منتديات شباب فلسطين - مـــا بـعـــــد هــــدم الاقـصـــــى..!!

مرحبــــا شبــاب .. ومشكور قسامي غزة عموضوعك الحلو

اول شي انا بالنسبة إلي ابدا مو مستغرب انو اليهود يهدموا المسجد الاقصى ليش؟ لأنو من قبل اكثر من 12 سنة وانا بسمع انو في عمليات تخطيط وبحث عن الهيكل المزعوم تبعهم وآثار قديمة اثرية وطبعا مافي لا آثار ولا الهيكل إلي ماشالله عليه مو راضي يبان صارلهم اكتر من 30 سنة يبحثوا ومو محصلينو شي عجيب وغريب من اليهود ..
فقط هذا كلو عشان يهدموا المسجد المبارك الاقصى وتهويد القدس وترحيل اي مسلم عربي من القدس وفعلا هاد إلي قاعد يصير الآن لكن بدو شوية وقت وراح تشوفوا الاحداث انا اسميها احداث مخزية وحقيرة بالنسبة إلنا احنا المسلمين ..
والاسرائيليين للاسف ماضين وماشيين في تنفيذ خططهم للبقاء والتوحد في منطقتنا واحنا ماشاالله علينا الله يبعد عنا الحسد زي ماحكت الاخت نور اغاني وحفلات والشعر والبرامج الساقطة وحتى الشعر والرياضة ساقطين فيها مو فالحين بأي شي للاسف الا في شي واحد ناجحين هو الغدر في انفسنا فقط ..!!
وفي هذا الموضوع كانوا الملاعين الاسرائيليين دايما ينشروها لوسائل الاعلام العربيه خصوصا والعالميه عموما ليش عشان يشوفوا ايش ردود الفعل العربية و الاسلامية من جميع اتجاهاتها وفصائلها ، طبعا قبل 20 سنة واكتر كان الوضع احسن من هيك احنا العرب فكان الاسرائيليين شبه متخوفين من ردة الفعل العربية والاسلامية وماكانوا يتجرأو انهم يعملوا اي شي يمس وحدة المسلمين ..
لكن الآن ياااسلاااام جات الفرصة الذهبية للصهاينة والله لو هدموا كل كنائس ومساجد العرب والله والله مااحد راح يتحرك.. اكبر شي ممكن يعملوه العرب هو المظاهرااااااات فقط فقط لا تقدم ولا تأخر ..!
شوفوا انا اتحدى اي واحد فيكم في احد كان يتوقع ايش راح يصير بالعراق !!
معقول كل يوم يموت اكتر من 40 شخص وتهديم مساجد يوميا وكنائس وحرق لمكتبات اسلاميه عريقة واغتيالات لي اساتذة الجامعات والمحاضرين الكبار معقول في دولة اسلامية وفي العراق المسلم يغير اسمو من سني الى شيعي والعكس عشان يأمن نفسه من الموت .!! يااحيف علينا بس .!
اكتر من 120 عالم تم اغتيالهم منذ سقوط بغداد وشوفوا المتخلفين الحرب الآن صارت شيعة وسنة بدل ما كانت مسلمين ضد متطرفين وعصابات صليبيه .. وبالآخــر ولا مسلم مسؤول اتحرك او عمل شي او حتى استنكار حقيقي نابع من القلب ابدا ..!!
وللاسف مو انا يعني متشائم او استبق الاحداث لكن اذا استمرينا في هذا الحال والموقف الضعيف الدنيء الدور جاي على مكــة المكرمة والكعبة و الشخص العايش في السعودية ويتأمل في نهج الشعب وتفكيرهم راح يقول فعلا نحن امــة جاهلة وشبه ساقطة في فكرنا والاسلام بريء منا الى يوم الدين وراح يجي هذا اليوم ولكن انشالله إنو ما يجي هذا اليوم إلا وانا ميت عشان ما اشوف هول المنظر..
لكن الآن بعد هادي المدة إلي انا بعتبرها غير طويلة انما قصيرة المسلم كل يوم بروح عليه للاسف بزيد هبل واستهتار وكسل و نقص حاد في الايمان وفي العلم والثقة بالنفس والثقة في الدين الاسلامي الكل قاعد يدور مصلحتو الشخصية سواء كان حكومة او شعب .. طبعا اليهود عرفوا الشاب المسلم العربي ايش بفكر وايش الشي إلي ممكن يحرك مشاعره الصادقة فاتجنبوها وحركوا فعلا مشاعر صادقة للشاب المسلم لكن على طريقتهم الشيطانية إلي هيه طبعا عن طريق البرامج النفسية السيئة وجعل الدنيا اكبر همهم ومشاغلهم والنجاح فقط هو الذي يكون في الطرب والرياضة والازياء والاغانــــي ..
احنا العرب في لنــا حلين فقط لاغيـــر ؟؟
يا إنو الله عز وجل فعلا يرضى علينا ويغير ما بأنفسنا واحنا ايضا نجتهد وننوي للعمل والنهوض .. او انا اتوقع هذا الخيار هو الاسهل لنا جميعا إنو الله تبارك وتعالى يرسل علينا طوفـــــان ويغرقنا ويبدلنا بقوم خيرا منــــــــا يخطئوا ويستغفروه ويدعوا فيستجاب لهم ويعتقدوا فينفذ لهم ويحبهم ويحبونه هؤلاء هم المؤمنون حقا ..
وفي الختام اتمنى من الله انشاالله يارب يغير الاحوال ويهدينا ويصلحنا جميعا عاجلا يارب ويارب يكفينا شر وسوء المنظر والاهوال لما لاسمح الله ينهدم المسجد الاقصى آآمين

شكرا لكم ودمتم بخيــــــــــــر