|
جامعات فلسطين......(استفسارات)
السلام عليكم ورحمة الله وبركاته كيفكم؟؟؟ يارب تكونو بخير عطول....أنا حكيتلكم من قبل اني مش بالضفة وعايشة بره (بالدوحة - قطر) بس الطبيعي اني بس أخلص توجيهي رح آجي أدرس ببلدي الحبيب والصراحة أنا حاطة ببالي أدرس يا إما في جامعة بير زيت أو في أبو ديس لأني نفسي أدرس طب وحسب ما سمعت انو موجود بأبو ديس طب بشري بس بير زيت مافيها..عاد من هون لسنتين ممكن يصير فيها،،،،المهم اللي بدي أسألكم عنه لو بتعرفو..شو تخصصات الطب الموجودة بأبو ديس؟؟؟ وشو التخصصات العادية اللي فيها وفي بير زيت يعني زي الهندسة والصيدلة.....إلخ بتمنى انكم بتقدرو تساعدوني وان شاء الله ما أكون تقلت عليكم |
رد: جامعات فلسطين......(استفسارات)
بتقدري تدخلي هون وفي معلومات عن الجامعة وبتقدري تراسليهم وتاخدي المعلومات الي بتريدي
http://www.pnic.gov.ps/index.html اهلا وسهلا |
رد: جامعات فلسطين......(استفسارات)
حسب تصوري التخصص اللي بتحكي عنة موجود في ابو ديس
وكمان في جامعة النجاع قتحوا من جديد علي ما اظن تخصصات الطب باكملها اهلا وسهلا واوفقك الله تحياتي لك |
رد: جامعات فلسطين......(استفسارات)
وعليكِ السلام ورحمة الله وبركاته
ويا أهلا وسهلا ً فيك ببلدك ، بتشرفي فلسطين ... ويحييك على قراراك الصائب . بس ما حكيتي انتي من أي مدينة بالأصل ؟؟؟ أنا كطالب جامعي متخرج راح أساعدك ببعض معلومات .. درست في الخليل أنا وخصلت جامعة منها ، بس طبعا ً زرت أغلب جامعات الضفة وتعرفت عليها .. وفيه كتير جامعات بتختص بشغلات وتخصصات بتميزها عن غيرها .. هلأ الطب موجود بس بجامعة النجاح الوطنية في نابلس ، بيرزيت ما فيها طب فيها هندسة وكتير تخصصات ... هدول المواقع بساعدوك : - موقع جامعة النجاح الوطنية في نابلس : http://www.najah.edu/arabic/default.htm - موقع جامعة بيرزيت في رام الله " بيرزيت " : http://www.birzeit.edu/p/ps?url=acad...s/eng&id=59467 على اليمين فيه الكليات والتخصصات . - موقع جامعة القدس - أبوديس : http://www.alquds.edu/ صراحة ما بنصحك في جامعة أبو ديس ،، أحسن شي النجاح وبيرزيت ........ في الضفة . إنشاء الله بكون ساعدتك يا شعاع القمر تحياتي الك |
رد: جامعات فلسطين......(استفسارات)
والله كتير شكراًَ والصراحة أنا نفسي أدرس ببيرزيت...وأنا أصلاًَ من قضى الخليل (السموع) ومن رام الله كمان!!! فعاد مكان ما موجود الطب ان شاء الله بروح (لما أجيب المعدل بإذن الله) ....وشكراًَ كمان مرة |
رد: جامعات فلسطين......(استفسارات)
اقتباس:
ما تحكي من الأول انك خليلية متلي .... ههه طيب الك حرية الاختيار اكيد ، واي استفسار أنا جاهز .. بس حابب أقلك انو الخليل فيها ثلاث جامعات وكلية واحدة : 1- جامعة الخليل . 2- جامعة بوليتكنك فلسطين . 3- جامعة القدس المفتوحة - فرع مدينة الخليل- . 4- كلية العروب ... تحياتي الك شعاع القمر وبالتوفيق ان شاء الله |
رد: جامعات فلسطين......(استفسارات)
تسلم أخوي وأنا بعرف شو في بالخليل لأنه بابا بيعرف بس أنا حابة أدرس برام الله وبحكي انو بس أجيب المعدل بروح عالطب على طول وين ما كان!! بإذن الله....وشكراًَ الك مرة تانيه |
رد: جامعات فلسطين......(استفسارات)
الله يوفقك
|
| الساعة الآن 07:48 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas