منتديات شباب فلسطين - تبغو تعرفو ايش يسوي البنات والشباب اذا دق جرس الفسحة

منتديات شباب فلسطين (https://shabab.ps/vb/index.php)

- إسـتـرآحــة الـمـنـتـدى (https://shabab.ps/vb/forumdisplay.php?f=24)

تبغو تعرفو ايش يسوي البنات والشباب اذا دق جرس الفسحة

اذا كنتو تبغو تعرفو ايش يسوي البنات والشباب اذا دق جرس الفسحة
تفضـــــــلوا

اولاً البنات :

اول ما يرن جرس الفسحة

- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوتا في اخوها الصغير امس ..

- وفيه بنات يلبسون نظارات شمسية جديدة (توهم شارينها من أبو ريالين) يستعرضون فيها وإذا بنت سالتها عن ماركة النظارة يطلع منها صواريخ وتقول والله من كرستيان ديور أو برومود أو مانجو وتقوم تطلع كلللللللل صواريخ الماركة أصلاً هي (من بسطة ابو ريالين الي جنب بيتهم )

- كل بنت تمشي وفمها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترجع البيت على طول الا وتاكل صحن كبسه تنضف الصحن بالخمس

- والبنات الاذكية ( اللي مهتماااااااااااات ) اول مايرن الجرس تشوفها داخلة غرفة المدرسات تبي الاستاذه تشرح لها الدرس اللي كانت هي غايبه فيه

- وبعض البنات اتشوفهم متحذفين ورا اللوكر يحلون واجب الرياضيات اللي ماحلوه في البيت ..

- اما الاهم .. تشوف بعض البنات يستأذنون من الحصة قبل البريك بثلاث دقايق ويركظون المقصف –يحجزون لهم اكل وخرابيط – واول مايرن الجرس الاكل كله مخلص مافيه الاعصير يتهاوشون البنات عليه واخرتها يمكن يطلع منتهي ......

ثانيا: الشباب:

خلونا من البنات وانروح انشوف وش يسووووون الشباب في الفسحة ..

- تحصل واحد منهم نايم طول الحصة واول مايرن الجرس يدعي على اليوم اللي دخل فيه المدرسة ( لان حلمه انقطع بسببهم )

- واثنين من الشباب ينتظرون متى يروح المدير اللي صار له واقف ساعة قدام الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم محل في طريقهم وبعد نص ساعة يرجعون المدرسة ..

- وشلة تروح وره المدرسة يدخنون لين ما يقولون بس وما امداهم يشفطونها الا واحد كشخة رايح يفتن عند المدير وما يوعون الا المدير حابسهم في غرفة الاحتجاز ويسوي تليفون حق ابائهم ..

- اما واحد تشوفه فارش غترته على الارض ويكمل رقاده ( لان طول الليل مارقد يشوف فيلم ويلعب بلاي ستيشن)...

تحياتي..............