من الغلطان هي ام هو؟؟؟
 

السلام عليكم

مرحبا يا امامير

انا اليوم وكاعادة جايبة الكم موضوع بس هاي المرة ما بعرف كيف راح يكون

يمكن ما تكون عندكم الخبرة الكافية لهيك مواضيع

بس وجهة نظركم راح تفيد

نبدا 1

2

3


اول شي هاي قصة سمعتها من بنت


بدور حول زوج وزوجته:icon9:


الزوجة طلبت من زوجها انها تروح عند بيت اهلها:icon6:


قلها حاظر

رجعت بعد اسبوع قلتله بدي اروح عند بيت اهلي

مع العلم انها ما راجعته بالمرة يعني ما ( ظلت تزن علي دانه)

المهم بيوم اللي طلبت فيه تروح علي بيت اهلها

ما شا فتوا طول اليوم

كان برة البيت

ورجع متاخر

وطبعا هو عارف انها كانت زعلانة منه

وما عبرها ولا بكلمة ولا نظرة حتي

المهم الزوجة كلمته وما رد عليها

راحت زعلت ونامت بعد بشوي قام زوجها وطلع من البيت مع انه الوقت كان بعد الساعة 12

وطول لرجع وطبعا هي يا حرام مو نايمة

قبل ما ييجي بدقايق راحت سكرت الباب بالمفتاح

ولما اجت لتفتحله

قلتله عندي طلب قصدها عن ضحك لحتي يرضي

قلها افتحي وبصير خير

فتحتله

وبعد بشوي قلها شو طلبك
:ashamed:
قلتله بدي اروح عند بيت اهلي يوم كذا

قلها لأ

مع العلم انه الزوجة ما ردته ولا بكلمة يعني ما عصبت ولا عيطت ولا شي

وبعد مدة راح طلع قامت عصبت وسكرت الباب تاني ولما رجع قلها افتحي قلتله طيب قلي شو رايك:O_O:

قلها ادا بدك تروحي علي بيت اهلك




روحي بس من غير ما ترجعي
:ashamed:
قامت المسكينة انصدمت

وفتحت الباب وهي مكسورة الخاطر وقام هو مرة تانية هددها

بالغرفة وعادلها نفس الكلمات

وهي ما كلمته ولا كلمة

تاني يوم ما حد حكي مع التاني وظل يدايقها

بنظراته


ومهملها علي الخالص

المهم قامت زوجته بالليل حكت معه وقلتله انا بشو غلطت


انا قصدي عن ضحك

انت ما تحملتش وادا يرضيك ان بدي اروح علي بيت اهلي بكرة

قلها انتي الغلطانة

وانا ما بقلك لا تروحي عند بيت اهلك

بس انا حر بوديكي وقت ما بدي:s (60):


مع العلم انه هو عارف من قبل بمدة انها هتروح علي بيت اهلها لامر ضروري:wacko:


معلش طولت عليكم وعلي اللغة

بنت اسدود

رد: من الغلطان هي ام هو؟؟؟
 

كوني له امه يكن لك عبدا وشيكا ....

اسمعي الكلام من غير ما تسكري عليه بابا البيت .. الرجل بطبعه ما بحب الزن ... لحاله راح تلائيه بيحكيلك البسي اوديكي .. بس هيك انتي كانك بتحكيلوو غصب عنك بدك توديني .. وانتي بدك تعندي وهوه بدوو يعند .. يعني اكيد ما رح يحرمك تروحي عند اهلك .. بكلمه حلوه منك اله بيوديكي عالائمر مش اهلك بس .. واسمعي كلالالامه رضا الزوج من رضى الرب ..

والله هاد رايي بس انا ما بعرف كتير

رد: من الغلطان هي ام هو؟؟؟
 

أختي بنت اسدود ..

انا عمري 23 بصير ارد على هيك موضوع .. ههههه الي أقل من 23 ما يرد الا اذا كان متجوز ..

طيب اسمعي راي وهاد عن محاضرة حضرتها عن مفاتيح السعادة في الحياة الزوجية للدكتور مريد الكلاب ..

في كل شيء هناك انت تخسر وانا اربح او العكس الا بالزواج ..
بالزواج القاعدة الاساسية انت تربح وانا اربح .. او الثنين بخسرو :(

الحياة الزوجية مش مسابقة بين اثنين ومين الي بربح ...
الحياة الزوجية عبارة عن ثنين صارو واحد ..

الرسول قال خيركم خيره لأهله .. يعني الزوج لازم يراعي زوجته وان غلطت يمشيلها .. يناقشها .. يوعيها .

والرسول قال ((و كنت آمراً أحداً أن يسجد لأحد لأمرت النساء أن يسجدن لأزواجهن))
يعني لازم تراعي الزوج ..

وخيرهم الي ببدا بالمصالحة ..

والاصل انهم يتسابقو مين يصالح مين بالاول ...

بما انك متجوزة .. أنا حهديكي هاي المحاضرة .. والي ان شاء الـه تستفيدي منهـا

http://www.islamway.com/?iw_s=Lesson...esson_id=49176

موضوع مميـز ..

يعطيكي العافية أختي ..

رد: من الغلطان هي ام هو؟؟؟
 

مرحبــــــــــــــــا

انا من رايي وبشــــــــوف انووو هو اناني

هووو بدو بس يتحكم ويأمر ويسمع صوتوو

يعني هو ليش تراجع بكلمتوو

هو قال الها اول شي بوديكي بعدين

ما وداها

وهي لما سكرت الباب اكيد ما قصدها شي

هي بس بتدلع شوية وواضح جداا

بس هووون المجتمــع بيحط اللوم كلو علي المرأة

وهي المفروض تسكت وترضي بالامر الواقع وكأنو ما عندها مشاعر

وبعدين انا بشــــــــــــــــــوف انوو هووو مش من حقو يمنعها تروح علي بيت اهلها

لانو هااادا صلة رحـــــــــــــم

بس الرجل اناني بدور علي سعادتو وبس

بايووووووووووووووو


و

رد: من الغلطان هي ام هو؟؟؟
 

هو من شكله الزلمه عقله تنح بس هذا مش مبرر ..

الاصل بالعلاقات الزوجية الصدق والصراحة من الجانبين..

وإذا هذا الشرط مشي بالبيت ..

العلاقة الأسرية بتكون 100%

بس انتي بدك الحق ع مين..

بي اختي انتي لازم تعرفي انو الكلمة الاولى والاخيرة في البيت للراجل .

ولأ يعني لاأ ..

لو الملائكة عند اهلها..

كلمة ورد غطاها ...

وسلمت يمناكي ع الموضوع.. ^^

رد: من الغلطان هي ام هو؟؟؟
 

مهوي يا احلى ابتسامة .... الناس لازم تعرف لمين تعطي بنتهـا ..
مش ايا حدى يالله شيل .. تقول مشتري غنمة ... اسف على التعبير

بس لازم نعرف لمين نعطي بنتنا .. الاصل نعطيها لواحد بخاف ربنا

لما سأل واحد الحسن البصري .. طبعا الحسن البصري علامة .. سأل رجل انو اجا لبنتي اثنين يخطبوها فمن ازوجها فجاوبو .. ((زوجها من التقي فانه ان احبها اكرمها وان كرهها لم يظلمها))
وفعلا معاه حق ..

رد: من الغلطان هي ام هو؟؟؟
 

انا بشــــــــــوف انو الاب لازم يعطي بنتو اهم شي

لانســـــــــان عندو ضمير

طيب شو رايك با احمد انا بعرف وحدة صحبيتي خطبت واحد

امام بجامع وحافظ القراءن تمام

وبيدرس شريعـــــــــة وموظف بالاوقاف

بس والله ما عندو ضمير ولا رحمة وجرحها وازاها

مع انو هي قبلت فيه بس علشانو حافظ القراءان

وهلأ هما اطلقوا

والله لا يسامحوا علي عملو فيها

من يومها انا ما بثق بحدا يقول شيخ يقولو حافظ القرءان والله ما بثق

الي عندو ضمير بعمل حساب اقل شي الناس الي فتحوا الو ابوابها وكانو مناح معو وعزوووه وكرموه

مع انو البنت زي القمر وهو ما بستاهل ظفرها

بايوووووووووووووووووووووو

رد: من الغلطان هي ام هو؟؟؟
 

لا حول ولا قوة الا بالله ..

اللـه يعوضها خير ..

مهاي فكرة ثانية خطأ عند الناس .. الدين مش مجرد صلاة وعبادة وحفظ قران . الدين برضو المعاملة ..


معك حق أختي ..

رد: من الغلطان هي ام هو؟؟؟
 

اما بالنسبة الي

انا مابعرف كتير في هااااااااااااد الموضوع

انا بعرف امراة متزوجة وكل يوم تذهب الى بيت اهلها بسبب او من غير سبب

وتصل معاهم الى الشيطان الرجيم متل ما بيقولوا

ولكن الله يصلح جميع الامة

رد: من الغلطان هي ام هو؟؟؟
 

أكيدا لزوج ما بيجي ألا بالكلمة الطيبة للأسف,و لازم اكتير نيجي عالى حالنا عشان نختصر الشر
بس هون ما راح نأدر نحكم على مين الغلط غير لما نسمع من الطرف التاني الي هو الزوج, يمكن كان مدايق منها من قبل أو كان لازم تسالو أول ليش اتأخر و تسمع منو بعدين تزعل.يمكن سار معو اشي تاني خلاة يتأخر.ما كان لازم تفترض سوئ النية عندو,انو اتأخر عشان ما يوديها عا أهلها....