|
قصيدة ليش انموت
ليش انموت..
من دون البشر بسكوت..؟ ليش نموت.. غربه بلا جفن لا دمعه لاتابوت؟؟ لام التصيح بصوت.. لا اخت التبجي بيوت لابيرغ عراضه يجول ..لاخّير علينه ايفوت؟؟. ليش نموت... ولحدمن يظل هذا الشعب مشحوت؟؟.. يوم الذيب ياكل بيه.... ويوم يصير حك الحوت. ليش انموت.. ويموت الفرح بينه....ونتيه اسنين...؟؟؟؟ ليش نضيع... كلنه بزحمة الماشين؟؟؟ ليش اطفالنا الحلوين جوعانين ليش دموعنه التنزف قهر بالعين???؟ ليش العيد.. مازار الوطن مره؟؟؟ نتاني الراح.. وين الراح. .يا هو اليعرف بامره؟؟؟ ياسفان... شعبي وياك.... ذمه توصله للعبره.. ياسفان..بحرك هاج... ودروب السفر خطره.. وانا بحسره..... اخاف الروج ياخذهم... اخاف الليل يخنگهم... اذا ماتو بارض بعيده عن بغداد ياهة يعزي البصره؟ ياسفان لو غرگوا اهلنا هناك... ياهو يطلع الغرگان.. وياهو ايّزوره الحضره... يوميه بحزنه انموت ويردنه القهر كوه ونرد انموت ياربي وبعدنه انموت.. موال الحزن رافك عمرن دهور والخاطر ابد مكسور.. واحنه انموت من اول قصيده وفاركاناه الصوت ضل بس الصدى يدور عله ال مشحوت ليش اتموت..ليش اتموت مو انته عراقي منيلك تابوت،.........- مو انته عراقي بحاجت التابوت؟ ليش اتموت |
رد: قصيدة ليش انموت
عزيزتي بنت العراق تسلمي على هذه القصيدة الجميلة باللهجة العراقية الجميلة
لكن تذكري قتلاهم بالنار وقتلانا بالجنة وهذا ما يهون المصاب علينا "ولا تحسبن الذين قتلو في سبيل الله امواتا بل احياء عند ربهم يرزقون" واذا كنا كشعب فلسطيني وعراقي قد ابتلينا فالنعلم بأن الله ان احب عبدا ابتلاه تحياتي |
رد: قصيدة ليش انموت
بنت العراق ... في البداية ارحب بيك واهلا وسهلا فيك بيننا
في الحقيقة هذة الكلمات المؤثرة كان لها معني كبير في قلوبنا فنحن ضحية كل الامة العربية التي تنظر الينا مكتوفة الايدي فلا تزعلي ولا تياسي فان الله معنا وما بعد الضيق الا الفرج اشكرك كثيرا ودمت لنا ودام لنا عطاءك تحياتي لك |
رد: قصيدة ليش انموت
مشكورين عالمرور وبصراحة انتو الفلسطينيين والله ناس عدكم اصول
و خوش ناس وبارك الله بيكم |
رد: قصيدة ليش انموت
مرسي كتير كتير مني للك على موضوعك حلو كتيرررررررررررررررررررررررررر
|
رد: قصيدة ليش انموت
مرسي كتير كتيرررررررررررررررر عالمرور
|
| الساعة الآن 08:45 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas