يا اخ محمود بدنا حل...........
 

الكثير منا يتعرض لمضايقات على الرسائل الخاصة

أخي محمود وإخواني الأعضاء ..

كتير من البنات على المنتدى من صاحباتي ، بتعرضو لمضايقات عبر الرسائل الخاصة من أعضاء شباب .. وكل واحد بستعمل أسلوبه وطريقته ليتعرف وياخد ايميل هاي وهديك ...

ومن أساليب بعض الشباب ،، بعض العبارات ومنها :
- انتي فيكي شغلة مميزة عن الباقين .
- انتي فيك سر ، ما بحكيلك اياه إلا لما تضيفيني عندك عالمسنجر.
- أنا حابب أحكي معك بموضوع لو سمحتي ممكن ، بس مو ممكن عالرسائل الخاصة ، لازم نحكي على الإيميل ...
......... إلخ من هاي الأساليب ...

عشان هيك محمود ، بدنا رقابة على الرسائل الخاصة ، وتمنع مضايقات أي عضو بعمل هالحركات ، ويا ريت الي بتشوفو بعمل هيك ، تمنع عنو الرسائل الخاصة ، وهو أكيد راح يسجل بعضوية جديدة كمان عشان تتفعل له الخاصية هاي ..

بتمنى من الأخ محمود وكل الأعضاء يشاركونا الرأي ... ويناقشو الموضوع ...

رد: يا اخ محمود بدنا حل...........
 

يا نغوم في خاصية حاطينها بتمنع الرسالة توصل من الشخص اللي مدايقه منووو ... روحو شوفوا الموضوع بالعام ... وكمان اي رساله بتصل ما بتعرفوا مصدرها لا تفتحوها ... واعتقد في رقابة من الادارة عالرسائل ...
الله يهديهم بس ..

رد: يا اخ محمود بدنا حل...........
 

هلا فراشة
بس ما بتوقع هاد الشي موجود لانه لونه موجود كان ما وصلتنا الرسائل المزعجة و المضايقة لانه اكتر من بنت شكت من هل موضوع

رد: يا اخ محمود بدنا حل...........
 

رد: يا اخ محمود بدنا حل...........
 

أختي اي حدا بتعرض لاساءة في الرسائل الخاصة

او اي شي من الي حكيتيه ..

تعمل تحويل للرسالة الخاصة الي ..

او للمديرة فجر الحياة ..

او تكتب موضوع في منتدى الدعم الفني والشكاوي ..

وبأكد انو راح يتم اتخاذ اجراءات ادراية شديده ضد كل واحد بعمل هيك ..

غير انو راح ينزل من عين الجميع لانه ازا كرر الموقف وتجاهل الادارة

راح ينزل فيه موضوع ...

رد: يا اخ محمود بدنا حل...........
 

ويريت تخفي خاصية اظهار المسينجر ..

مش معقول نمنع الايميلات في المنتدى ونسمح بظهور المسينجر في البروفايل ...

والله من زمان بدي احكي معك عشانها بس بنسى ..

رد: يا اخ محمود بدنا حل...........
 

السلام عليكم

انا اعلم ان هناك طريقة لوضع اجنور او تجاهل على شخص معين

بس شغلة طويلة

احسن حل متل ما قال اخ محمود

والله يهدي الجميع

رد: يا اخ محمود بدنا حل...........
 

رد: يا اخ محمود بدنا حل...........
 

الله يهدي الجميع

بس من رايي التطنيش افضل حل

طنش تعش تنتعش !!

الله يكون في العون

رد: يا اخ محمود بدنا حل...........
 

البنت الي بدها تشكي تشكي النا هون ،،

مشان احنا نتخد الاجراءات .. والا كيف بدنا نعرف انو تم معاكستها ..

بعدين في موضوع نزلته انا بحد من ازعاجات الرسائل الخاصة ..

فوتي هون بتعرفي

http://www.shabab.ps/vb/showthread.php?t=26525