اخطر موقف
 

كل واحد يكتب هون اخطر موقف او حادث اتعرض الو و كاد ان يودي بحياته
سواء كان كان حادث واحد او اكتر
و في اي فترة عمر و في اي بلد كان

رد: اخطر موقف
 

انا اخطر موقف اتعرضتلو هو في فلسطين في بيتنا
هلا احنا ساكنين مقابل مستوطنه
وصار في اطلاق نار ويومها بجد كان موقف ما بتمنا حد يمر في
ويومها بيتنا ادمر
الله يفرجها على جميع خلقو
وبس وكان عمري 10 سنين

رد: اخطر موقف
 

رح قول موقفين .....

اول واحد ....تقريبا قبل شهرين هون بالامارات ( راس الخيمه ) كنت طالعه انا و ماما بالسياره ....
.... ....... و فجأءه ...ماما وقفت السياره و كانت خايفه كتير ....و يعني كانت رح تعمل حادث
لانه كان في وحده هنديه (( شكلها حوله و الله اعلم)) عم تقطع الشارع و الاشاره خضرا
(( للسيارات مو للمشاة ))...... و هيه وقفت قدام السياره زي الهبله .....الحمد لله انه ما صار شي خطر ....لانه كان ممكن يصير شي كبير كتير لانه كانت الاشاره خطره و الشارع زحمه ....وبس

الموقف التاني ......

يمكن قبل خمس سنين ......
باجازة الصيف بالاردن (( عمان )) ..... يمكن كنت بصف خامس ابتدائي ...ما بعرف بالضبط
كان الوقت العصر ...و اللي بالبيت نايمين و ما في حدا غيري انا و ابن خالي و بنت خالتي صاحي... و اطلعنا برا على الحديقه تبعت البيت ( ببيت تيتا ))
المهم....اجا ابن خالي و معاه ورقه و (( ولاعه او قداحه )) ...و صار يقول انا بدي احرق الورقه ....و انا و بنت خالتي ما كان عنا مانع ابدا .....فهوه مسك الورقه ولعها ...و رماها ...و فجأة هب الهوا ....و طارت الورقه و لزقت بالجينز تبعي ....و هدولاك الهبلان اللي معي هربو و تركوني بحترق .....و ما بعرف كيف طفيت حالي ......و بعدين بعد ما انطفيت ..(( ههههههه رح موت الضحك والله ))
اجو الجبناء التنين و اشترولي ايس كريم علشان ما قول لحدا من الكبار .......وبس



طولت عليكم .....زهقتو صح ؟؟ هههههههههههه

مشكووور علاء على الموضوع الحلو

رد: اخطر موقف
 

بالنسبة الي كنت مرة على حفت راسية سفن في الكويت كان عمري 7 سنين و ما كنت بعرف اسبح يعني لسة بدي اتعلم اجا واحد من اصحابي دفعني و عصت و المي تحتي 10 متر و صرت احاول اطلع لفوق و قلت خلص ما ضل نفس و بدي اسحب نفس و شو ما يصير يصير سحبت النفس ولا هو هواء و فتحت عني و الا انا طايش و صرت انادي و ما صدقت حالي اني اوصلت الخشبة و مسكت فيها
و مرة كنت نازل نزلة بالبسكليت و طاير و فجأة فلت البريك و قدامي شحن مسكر الشارع و اتشهدت و قلت رحت خلص المهم ما شفت و الا الشحن مبعد و فتحلي مجال و بعديها صار النزول اطلوع ووقفت و ما صدقت اني بعدي عايش