| صفحة 1 من 4 | 1 | 2 | 3 | > | الصفحة الأخيرة » |
|
|
بدي رأيكو .. اللي بعملو صح ولا غلط ؟؟
سلام شباب وصبايا بدي رأيكو هل اللي بعملو صح ولا غلط ؟؟؟ كل انسان أكيد بداخلو في حلم مستحيل انو يتحقق وبالنسبة لإلي أنا لسه بعيش بهالحلم هاد و أنا متأكدة انو مستحييييل بس عم بضحك ع حالي و بخدع نفسي انو ممكن يصير ويتحقق اللي بدي اياه وبنفس الوقت متأكدة مليون بالمية انو ما حيتحقق وعم بتعب والله كل ما أفكر فيه بس حابي أعيش فيووو رغم انو مستحيل فهل هاد الشي اللي عم بعملو صح ولا غلط ؟؟؟ جد بدي آراءكو بصراحة .. ويعطيكو ربي 1000 عاااافية بنت صفوري |
رد: بدي رأيكو .. اللي بعملو صح ولا غلط ؟؟
غلط ونص :)
اختي هذا اسمــــــــــــه كابوس وهم ^^ ما تعيشي في خيال غيرك وخصوصا ً يا أختي لما الواحد يعلق آماله و أحلامة على شخص ثاني بوعود ما الها من الصحة شي ،، انتبهي لنفسك وابعدي عن الاحلام واخطي خطى الصلاح في نفسك وبيتك ،، واقطعي الطريق نهائيا ً عن كابوسك ، لأنو الحلم حلو ، لكن هنا بدايته ونهايته يأس وتحطيم نفوس ،، اقصدي طريق النجاح أفضل الك ،، واتحدي المستحيل في شي محرز ^^ |
رد: بدي رأيكو .. اللي بعملو صح ولا غلط ؟؟
اختــي
بقــولو ،، (( ليــس كل ما يتمنـــاه المرء يدركــــه )) وبقولــو كمـــان ،، ( لا حياة مع اليــأس ،، ولا يــــأس مع الحيــاة )) مخك في راسك ،، بتعرفي خلاصك ^_^ |
رد: بدي رأيكو .. اللي بعملو صح ولا غلط ؟؟
شو في اختي بنت صفوري كل واحد منا اكيد اكيد عندو حلم وكل واحد منا حلمو او
هدفو بختلف عن التاني في واحد حلموووووو كبييييييييييييير كببببببببببير وفي واحد حلمو علي قدو وفي واحد بحاول ويسعي انو يحقق هل الحلم وفي واحد بيحلم وهو قاعد بدو حلمو يتحقق وهو قاعد وانتي لا تقعدي وتستسلمي وتحكي نفسي هل الحلم يتحقق ......مهماكان الحلم كبير لازم نجرب ونحاول فشلنا بالمره الاولي بنحاول مرتين وثلاثه واربعه وبعدين ما في اشي اسموووووو كبير ربنا الي كبير وبس وانشاء الله الي في بالك بتحقق تحياااااااااااتي الك |
رد: بدي رأيكو .. اللي بعملو صح ولا غلط ؟؟
بالعكس انتي ما بتخدعي نفسك ولا شيء
انتي اطلعي ع اطراف الحلم ....اه بحكي جد اطلعي ع اطراف الحلم اطلعي ع الاشياء البسيطه الي فييه الي بتقدري توصليلها ومنها بتعرفي اذا الحلم هذا مستحيل او لأ وانتي بتقولي مستحييل وانا بقول مستحييل وغيري بقول مستحييل طيب احنا ليش عايشين دام انو ما بدنا نخوض تجارب الحياه حتى لو ما وصلتي للحلم المهم انك حاولتي لأن الدنيا عكس المدرسه امتحانها مفاجئ وبعدين بنتعلم مش زس المدرس بنتعلم عشان منتحن وزي ما قال اخي محمود .,...,..,.. واتحدي المستحيل في شي محرز ^^ دمتي سلامي |
رد: بدي رأيكو .. اللي بعملو صح ولا غلط ؟؟
طالما انك شايفة انه مستحيل يتحقق شو بتستني قاعدة ؟؟؟؟
|
رد: بدي رأيكو .. اللي بعملو صح ولا غلط ؟؟
بالعكس خلي الانسان يحلم ويتخيل في احلى من الاحلام لا غلط ولا اشي
|
رد: بدي رأيكو .. اللي بعملو صح ولا غلط ؟؟
يعطيكو العافية شباب وصبايا و أنا شفت هلئ انو في مؤيدين و في معارضين و أنا بحترم رأي كل شخص فيكو و ع راسي والله الكل وناطرة آراء باقي الأعضاء لانو جد بهمني كتير رأيكو بنت صفوري |
رد: بدي رأيكو .. اللي بعملو صح ولا غلط ؟؟
احسن شي انك انت من داخلك واثقة ومتاكدة انك بتضحكي على حالك ,,
مادام عارفة انك بتضحكي على حالك ,, ليه بتخلي الحلم يكبر جواك؟؟!!,,, شيلي هالحلم من راسك لتقدري تعيشي,, تحياتي ,, يارا.. |
رد: بدي رأيكو .. اللي بعملو صح ولا غلط ؟؟
اقتباس:
الحلم له حدود يافا يعني شو رايك احط رجل على رجل واحلم اني خلصت جامعة وتوظفت وتزوجت (يارب) واضل احلم ما هو حلو الحلم شوفي يافا الحلم مش اني احط براسي واقعد انام وكان الله بالسر عليم لا الحلم لازم كمان في حدود الواقع اتعب له احاول اوصله يكون موجود يعني بالنسبة لبنت صفوري ما تاخذني اعتقد انها عايشة حالة حب لكن مع انسان اعتقد انه من عالم تاني اذا ما كنت غلطان طبعا |
| الساعة الآن 10:27 AM. |
|
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas