حوار عائلي أردني .. الله لا يوريكم
 

السلام عليكم ورحمة الله وبركاته

ما بعرف اذا قديم ولا جديد بس قرأته في احد المنتديات وعجبني :icon31: وقلت تقرأوه معايا:icon31:

اخليييكم مع الحوار العائلي




الأب مخاطب الابن : تعال وله

الابن و بكل براءة : نعم


الأب :نعامة ترفصك ... تعال وله



الابن : ليش شو سويت؟



الأب : سواك ضريب يخلع رقبتك



الابن : شو فيه؟



الام : شاوي يشوي عضمك ...رد على ابوك بأدب وله



الابن : هوه انا حكيت شي؟



الأب:حكحكوا جنابك بالعصايه اوقف عدل



الابن : حاضر



الأم :يحضروا على قبرك انشالله ... لما ابوك يحكي انت بتخرس



الابن :أخرس؟



الأب : ايوه ان شالله خرسه



الابن: ماشي



الأم: اجاك مشش بركبك ما تقوم منه انشالله



الابن :مشش ؟؟؟ شو هاذا المشش؟؟



الأب: اما انك قليل حيا ..وبترد على امك كمان ؟ هات العصاي وتعال وله



الابن: انا رديت على امي؟ يمّـه احكي كلمه



الأم: موا يمزع نيـعـك وله ...حكيتلك اخرس




الابن الان اصبح مغلوب على امره ومش فاهم ايش الموضوع وصمت



الأب: أما جيل قليل حيا...احكي وله ... مالك انخرست



الابن : شو احكي؟ اذا حكيت بتقولوا عني قليل حيا وبتشوفوني غلط



الام :حيه الي تقرصك انشالله ... قلتلك تأدب وانت بتحكي مع ابوك



الأب : ايش "بتشوفوني غلط" هاي ... شايفنا عميان ولا حول ؟



الابن : لا اله الا الله



الأم : الله يوخذك انشالله ... يا ريتني خلفت ابن الجيران ولا انت



الأب: انا مش عارف هاذا الولد متى بده يصير زلمه...دايما فاظحني بين الرجال



الابن: طيب شو اعمل عشان تشوفني زلمه ؟



الأب: قلتلك اخرس وله



الابن: يا الله ... يا الله ... يا جماعه شو مالكوا ... شو فيه ؟



الأم: اه صحيح انت ليش ناديت عالولد يا زلمه ؟



الأب :بتصدقي يا مره اني نسيت.... نساني شو كنت بدي منه


الاب : خلص روح ارجع على غرفتك يابا.


منقووووول للفائدة ههههههه

رد: حوار عائلي أردني .. الله لا يوريكم
 

هههههههههههههههههههههههههه
ميرسي كتير الك كتير حلوه هالنكته يسلموووووو مستحيل

رد: حوار عائلي أردني .. الله لا يوريكم
 

ههههههههههههههههههههههههههههههههههه ههههههههههههههههههههههههههههههههههه ههههههههه
مع اني كنت منزلة الموضوع من قبل
بس ذكرتني فيو والله
عنجد فرطت على حالي من الضحك
شكرا ً

رد: حوار عائلي أردني .. الله لا يوريكم
 

تانكس اخي على هل نكت وربي حلوين كتير عجبوني
كان معكم دلوع يلي من يومت ما ولدتو امو وهو دلوع هع