امثال فلسطينية كح‍‍‍
 

:إذا انت أمير و أنا أمير، مين بيسوق الحمير؟

أكل الهدية وكسر الزبدية


البيت ضيق والحمار رفاص


شو أحلى من العسل قال الخل ببلاش


عاشر المصلي بتصلي و عاشر المغني بتغني


بكره بنقعد عالحيطة وبنسمع الزيطة

لو كان الرجال بشاربهم لكان الصرصار اجدعهم


آخر العنقود سكر معقود

ال مالو حباب بلتموا عليه الكلاب

صار للشرشوحة مرجوحة و لأبو بريص قبقاب

رزق الهبل عالمجانين

يا شايف الطول يا خايب الرجا

وجع ساعة ولا كل ساعة

الإبن الفاسد يجيب لأهله المسبه

كل اكل الجمال وقوم قبل الرجال

من غير كيسك يا مذرُي ذرُي

أيلول ذيله مبلول

خبي حطباتك الكبار لعمك آذار

اللي بدري بدري واللي ما بدري بيقول كف عدس

لو في خير ما رماه الطير

اذا كولنالها اطبخي بتكول مريضه ... بس اذا كولنالها تعي كلي بتقول وين ملعقتي العريضه

الطول طول النخله و العقل عقل سخله

مجنون زت حجر بالبير .. بدو 100 عاكل يطلعوه

الأقرع بتباهى بشعر ابن خالتو

كوم حجار ولا هالجار

ضللك ورا العيار لباب الدار

اللي بوكل على ضرسه بنفع نفسه

مين بشهد للعروس... إمها و خالتها و عشره من حارتها

ما حد بيكول عن زيته عكر

يوم اللك ويوم عليك دير بالك فتح عينيك


سمره ونغشه، ولا بيضة ودفشة


العز للرز والبرغل شنق حاله


الجوز رحمة ولو كان فحمة

عندك عيش وعندي عيش وفراغة العين ليش ؟

ما ظل على الخم ريش غير أنت يا ممعوط الذنب

ريحة الإم بتلم

لا تذم و لا تشكر إلا بعد سنة و ست أشهر

أخذتك شطر بطر يا سنسونة روحي ، جيت أكيد العدى كدت أنا روحي

إبنك على ما تربيه و جوزك على ما تعوديه

طلع إشي من شوسمو (إيديتد) خوفني

الي بدق الباب بسمع الجواب

يا جاي بلا عزيمة يا قليل القيمة

الطويلة طالت التينة والقصيرة ظلت حزينة


عدو جدك ما بودك لو عبدته مثل ربك

ان ضربت إوجع وان طعميت إشبع

من طين بلادك لط خدادك
وفي رواية أخرى سخم خدادك

اقلب الطنجرة على تمها بتطلع البنت لأمها>>>الشباب العزابية اللي بدوروا على عروس يركزولي على المثل السابق بالله
:icon2: :icon2:

مشاركة: امثال فلسطينية كح‍‍‍
 

مشاركة: امثال فلسطينية كح‍‍‍
 

مشكورة اختي حواء

والله برايي لازم نركز عليها كلها

مشاركة: امثال فلسطينية كح‍‍‍
 

يسلمو أختي حواء ، رائعة

ياااااااااه ، لما أقعد مع سيدي او ستي

ما احلى هيك قصص عن أيام البلاد وما أحلى كلامهم وأمثالهم

والله كانو فهمانين احسن من ايامنا هذه

مشاركة: امثال فلسطينية كح‍‍‍
 

مشاركة: امثال فلسطينية كح‍‍‍
 

يسلموووو

مشاركة: امثال فلسطينية كح‍‍‍
 

كتير حلوة هالامثال يا ريت الكل يعمل هيك ويجمع امثال لانه شكلها قربت تنتهي من كتر ما بنستخدم المصطلحات الاجنبية بحياتنا المعاصرة .. " ميرسي " حواء فلسطين عالموضوع