منتديات شباب فلسطين - مخاطر الشات.

بسم الله الرحمن الرحيم

انا اليوم جاية احكيلكم قصة بنت متزوجة بس بتمنى تكملوها لاخرها مع انها طويلة شوي وقصة هاي البنت هي انه كانوا صاحباتها كل يوم يقعدوا معها ويحطو براسها فكرة وهيه انه لازم تجيب نت لانه الحياة بلا انترنت ما بتنطاق لحد ما اقنعوها ميه بالميه .

في احد الايام قعدت الفتاة مع زوجها وفتحت معه السيرة وانتو عارفين البنات لما بدهم اشي صارت تحكيله انت كل يوم بتطلع على شغلك وانا بضل لحالي بالبيت بزهئ وبمل ومن هالحكي لحد ما اقنعته انه يجيبلها نت.

وصارت كل يوم تقعد على الانترنت اول المدة كانت تقعد شي ساعة بعدين صارت تمد اكتر لحد ما صار عندها ادمان علي من اول ما يطع زوجها من البيت تفتح النت وكانت لما تقعد على النت تدخل على الشات وباحد الايام تعرفت على شاب وصار بالنسبة الها صديق بعدين قعد يقنع فيها انه بيحبها وما بيقدر يستغني عنها وصارت تبادله نفس الشعور وزوجها يا حرام متل الاطرش بالزفة.

مرة طلع زوجها من البيت ومتل العادة اول ما طلع هيه فتحت النمت عشان تحكي مع الشاب فصلر هو يقنع فيها انه يشوفها وهي ترفض لحد ما اقتنعت وحكتله بس لمحة دقيقتين وبروح فوافئ وحددو موعد والتقو وبالفعل دقيقتين وروحت .

بعدها صار يتغزل فيها ويحكيلها انه بطل قادر يعيش بلاها وهية مصدقة فاقنعها انهم يلتقوا مرة تانية بس يضلوا بالسيارة يلفوا فوافئت وراحت لعنده والتقوا فاخدها وقعد يلف فيها بالسيارة لحد ما وصلوا لمكان ما في ناس ووئفت السيارة فقعدت تسال في وين احنا ومن هالحكي فهو قعد يضحك بنفس الوقت اللي البنت بتصيح في اجا شب تاني ونزلها من السيارة وانتو اكيد عرفتوا شو صلر بعدها.

بعد مرور اكم ساعة طلعو ورمو البنت بالشارع وهي مغمى عليها وبعد ما صحيت روحت على البيت في حالة يرثى لها زي ما بحكو غيرت اواعيها وحملت حالها وراحت على بيت اهلها وفهمتهم انها بدها تطلب الطلاق مش لاشي في لاشي فيها هي واقنعت زوجها يطلقها لانه نا بيستاهلها هو اعطاها كل شي بدها ايا وبالاخر هي قابلته الحسنة بالسيئة وبعد اكم يوم اقتنع الزوج وطلقها وعاشت هي بقيت حياتها تتندم على اللي سوته لكن شو بينفع الندم في هيك حالات حيث خسرت زوجها المحب وخسرت شرفها وشرف البنت اهم شي بحياتها

وبتمنى تكون القصة عبرة لكل بنت او شاب بيدخلو الشات مع خالص حبي واحترامي الكم