صفات شباب 2006,,,,,
 

صباح الخير للكل,,طبعا الشباب عارفين صفاتهم,,,
دوام الجامعه الساعه 8. بتكون الساعه 7:45 و هو بسابع نومه .. بصحى مصروع الساعه 7:55 و ب5 دقايق بمعجزه الهيه بكون ملغمط الشعرتين الي عراسه بكيلو جل و حالق ذقنه و جارح حاله ب 50 مكان, هاد إذا ما قرر يكون اللوك لليوم "ديرتي" يا ساتر!

الأواعي بتكون بقمة التناسق, يا إما شرط بني و تي شيرت كحلي, أو بنطلون جينز و قميص برتقالي. طبعاً ليش القميص نصو بره البنطلون و النص التاني جوا ما حد بعرف! يمكن أحد أسرار الأناقه .... هاد غير البلاطين الي بتجرجر عالأرض بكون الشب ماشي و منظف نص الجامعه وراه .. البوت رباطاته مربوطه أو متروكه تتطاير بالهوا هاد حسب مزاج الأخ.

بكون واقف مع شباب صحابو بأمان الله, بس يمرو بنات بتلاقي صوتو وصل لآخر الجامعه: " يااا زلمه كنت ماشي بالBMW عال 160 بس!! ايش؟؟ ااااه أكيد كنت أخمّس و لا شو مفكرني خايف؟؟ كيف؟؟ اه ولا! أكيد مسكتني الدوريه بس يااا زلمه مأنا واصل!!! مش خال عم أبوي بكون إبن أخت سيد رئيس مركز الشرطه! يا زلمه شو بدك بالحكي!! و و ....."

اجا عبالو الأخ ينفخ حالو, أسبوعين, 89 ساعه باليوم بداوم بنادي حديد, ما بخلي حديده إلا برفعها, بكسر ضهرو, بصيرلو شد عضلي, بتتلف أعصابو, مش مهم, المهم العضلات تبين, و بنهاية الأسبوعين بصير قدام البنات رياضي و طول عمرو بلعب حديد و الرياضه مقطعه حالها بحياتو.

بكون مصاحب 40 بنت و لكل وحده حاكي نفس الحكي: "انتي الوحيده بحياتي, مستحيل أحب غيرك و و..." و بعيد الفالنتاين بكون شاري دباديب بالجُمله و حديقة ورد و مش عارف يلحق على مين ولا مين.

طبعاً الدخان قصه تانيه, هو ما بدخن بالمره و لا بحب يدخن, يدوب سيجارتين باليوم, بتلاقيه شافط 5 بكيتات عالريق و انعمى ضوو من الصبح, هاد غير تحشيشة آخر الليل, هاي بس هيك مع الاصحاب يعني, بكون الدخان طالع من ذنيه و مخو بلّد و وقف عن العمل بسبب جرعه زايده من النيكوتين, و بحكيلك عادي, مش كتير بدخن!
:showoff: :icon6:

رد: صفات شباب 2006,,,,,
 

هه

رد: صفات شباب 2006,,,,,
 

رد: صفات شباب 2006,,,,,
 

ههههههههههههههههههههه اكيد شله حسب الله شمس وعيسى ووهم منهم...وابقى دخن بره دوختنا بريحه السجاير..يا شمس

رد: صفات شباب 2006,,,,,
 

رد: صفات شباب 2006,,,,,
 

رد: صفات شباب 2006,,,,,
 

هههههههههههههههههه ومين حكالك راضيين فيه بس هم بيجاملوه مو اكتر ولا اقل...وهو يا حرام ماخد بحالو مقلب...خخخخخخخخخخخ

رد: صفات شباب 2006,,,,,
 

على شان يعرفووو انووو حياتهم من غيرنا سلطه وطماطم وفجل وخس و.و.و.و.و.و.و

رد: صفات شباب 2006,,,,,
 

ههههههههههههههههههه والله مو عارف من واين يا وردة بتجيبي هلحكي
بس انا ما بدخن......

رد: صفات شباب 2006,,,,,
 

ههههههههههههههههههههههههههههههههههه ههه نورتنا يا عيسى...فكرناك استشهدت...
طيب الحمد لله في مقاتل محترم معنا ما بيدخن اذن خليك ..وروح شوف ابتسامتك شو بتجنن...
تحياتــــــــــــي