|
تعو نحكي شو حلمنا
مرحب بالجميع طبعا ما بحكي عن الأحلام اللي بيتمناها الواحد بحياته ولا أحلام اليقظه اللي الواحد بيفش حاله فيها لا بحكي عن أحلامنا ومناماتنا اللي بنشوفها ساعة النوم في ناس بتحلم كتير وفي ناس ما بتحلم أو بالأحرى بتحلم بس مابتفتكر شو حلمت في ناس متسلطه عليها الكوابيس والعياذ بالله وفي ناس مابتحلم إلا ويتحقق حلمها في ناس بتحلم باللي بده يموت وفي ناس عامله زي وش البوم مابتحلم الا بالمصايب اللي حتصير وأنا وحده منهم ههههه كان خاطري من هالمشاركه إن كل واحد فينا بيحلم أو شاف حلم غريب أو حلم مو عارف شو تفسيره أو حلم بيتكرر أو حلم خايف منه أو حلم صار وتحقق ...يحكيلنياه وحبيت أسمع أرائكم بالحلم والمنامات وهل أنت من النوع اللي بتهتم بتفسير المنام أو بتعطيه اعتبار بحياتك ولا مجرد ما تصحى من النوم بتنسى كلشي شفته وخلاص ؟ كنت عامله موضوع طويل عن المنامات وتفسيرها نقلت من كزا كتاب عن هالموضوع لكن لسه ماخلصته عبين مايخلص حابه أشوف حكياتكوا مع الأحلام وشكرا Iemy |
رد: تعو نحكي شو حلمنا
:icon28:
ول أنتوا بتناموا وانتوا متقلين بالعشا ولا شو بلا ماتحكوا عن أحلامكوا بس سمعونا رأيكم شو بتآمنوا بتفسيرات الأحلام ولا بتعتبروه حكي فاضي ؟ |
رد: تعو نحكي شو حلمنا
مرحبا ايمي ،،، ماشاالله موضوع الحلم جالي عالوجـــع مزبوط ..!! انا من الناس بحلم لكن ما بفتكر شو الاحلاام هيك احسنلي يعني مروق مابدي اعرف شو حلمت .. لكن لما يكون عندي سفر وشغل اووووووه عالاحلااام والافلاااام اللي بتصير معي ،، لكن الحمد الله عمري ما حلمت بكوابيس ولا عندي احلام زي بعض ناس وش البوووم ..:icon11: لكن انا كتير صايبني القلق من حلم تكرر اكتر من اربع مرات خلال 25 يوم ،، والحلم هو موت انساان عزييز كتيير كتيييييير على قلبي .. وانا طبعا طول هالمدة عقلي مو براسي شي غريب .!! والاغرب من هيك لسه قبل امبارح حلمت في هاد الشخص انو مات وعملنالو عزا ...:icon5: والله العظيم طير عقلي هالحلم ..! طبعا روحت الجامعة امس واخدت رقم تلفون مفسر احلام تابع للدعوة والارشاد والحمد الله طلعت بعرفوا لكن حكاااالي خيير انشالله خيييييير ،، باكر عن اليوم يعني دق على جوالي وارد لك الجوااااااب ..!!:icon9: لكن لبيييز يا ايمي ازا عندك تفسير لهيك نـوع من الاحلام لا تبخلي علينا اوووكى ..!! ومشكووورة على الموضووع يا ايمي ،،دمتي بصحة وعافية واحلام سعيدة ،،، |
رد: تعو نحكي شو حلمنا
السلام عليكم
مرحبا ashrafo الله يجبر بخاطرك اللي عبرت الموضوع هههههههههههههههههههه :icon11: اقتباس:
اقتباس:
اقتباس:
أنا طبعا ما عندي مقدرة تفسير الأحلام زي المختصين بهالمجال لكن من كتر أحلامي وتفسيرها والمواقف اللي مرت علي إزا هالشخص اللي بتحلم إن بموت وانكم عملتم عزا كمان ازا ماكان مجوز يمكن يكون بده يتجوز وهاد العزا هو الفرح . أنا بحكي يمكن طبعا لأنه الموت يُفسر أحيانا بالزواج لكن راح يكون التفسير أدق لما تشرح الحلم كامل وتحدد هالشخص مين هو وشو وضعه وهيك يعني وعلى هالأساس بيتفسر حلمك أكيد الشيخ راح يجيبلك المفيد اقتباس:
عندي كتاب تفسير الأحلام لإبن سيرين رحمه الله طبعا شريته من زماااان لأني كتير مهوووسه بتفسير الأحلام وبحب أربط واحلل واتفلسف بهالمجال ههههه جبتلك منه اللي ممكن ينفعك عبين مايفسرلك الشيخ حلمك اتفضل الموت: هو في المنام دال على رد الودائع, أو خلاص المريض من مرضه, أو السجين من سجنه ,وربما دل ذلك على الاجتماع بالغائب . والموت في المنام نقص في الدين وفساد فيه وعلو في الدنيا إذا كان معه بكاء وصراخ ما لم يُدفن في التراب فإذا دفن لم يرج منه صلاح .وقيل الموت سفر أو فقر .وقيل الموت على الإطلاق زواج لأن الميت يحتاج إلى الطيب والغسل كالمتزوج. ومن رأى أن الإمام مات خربت البلد. والموت ندامة من ذنب عظيم. ومن رأى أن ابناً له مات فإنه ينجو من عدو له. والموت دليل خير لمن كان خائفا أو حزيناً. وموت الأخوة يدل على موت الأعداء . ومن رأى أن أمه تموت فتذهب دنيته ويفسد حاله. ومن رأى أن أخاه قد مات وكان مريضا فهو موته . ومن رأى أن روجته تموت فتكسد صناعته التي فيها معيشته. ومن رأى أنه يصلي على ميت فإنه يشفع في رجل فاسد الدين . وربما دل الموت فجأة على سرعة الغني للفقير . وربما دل موت العالم على ظهور بدعه في الدين. وموت الوالدين ضيق في المعيشة. وموت الزوجة دنيا ذاهبة. وموت الولد انقطاع ذكر . لكن زي ماحكيتلك كل تفسير الحلم بيتوقف على شغلات كتير وتفاصيل صغيرة أنت أدرى فيها يعني مش كل اللي مذكور فيالكتاب صحيح أو ممكن يتحقق وشكرا لمشاركتك |
رد: تعو نحكي شو حلمنا
هلاااا ايمــــــــي ،،، اقتباس:
و في مواضيع جدا رائعة في المنتدى وللاسف ما بتلاقي ولا رد و احيانا الا رد واحد فقط ..!! الله بعيـــــــــــن المهم هاااد ماشاالله عليه الشيخ مسكر جوالو صارلو خمس ساعات حسبي الله فيه بدو يحملني جميلة على تفسيرو للحلم ..!! لكن شكرا الك ايمي تعبناكي معانا والصراحة انت الله يجبر بخاطرك لأنو فعلا ارتحت كتيييير من هاد التفسير .. يعني والله والله هم وهاجس انزاح عن قلبي .. مشكووووووووورة ايمي .. والله لا يحرمنا من عطــــــــــائـك ،،، |
رد: تعو نحكي شو حلمنا
منورة ايمي حبيبتي
بدك اقلك شو حلمت ... حلمت بشخص عزيز عليا كان في الحلم بيبكي ... ما بعرف ليش ومش حقدر اكمل باقي الحلم ... لاني نسيته ... بس هيه الي متذكره واذا بتقدري تفسري معناه ... انو شخص يبكي في الحلم شو يعني و باقي الايام بتيجيلي كوابيس.... ههههههههه:showoff: |
رد: تعو نحكي شو حلمنا
انا حلمت مرة حلم غريب شوية
حلمت انه انا وشاب صاحبي بشتغل بالتنفيذية قاعدين على ارض كلها حشيش وانا قاعد اجا ملك الموت لي انا قلت يا خراب دياري انا ما صليت العشاء والله عمري ما ادخل الجنة بعدين انا بحكي لملك الموت انت بدك تقبض روحي قال لي لا قلت الحمد لله طيب شو بدك مني قال تعال صورني بجوالك خخخخخخخخخخخخ بحكي له ماشي اقف جنبي وخلي صاحبي يصورنا المهم صاحبي مسك الجوال وصورني انا وملك الموت المهم طلعت صورتي بس ملك الموت ما طلعت صورته قلت هات احاول انا اصوركم مسكت الجوال بس ما ظهر لا ملك الموت ولا صاحبي اللي كان معي شو رايكم حلم عجيب غريب قلق |
رد: تعو نحكي شو حلمنا
اقتباس:
ههههههههههههههههه يقطع شرك سيد الظلام بجد بجد هادا حلم ولا بتمزح ........ اصله حلمك غريب و عجيب :icon9: عامل حلمك زي النكته الظاهر انك متقل من العشا علشان هيك ... كوابيس ... بس بصراحة .... يمكن صاحبك بدو يستشهد ... والعلم عند الله .... |
رد: تعو نحكي شو حلمنا
اقتباس:
اشووووووووو والله بستشهد معه عالسريع هذا اعز صاحب عندي انا وهو ما بنفارق بعض من الاعدادية كانوا لما يشوفوا واحد منا لوحده يسالوه وين ظلك التاني وبعدين ما بعتقد هذا لانه الحلم صار له مدة طوييييييييييييييييييييييييييييييييي يلة يعني شي اسبوعين |
رد: تعو نحكي شو حلمنا
انا بحب احلم كتييير و اغلب احلامي و الحمد لله مريحة و احيانا تميل للغرابة ....و اكتر شي بحلمو من 7 سنين تقريبا و الله العظيم اني بشوف حالي بوضي ستي ام ابوي الله يرحمها لأن روحي معلقة فيها كانت كتيييير كتيييير و و توفت و فيها البركة 93 سنة يعني عاشت معنا عمر ...و تاثرت بوفاتها و لحد هلأ بشوفها بمنامي و كانت فعلا انسانة صالحة و بنبسط لما اشوف حالي اني بساعدها ع الوضوء .....الله يرحمك يا ستي
سيد الظلام ...ههههههههه حلمك عنجد غريب معقول و لا جوال كمان ... |
| الساعة الآن 06:56 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas