|
البنت لابن عمها ؟
هذا الموضوع يتكرر دائماً وأبداً عندما يقرر الأهل منذ ولادة أطفالهم وأحياناً قبل الولادة بأن ابنة أخي لابني والعكس صحيح و يكبر الأبناء ... البعض منهم يرضى بنصيبه .... والبعض الآخر لا يرضى بذلك .... لكنه يفرض عليه فرضاً وقصص كثيرة نسمعها من هنا وهناك .... عن الحجز منذ الصغر وتزويج الأطفال مع وقف التنفيذ !!! والآن أختي أخي مارأيكم بزواج الأقارب ؟؟ هل أنتِِ/ أنت مع أم ضد؟؟ مع ذكر أسباب تأييدك أو اعتراضك !! أرجوا المشاركة من الجميع وانا بقول راي بعد سماع ارئكم .... تحياتي للجميع |
رد: البنت لابن عمها ؟
انا برأيي
انو مش عدل و لا حلوو ينحكم ع البنت أو الصبي بشريك حياتو من قبل ما ينولد او حتى و هو صغير وقت الأهل يفرضو متل هيك شغلات ع اولادهم رح يصير كتيير مشاكل ما رح تنتهي يا انو يكون ما في توافق بين الاتنين الي ربطوهم ببعض أو انو مثلا البنت ما بدها تتجوز بهيك مرحلة من حياتها و حابة تكمل دراستها وقتها بينفرض ع الطرفين اشيا ما بدهم اياها و هيك حتى بعد ما يتجوزو ممكن تفشل علاقتهم و هاد الغالب و بعرف كتييير رفقاتي صار فيهم نفس الشي و اغلبهم ما كملو سنة و اتطلقو وقتها وين رح تروح البنت و مين رح يقدر شعورها ...!! و رح تتسمى مطلقة و هي بتكون ياادووب ما صار عمرها 20 بجد شي بدوو لحظاات تفكير لأنوو حرام تروح حياة عالم بهيك اشيا شكرا أحلى رورو ع فتح النقاش |
رد: البنت لابن عمها ؟
انا ضد زواج الاقارب لأنه الاقارب عقارب على رأي ستي
وبيكون في احتمال كبير للأمراض الوراثية والمشاكل اللي ما بتخلص شكرا للموضوع |
رد: البنت لابن عمها ؟
شو هال الحكي
انا مثلا بنت عمتي مو حلوة وانا مو مجبور اجوزها اي والله انك مزبوطة منيح الي ذكرتيني بدي روح احكي لابوي انو ما يجبلي سيرة بنات عمتي بالمرة |
رد: البنت لابن عمها ؟
أنا كمان ضد هاي الفكــــــرة ..
لأنو الرسول امرنا انو نبتعد عن زواج الاقارب لأنو من كتروا بسبب امراض بالتوارث وشغلات وهادا مش مستحب عنا بعيلتنا .. يعني مش لازم ^^ |
رد: البنت لابن عمها ؟
انا ضد الفكرة
لانوا كل شب وصبية من حقهم انهم يختارو شريك حياتهم بنفسهم مش حق غيرهم يختار الهم هالشريك وزواج الاقارب فيه احتمالات كبيرة للامراض والوراثية الي بتسبب بمعانات الاتنين اذا جابوا اطفال مصابين...يعني حرام انهم يتغلبو هيك و ينحرق قلبهم على اطفالهم....... وغير الامراض بيكون في كتير اشياء يستحسن انهم ما يتزوجو عشانها تسلمي خيتو ع الموضوع الحلو^^ هاي هو رايي |
رد: البنت لابن عمها ؟
لااااااااااااا
انا ضدهاااااااااا تماما شووووووو ولاد عمك 24 سيعة بخلئتك ومتل خواتك وتروحي اتعيشي معو طول عمرك كمان نووووووووو لالالالا والله كاااااااانت رح اتسير قصة متل هادي بعيلتنا بس طبعا ماما بدهاش بالمرة من القرايب وعلى طول عارضت الفكرة انا مع انو يكون الزواج من الغربا لانو زواج الاقارب بجيب امراض للولاد بعدين وبعدين حلووو يكون واحد مش من عيلتك ولا بقربلك يسلمووووووووووو احلى رورو والله |
رد: البنت لابن عمها ؟
يثلموووووووووووووووووووووووو ايديكم على مروركم
يلا يلا وين الباقي يعطونا رايهم :) |
رد: البنت لابن عمها ؟
ههههههه بس ابن عمي ما بضبط ابن خالتي ولا ابن خالي ..
والله يا رورو حسب .. ولاد عمي صغنونين ,., يعني الفكرة ملغيه .. بس والله انا عندي اخد قريبي ولا اخد واحد ما بعرفوا ,, شو اخدنا من الغريب غير البهدله ^^ انا مع فكرة الاقارب .. وخاصه لما يكون حلووووووووو ^^ |
رد: البنت لابن عمها ؟
اي يعني يكون بارادة الشخص متلا انا بكون بدي ابن عمي مش غصب عني يفرضو ه علية ..... وانا من رايي انو العادة هاي صارت قليلة بايامنا هاي .. ومن جهة الامراض بعتقد انو بس يكون تشابك بين العيلتين زي ابن خالتك متجوز بنت خالك وبنت خالك اصلا بنت عمو وهوة ابن خالها .. والله الشجرة هاي بيطلعوا ابناءهم معاقين بعيد عنكوو وامراض وراثية ...
|
| الساعة الآن 02:52 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas