|
كل واحد يحكيلنا عن تقاليد العيد عندهم
يوم السبت العيد يعني قرب وبما انا اعضاء من دول عربية واجنبية مختلفة شو رايكم كل عضو يحكيلنا عن التقاليد في العيد عندهم :showoff: يلا اتفاعلو مع الموضوع سلملم |
رد: كل واحد يحكيلنا عن تقاليد العيد عندهم
شكرا الك على الفكرة
انا عايشة بالولايات المتحدة وهون بيتجمعوا العرب الصبح في المسجد لتأدية صلاة العيد وبعد الصلاة بيكون في فطور جماعي بالاضافة الى الالعاب والهدايا علشان الصغار وبنعايد كلنا على بعض وبعدين بنروح على حديقة عامة وبنتجمع حتى ييجي موعد الغدا بنتغدى وكل واحد بيروح على بيته بس بصراحة انا ما بكون سعيدة لأنه العيد اله بهجة خاصة ببلدي وخاصة لو اني قريبة من امي وكل عام وانتوا بألف خير |
رد: كل واحد يحكيلنا عن تقاليد العيد عندهم
يا هلاا بعيوووووون السود
ولك ليش انتي بعيدة عن امك اصلن انتي شو جابك على امريكاااا؟ |
رد: كل واحد يحكيلنا عن تقاليد العيد عندهم
مممممممم يا سلالام عليكي ياروريتووو .. بصراحه بحب عيد الاضحى اكتر انا .. رح احكيلكووو السنوات الي فاتت ايش كنا نعمل .. بس السنه في امتحانات عنا فيمكن ما نطلع ..
اول شي طبعا كنا نروح ابل بيوم عالشارئه عند عمتي يروحوا يجيبوا الخروف وبعد الصلاه نصحى كلنا نتفرج عليه وهوة بندبح تحت اللمونة :-) ونصور فيديوو وبعدين بس يجي وئت الفطور نفطر ونطلع عدبي عحديقة الخور .. ونتغدى هوناك وبعدين نلف دبي حسب وين بدنا بودونا ... بس يا خسارة والله مئهور البي السنة الامتحانات بعد العيد عطووول واكيد ما حنطلع :-( |
رد: كل واحد يحكيلنا عن تقاليد العيد عندهم
هه
انا رح احكي انا شو بعمل احنا يا ستي من الاخر لحالنا هون يعني لا اهل ولا قرايب ولاحدااا ليلة العيد بتصل بكل اهلي بالخليل وبحكي معهم وبقعد اعيط شوي طبعا واحيانا بعيط كتير كل عيد بتتسير فيي هالحالة المهم بروح بابا بوصي على خاروف عند المسلخ وهمي بدبحوه وبجيبوه مدبوح وجاهز عالدار بنقعد انوزع على الناس لا ما يضللنا غير شويي بتقوم ماما بتعمل منسف وبناكل وباليل بنطلع بنلفللف هون وهون قبل كنت اطلع مع صاحباتي بس هلأ كلهم سافرو وما عندي حدا غالي عليي ادهم طبعا طول النهار بقعد عالنت مع ابن عمي وابن خالتي وبنات عمي ويجاكرو فيي بس هادا كلووو عيد او مش عيد كلو عادي مافي شي سبيشل بالمرة روتين يومي كأنو الا شراية الملابس للعيد وبس خليها على الله |
رد: كل واحد يحكيلنا عن تقاليد العيد عندهم
يمكن احنا هون في غزة يختلف الامر قليلا عنكم
طبعا اول شي عندنا معظم الناس يضحوا علي بقر او عجول وفي منهم علي خرفان بس نظرا لثمن العجل الغالي يشتركوا كل خمس او ست او سبع اشخاص في عجل ويذبحوه طبعا اكثر شئ سبع اشخاص وبعد هيك ييجي يوم العيد ونروح نصلي صلاة العيد وبعد هيك يجتمعوا المشتركين في الاضحية ويروحوا علي المسلخ ويذبحوا العجل بس الشي السائد انوا الناس يذبحوا العجل في بيت واحد او في كراج تحت بيت واحد يعني مش في المسلخ وبذبحوه وبصير كل المشتركين الي يسلخ والي يقطع اللحم والي يوزع اللحم يعني الكل يشترك وبوزعوا اللحم سبع اكوام وبتنعمل قرعة وكل واحد بوخد حصته ويروح البيت ويفطروا وبعد هيك يستحموا ويروحوا علي زيارة الاقارب والاهل وبهيك بخلص اول يوم هاد الي بيصير عندنا بالتفصيل بس تعرفوا مع انوا تعب بس الواحد بكون مبسوط وهوا بشتغل وبتعلم كيف السلخ بالنسبة الي انا طبعا بعرف اسلخ وبعرف اقطع اللحم وبعمل معظم الاشياء طبعا انا هاد تعلمته من الخبرة وكترة الاعياد طولت عليكم بس هاد بالتفصيل |
رد: كل واحد يحكيلنا عن تقاليد العيد عندهم
السلام عليكم
والله بعضكم بيحزنوا ههههههه انا طبعا فلسطيني بس مش عايش في فلسطين بس نفسي احضر عيد واحد في غزة انا عايش بالسعودية في الرياض واقلكم شو بيصير بالعيد عنا بيقوموا كل الخلق الصبح وبيروحو يصلو صلاة العيد وبعدها بيرجعوا في من العوائل بتضحي في بيتها وفي منهم في المسلخ بس الغالب في المسلخ يعني لا بنذبح ولا بنعمل شي وبرضوا بيجتمعو كل الحاره وكل واحد بيجيب معه اكلتهم الشعبيه وبيقعدوا ياكل ويطلبوا وطبعا انا بقول شو هذا الهبل ههههههههه وبعد ما نجيب الخروف وهو مذبوح ومقطع بنام لانه ما بيكون احد نايم للساعه 9 الظهر وبعدين العصر بيجي وقت اللفلفه بنلف على القرايب والحبايب بس للاسف فش حبايب بره غزة اهئ اهئ وبنرجع على البيت وبنام وثاني يوم بيتفقوا وين يروحوا وطبعا الي عنده اختبارات توجيهي مثلي هذا الي بيكون ما كلها لا طلعه ولا نزله ويلا دعواتكم لي يالغوالي تحيه طيبه |
رد: كل واحد يحكيلنا عن تقاليد العيد عندهم
فكرة حلوة يا عسل
انا فلسطينية وعايشة بالبحرين احنا بنعيد بشكل والبحرينيين بشكل ثاني بس في اشيا بنتشارك فيها اول شي بنقوم الصبح وبنروح كلنا على صلاة العيد ،، وبعد هيك بنرجع البيت ،، وبابا بروح يجيب لحمة الخروف على البيت <> يك ،، بعدين ماما بتبدا تقسم اللحمة ومش عارف شو بتسوي فيها ،، والكبدة تعت الخرووفة بنوكلها على الفطووور يععععععع وانا طبعا بحشيلي جبنة في الخبز وباكل ولو على جثتي ما بذوووق الكبدة <> برضو يك ،،، وبعدين بنشرب كباية هالشاي وبعدين جراااااي على الغرف بنرووح نلبس اواعي العيد الجداد ،، تقولي عمرنا مو شاريين اواعي <> لا حول الله يا رب حالة هستيرية ،، وبعدين ركيييييييض على دار عمو الكبييير ،، بنروح نسلم على اعمامي وجدتي وعمو الكبير ،، وطبعاً بنتحركش قبل ما يعيدونا و يغدونا <> اشي طبيعي ههههههه ،، بعدين كباية شاي العصر للكل وبعديها قهوة تركية ومع صنية حلاوة ،، وبعدين كل واحد عداارو ،، بييجي المغرب وبنطش كلنا مع بابا و ماما بنروح على الناس اللي بنعرفهم بنعيد اولادهم ،، وجراااااي طلعة في الليل على حساب بابا يطلعنا يودينا مجمع من المجمعين ،، يا السيف يا الدانة ،، وطبعاً السيف مستبعد في اول يوم عيد ،، لانو كل البحرين بتكون هناك <> تلاشياً للمخاطر هيعهيعهيع ،، وبعدين بنرجع البيت ماما وبابا بنامو من هاان واحنا اجراااي على التلفزيون من هاان ،، وبعدين بننام ،، وتوتة توتة خلصت الحدوتة حلوة ولا مش عارف شوو ؟؟ بعرف طوووولت كثيييييييييييير بس يلا انتي طلبتي هيك شو اعمللكو |
رد: كل واحد يحكيلنا عن تقاليد العيد عندهم
حلوه الفكره مره.....
احنا عيدنا بالملاهي او بالبر او نزور بعض في البيت..واحنا لو جونا اقاربنا الله لايوريكم اطفااااااااااال اشقياء شقاوه .مااعرف اسكت بمين ولا بمين ..شكرا حبابه. |
رد: كل واحد يحكيلنا عن تقاليد العيد عندهم
احنا عنا يوم العيد شو بيعملو بغزة
بيروحوا يصلوا الفجر بالجامع وصلاة العيد بعدين بيدبحوا الاضاحى كل واحد على بابا بيتوا او فى المسلخ وبعدين بيوزعوا اللحمه وبعدين بيروحوا يعيدوا على الناس وبعدين العصر الناس بتطلع على الملاهى والمنتزهات علشان للصغار طبعا وبعدين تانى يوم بيروح عند بيت الاهل وتلت يوم بيجى الولاد الى متجوزيين عن اهليهم ورابع يوم بيكون احنا بنطلع وبيروحوا الناس على الاماكن الترفيهيه وبس كدا |
| الساعة الآن 10:27 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas