منتديات شباب فلسطين - كيف ماااااااااااااااااااااات ابوك (ادخل وشوف هالقصة المضحكة)

الأول : كيفك يا زلمه وكيفو أبوك إن شاء الله تحسن؟ صار لي سنين ما شفتك

الثاني: أنا ماشي حالي الحمد لله بس الوالد عطاك عمره

الأول: العمر إِلَك.. بعرف كان مريض بالقلب يالله الله يرحمه

الثاني: بس والله ما مات من القلب

الأول: معقول هالحكي؟! كيف توفى؟

الثاني : الله يرحمو بآخر فترة ضعف نظرو كتير فمرة طلع عالبلكون ما شاف الحفة وقع وبتعرف بيتنا تالت طابق

الأول : لَهْ لَهْ على هالموتة، بكل الأحوال الله يرحمو

الثاني : والله تعذبنا فيه كتير وعملنالو شي 12 عملية لَتْحَسَّن

الأول : طيب كيف توفى؟!

الثاني : صار يحمل عكازة ومرة عم يقطع الطريق، سيارة مسرعة خبطتو

الأول: له له ْ يا لطيف ... الله يرحمو

الثاني : ربك رحيم كان فيه جار إلنا حطو بالسيارة ولحقو على المستشفى بس النزيف الداخلي كان رهيب

الأول : الله يرحمو بكل الأحوال

الثاني : بس سفرناه على إسبانيا وضلينا شي 6 أشهر عم نعالج فيه والحمد لله تحسن

الأول : طيب كيف مات !!

الثاني : صار معو فشل كلوي حاد وصرنا ندور على متبرع كلية وتأخرنا وصار معو تسمم

الأول : الله يرحمو ارتاح

الثاني : بالصدفة إجا شخص بيعرفو من زمان تبرعلو بالكلوة بآآآآآآآآخر نفس

الأول : لكان كيف مات !!

الثاني : والله مرة بالبيت وهو قاعد ما انتبه ع الغاز احترقت الشقة وهو لحالو فيها

الأول : يا لطيف على هالموتة ما أبشعها الله يرحمو

الثاني : بس والله جارنا الله يجزيه الخير كسر باب البيت ولحقو بآآآآآآآخر لحظة

الأول : لَكْ فهمنا كيف مات !!

الثاني

((( والله اضطرينا نطخُّه آخر شي )))
نرميه بالرصاص

ولاتنسونا من ردود ودعاء صالح

__________________