منتديات شباب فلسطين - قصة شاب انتهك حرمات الله.....فجازاه و عاقبه الله...؟؟

السلام عليكم
القصة الي حتقرؤها كتير مؤسفة و محزنة و كتير كمات مخزية للأسف....صارت بدولة عربية ...أسماء الشباب المذكورة لاتعبر عن حد طبعا و مو أسمائهم الجدية

قصة شابين كتير كتير صحبة...كانوا في بداية حياتهم الجامعية من المجتهدين و بعد سنتين انقلبوا تمام...رسبوا بمواد و تأخروا بالجامعة سنة و صاحبوا بنات الدنيا و الأغاني و السهر.......اتفق الصديقين سامي و عاهد على اتفاق او بالأحرى تحدي انو كل واحد منهم يحاول يصادق بنت و بحلول شهر يكونوا قاموا بالحرام و أعوذ بالله...قاموا بعميلة الزنا..و ما يشوفو بعض الا بعد ما يقموا التنين بالرذيلة...فوافق الطرفين على اتفاق الشيطان هاد و كل واحد منهم راح بطريقو لينفذ الاتفاق على شرط انو الخاسر بيعطي الفائز مبلغ و قدره كذا و كذا(طبعا الفائز بجهنم)
بعد شهر تماما حكا كل واحد منهم مع التاني انو الليلة حينفذوا الخطة....و كل واحد أخذ صديقتو الى طريق الشيطان و حجزوا غرفة بفندق .......و بعد يومين حكو مرة تانية مع بعض و اتفقوا يلتقوا على العشاء بمطعم و كل واحد بيجيب صاحبتو ال عمل الحرام معها على المطعم ليتأكد من انو الاتفاق زبط مع التنين.......وبالفعل كل واحد أجا و معو صديقتو..........وصل سامي مع صديقتو و جلسوا بالنتظار عاهد....و لما أجا عاهد بعدها للمطعم مع صديقتو كانت و قتها الصاعقة.....الصاعقة والله و المصيبة.......انو صديقة سامي كانت اخت عاهد و صديقة عاهد كانت أخت سامي......يعني كل واحد من هدول الأصدقاء المخلصين قام بعميلة الزنا مع أخت التاني.........
و من يومها و المصائب تنزل على راس هالشبين...مشاكلهم مع بعض بالجامعة جعلتهم ينطردوا منها....و بهيك خسروا مستقبلهم التعليمي.....و يا ريت بس هيك...شرف كل من الشابين ضاع بعد ما انتعرفت قصتهم و شرف الاسرة و العيلة و الأهل ضاع بفعلة البنت و الابن.......و مين هلا حيقبل الزواج بزاني او زانية؟؟؟؟؟!!!!!

القصة بجد مثيرة للاشمئزاز من أفعال البنات و الشباب......و للأسف و الحسرة على حال الأمة والله
يا أخي انت هلا لما تشوف اختك بتحكي مع شاب بتنجن و بتقوم الدنيا و بتقعدها على راسها .....طيب انت عم تحكي مع بنت..و البنت الها كمان أخ متل ما اختك الها أخ........يعني البنت الها مين يخاف عليها كمان
و اذا بتخاف على شرف أختك خاف على شرف أخواتك المسلمات كلهم.........ارحم من في الأرض يرحمك من في السماء
أخي اتقي الله ببنات الناس.........و انتي اختي اتقي الله بلبسك و نظراتك و صوتك.......اتقوا الله بكل أفعالكم و اقوالكم أحسن ما تكون مدعاة للحرام و النار
الموضوع مفتوح للنقاش......و الدعوة لكلا الطرفين بالتقوى و الرجوع لله و الدين.........فلا تغرنكم الحياة الدنيا