بالنسبة الي لو خيروني هلي تضل في فلسطين او تهاجر منها طبعا سابقي في فلسطين في مسقط راسي واتنفس من هوائها مع انوا فيها الاجتياحات والقتل والقصف بس كل هاد هون من اجل فلسطين ومن اجل الشهادة في سبيله هي ميتة واحدة فلتكن في سبيل الله ولا تكون وانا مغترب عن ارضي انا هاد رايي بس في ناس كتير عايشين بفلسطين لو تخيروا يروح يعيش ببلد تاني ويشتغل متسول في الطرقات انا متاكد هيوافق بدون اي تردد وانت اكيد عايش بظروفك نسال الله ان ترجع الي بلدك وتتنفس من هوائها تحياتي اليك اخي |
رد: من يعاني أكثر .....أنا أم أنت؟؟؟؟؟؟؟؟
اكيد الاتنين حتى احنا منعاني اكتر بس مع كل هاد الحمد لله انو احنا ارض الرباط ربي هيك يرزقك رجعه لوطنك تشم هواه وتشارك فيه بكل الاشياء بالجهاد والاستشهاد بافراحناواحزاننا
|
رد: من يعاني أكثر .....أنا أم أنت؟؟؟؟؟؟؟؟
شكرا أحان على مرورك
وشكرا قسامي غزة أنا معك بكل كلمة حكيتهاجوابك كثير ريحني بس أنا زعلان من عاشقة الشهادة لأنها حكت (بافراحناواحزاننا) لأنو الحكي هاد حسسني بالغربة أكثر ليش مين إنتو ومين أنا إحنا كلنا واحد وبنكمل بعض يمكن لكن شكرا الك عاشقة جزيلا |
رد: من يعاني أكثر .....أنا أم أنت؟؟؟؟؟؟؟؟
انا ماني فلسطينيه ومو عارفه شو هو احساس الغربه
بس شايفه انو تنيناتكم بيعاني اللي متغرب والي في ارضو اللي متغرب بيتمنى يبو س تراب فلسطين وويشوف طبيعتها واللي داخلها بيعاني من التشرد ومن القتل بس الحزن واحد بعتقد الاتنين بحسكم متغربين يعني شو فايدة انو تقول انك في وطنك وغيرك عم يهدم فيها ويقتل اصحابها ويوسخ محارمها يعني الله يعينكم على معاناتكم هاي والحزن واحد والا ما يجي يوم ترجع لبلدك وراح تتحرر فلسطين ويطلعوها الغاصبين وانشاء الله بينشهد فرحتكم هنيك وراح نغني مع بعض غنية الحرية يسلموووو اخي الخليل والله يعينك يارب على غربتك وبعتقد انت هون في هالمنتدى بتشم ريحة بلدك من خلال اولاد بلدك يسلموووووووووو |
رد: من يعاني أكثر .....أنا أم أنت؟؟؟؟؟؟؟؟
الي في داخل فلسطين و الي في خارجها بيعاني
الي عايش في فلسطين بيعاني من الاحتلال و الرشاش والمدفع و من شعبها و من الحال الي وصلت عليه فلسطين و الي خارج فلسطين بيعاني من الغربة كله معاناة برأي و كل واحد بيشوف حاله انو أكتر واحد في هادي الدنيا بيعاني يمكن الي خارج فلسطين ما بيعاني زي الي عايش فيها .. تسلم اخي الخليل |
| الساعة الآن 10:11 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas