--------------------------------------------------------------------------------

شو صعب ينقلك انو انت فقدت شي عزيز عليك للابد

او انو ما رح تشوف شخص عزيز عليك للابد

يمكن يكون الموت هو يلي فرق بينكن....او الظروف...بغض النظر عن السبب
بس الشي يلي بتعرفو انو انت للابد هل شخص انمحا من حياتك

كمان مو شرط تكون فقدان شخص...ممكن تكون فقدان اي شي....

كلمة للابد شو انها قاسية....
صايرة عم تتزامن مع الاشياء يلي بتكون وقعها قاسي اكتر من الكلمات او الحالات يلي بتفرح..وبتجلي الصدر...

يمكن تتغرب...وللابد ما عاد ترجع لبلدك....
يمكن تفشل بدراستك وللابد ما عاد تقدر تدارك الموقف

شبهتا متل موعد قطار راح عليك......وما عاد يجي قطار غيرو
والمشكلة انو القطار وهو ما شي عم يلغي السكة من وراه...
يعني حتى مشي ما عاد فيك تلحق القطار حتى لو قررت تلحقو وما استسلمت للياس وقعدت وحطيت رجل على رجل

ممكن حدا غيري يشبه الابد تفسير تاني بعيد عن يلي انا قلتو...

وممكن كمان تاخد كلمة للابد منحى تاني....غير الفقدان.....

متل انو يصير عندك جرح بقلبك وانت بتعرف هل جرح لو بتموت ما رح يلتأم...يعني راحت معك مواتية (للابد)

بس يا ترى...
رح يجي يوم ويكون فيه هل بني ادم مرتاح فيه للابد!!!!؟؟؟؟

سلام
__________________

لو تعلمين بما أجن من الهوى ***لعذرت أو لظلمت إن لم تعذري

لا تحسبي أني هجرتك طائعا ***حدث لعمرك رائع أن تهجــــري

يهواك، ما عشت الفؤاد، فإن أمت ***يتبع صداي صداك بين الأقــــبر