الله بلانـي
القلب يا صاحبي ما يسكنه إلا أنـت = والعين محدٍ ملاها قبل مـا اشوفـك
أي والله اني احبك واعشقك وامنت = بالحب دامك تجي وتروح بطيوفـك
يا حلو ظلمك ويا زينك ليـا بينـت = الخافق اللي يحبك صافـح سيوفـك
راضيبك بزينك وشينك مثل ما كنت = الله بلاني بعذابـك قبـل معروفـك
لو خانت الناس والدنيا أنا ما خنـت = تقراك كل المشاعر تكتب حروفـك
غيبتك بالله لا تكثر علـي لا هنـت = فرقاك ما أقدر عليها منيتي شوفـك
اثر الهوى يذبح الرجال ويا البنـت = صحيح طبعك عنيد وقاسي جوفـك
دامك دريت بغلاك وشفتني ادمنـت = في حبك ارجوك لا تطريلي ظروفك
الشـاعـر
بندر الرشود

تحياتي