|
هل والديك (دقة قديمة)...؟؟
بسم الله الرحمن الرحيم
ازدادت في عصرنا الحالي ظواهر مؤسفة بين جيل الشباب و الصبايا و من إحداها ... ظاهرة اعتبار الوالدين " دقة قديمة " !! و تأتي هذه المزاعم من وجهة نظر الشباب كون ان الوالدين من جيل قد مضى و ولى ... و هم من جيل جديد.... !! الفارق بين الجيلين إذا نظر إليه من زاوية الزمن، نعم، قد تكون المقولة - إلى حدّ ما - صحيحة، لأن الأبناء ولدوا لزمان غير زمان الآباء، وقد تغيّرت أمور واستحدثت أساليب وطرق للتعامل جديدة غير تلك التي كانت متداولة على عهد الآباء. ثم إن التجربة أثبتت أنه ليس كل قديم مرفوض بسبب قدمه، ولا كلّ جديد محبوب ومطلوب لجدّته، فالمعيار في الفرز هو قيمة القديم وقيمة الجديد، أي كم يقدّم كلّ منها من ثراء معرفي للجيل السابق أو اللاحق. ويجب ان لا ننسى أن الجيل القديم (الآباء) او الأسلاف (آباء وأجداد) يمثل (الجذور) وهذا يعني أنهم يمثلون (العمق) و(الأصالة) و(الرسوخ). الجيل الجديد (الأبناء وألاحفاد) يمثلون (الأغصان) أي أنهم يمثلون (الامتداد) و(الانطلاق) و(الانتشار) والحركة في الفضاء الحرّ أو الهواء الطلق.بعد هذا كيف لنا أن نتصور أغصاناً تعيش بلا جذور، أو جذوراً تحيا بلا أغصان؟! إذاً لكانت شجرة الحياة غير الشجرة التي نعرفها! احببت طرح هذا الموضوع للنقاش و طرح الاراء بما اننا شباب نحيا معاً . فهل تشعر او تشعري بأن والديك " دقة قديمة " ؟؟ |
رد: هل والديك (دقة قديمة)...؟؟
الحمد لله عمري ما فكرت هالتفكير بالعكس والديني الله يرضى عنهم هما المقربين الي اكثر من اصدقائي
حتى اني انا ووالدي في السابق كنا دائما على اختلاف شديد وحاد ولكن بحمد لله قد تحسنت كل تلك الظروف وما عاد هناك خلاف بل زادت محبتي له واصبحت صديقا له وهو صديقا لي وامازحه كأصدقائي وطبعا بهيك انا حبيت والدي ووالدي زادت محبتو الي لانو شاف التغير وان شاء الله خير وصحيح موضوعك رائع بدي اقلك يعني اغلب الشباب لمن والدهم بنصحهم بيقولو يييييييييه يالله هو بدوش يفك عنا على فكرة انا بقول الغالبية لانو فعلا بتيجي فترة لشخص انو والدو يظلو ينصحو في فترة معينة وهي فترة المراهقة والطياشة فبتلاقي الشب في هالفترة معقد اشوي بحب الحرية ما بحب القيود بفكر فكر خاص بحاول انو يظهر بين اهلو وبين اصحابو وطبعا كلنا مرينا فيها وانا مريت فيها لدرجة اني كنت لمن يصير زعل بيني وبين الوالد الله يرضى عنو اطلع من البيت لحد ما يروح يصلي الصبح واحيانا كنت اطلع من البيت وانام عند ولاد عمي يعني كنت في تلك الفترة مشاكس جدا طبعا في موقف خلاني ارتد عن المشاكل مع والدي واسمع كل كلمة بحكيها مش خوف ولا خضوع بالعكس احترام وتقدير وكمان اخدت في مثل الي بكبر عنك بيوم بفهم عنك بسنة وطبعا والدي اكبر مني بكثير يعني خاض تجاربي كلها قبل ما اخوضها انا وعارف الصح وين والغلط وين فكان ينصحني في يوم من الايام كنت طالع انا واصحاب الي من الجامعة هذا الكلام السنة في بداية الفصل الاول واتأخرت في الليل فإتصل علي وقلي تعال على البيت قلتلو ماشي لمن روحت والله نصحني هالنصيحة لليوم متزكرها قلي مش كل اصحابك هما اصحاب بجد في منهم المصلحة في منهم الخونة في منهم محبة في الله في منهم اخوه فانا قلتلو بعنف ووقتها ما قصدت الا انها خرجت وخلص فقلتلو هدول اصحابي وبحبوني وانا بعرفهم حسيت في غضب بقلب والدي لاني ظلتني طول اليوم صاحي واتقلب وما عرفت انام وافكر بكلامو المهم اغفيت يمكن ساعة بس الا بصحى على رن الجوال اتصل شب تافه كنت اعتبرو صاحب وبقلي تعال شوف صاحبك شو بعتلي رسالة فإتلاقيت معو عند الجلاء قلي اركب اركبت في السيارة ومشى ودخلنا في شارع وكان محضر شباب ليخطفوني وفعلا تم الامر وخطفوني وتركوه كتمويه انو ما الو دخل وودوني على منطقة اسمها المنطار شرق السجاعية وتحت تهديد سلاح حكموني اني احكي كلام ما حصل ولا عمرو بيحصل معي الحمد لله المهم بعد ماخلصو تسجيل على جوالي بحمد الله انو كانت اصواتهم ظاهرة فاخدو جوالي وودوني بعدها على مكتب تنظيم فتح للاسف مش فتح على مكتب احد الانقلابين ووصلوني زي الناس المحترمة على الجامعة ولا كانو فيه اشي طبعا كان في شب بيدرس معي بيشتغل بالمخابرات وشب تاني بالوقائي فحكيتلهم القصة وقلتلهم بدي حل وطبعا رحت قدمت بلاغ رسمي واتصلت على الوالد الله يرضى عنو وخبرتو الموضوع وشرحتلو التفاصيل فالوالد ما قصر بل بالعكس قوم العيلة كلها من قيادات لافراد فيها سواء داخل السلطة وخارج السلطة وعلى مستوى تنظيمات وطبعا جابو الشباب الاربعة الي خطفوني وجابو الشب الي استدرجني وانحل كل الموضوع واتحبسوو الحمد لله على كل اشي فلمن خلصت قعدت مع والدي قلت لوالدي وحلفتو بالله عليك ما غضبت علي قلي غضبت وورضيت عليك العصر وفعلا وقت العصر كانو موصليني للجامعة بعدها عاهدت ربي ونفسي اني ما اعصيلو اي امر وطبعا هي نصيحة بقدمها الكم انتوو لانو غضب الوالدين من غضب الرب ويعطيكي العافيه اختي حورية واعذروني اني طولت عليكم بس حبيت اقدم الكم نصيحه |
رد: هل والديك (دقة قديمة)...؟؟
اقتباس:
ولي ال دئة اديمة ال ,, اصلا انا ناسية اسمها ماما , لاني بدلعها ,, ماما اصلا ازغر مني ,, وعمري ما اعتبرتها ماما .. بعتبرها اخت اكبر مني .. بعتبرها اعز اصدقائي ,, عمري ما خبيت عليها شي دايما لما اروح من المدرسة برمي الشنتة وابل ما اغير هدومي بئعدلها على طاولة المطبخ وبحكيلها كل الي صار معي من اول النهار وعمري ما كزبت عليها باي كلمة حتى لو كنت غلطانة هيي ممكن تعصب عليا بس بكلمة حلوة مني براضيها العمر كلو ... وبابا احن انسان في الدنيا كلها ,, باخد منو النصيحة وربي بعتبرو اخوية الزغير ودايما بلعب معو وبينزل لمستوايا وبلعبني وبشدلي شعري ,, الله يخليلي ماما وبابا وربي رضاهم بالدنيا كلها ,, وهيك كمان فراشة وتوين تربو ابلي الله يجمعنا على خير انشالله ,, والله يخلي للجميع اهلو .. ويعطيكي العافية على موضوعك الرائع حورية :s (43): |
رد: هل والديك (دقة قديمة)...؟؟
ال ماما وبابا دئة ادييمة ال والله انا ماما بعتبرها صحبتي التانية كتير باجي بئلها شو صار كل الموائئف الي بتصير معي باجي بئلها اياها واوئات بكون متل الخايفة ائول او مترددة وبحاول اني ما اضل بوجها عشان ما تنبه علي بس للاسف بتنتبه وبتسالني وبضعف ادامها وبئول صح اوئات بتعصب من موائفي بس بالعكس هادا احسن عشان اعرف الصح من الغلط وفي اوئات بحسها اصغر مني والله بتعد بتحكي حكي انا بستغرب منو والله يخليلي اياها هي وبابا وعمري ما حسيت انها دئة اديمة يعني ازا بخافوا علينا وممكن يبعدونا عن شوية اشياء هيك خلص دئة اديمة هادا كلام فاضي اسمو
يسسسلمو الك كتيير |
رد: هل والديك (دقة قديمة)...؟؟
فهل تشعر او تشعري بأن والديك " دقة قديمة " ؟؟
الحمد لله لا عمري ما شعرت انهم دقة قديمة بالعكس بيعيشوا كل زمان بزمان و كل وقت وعصره و بعدين ماما وحده متعلمة و مثقفة و حضارية و بتعطي كل شي وقته .. بس جدتي طبعا دقة قديمة جدا . ما بيعجبها العجب و لا صيام في رجب مش عارفة شو اعمل الها بسايرها بتعاندني و الله هادي مشكلة و اذا الواحد شتري حاجة بتسير تقول ليش و عشان ايش بتزهقني في عيشتي من كتر ما بتحكي مش عاجبني و مش كويس.. و اليوم الي بتيجي علينا فيه بيكون يوم بالعافية اذا مشي و الله مع اني بحبها كتير بس كل شي ما بيعجبها من عصرنا و لا في الجيل موضوع رااائع حورية فلسطين |
| الساعة الآن 06:48 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas