|
خلينا نشوف رأيك.........
السلام عليكم اخواني واخواتي
طبعا ما في حدا من ما بعرف او ما سمع بهدى غالية يا جماعة اكيد كمان كلكم سمعتو انها رح تتربى عنا في الامارات (شيوخ الامارات) وبالفعل البنت وصلت على الدولة من يومين تقريبا المهم هل انت كفلسطيني شب او بنت شو هو رأيك بهالموضوع هل انت مع او ضد الفكرة...واشرح الاسباب ليش مع او ليش ضد |
رد: خلينا نشوف رأيك.........
بصراحة انا ضد هذة الفكرة طبعا والسبب واضح اعتقد يعني انا بشوف ومع احترامي الشديد لرايك وكل اهل الامارات البنت الحق لها ان تعيش في وطنها وبين ربوع اهلها وما اظن ابدا انة حد راح يقصر فيها ابدا الكل يفديها بكل ما يملك الشعب الفلسطيني تعود علي العطاء وانا نقف صفا واحدا بجانب بعضنا البعض سواءا في الصراء او الضراء هذا رائي ومع احترام الشيدي لاراء الجميع وشكراااااااا
تحياتي لك |
رد: خلينا نشوف رأيك.........
شكرا كتير الك ولروحك
بصراحة اخي انا كان رايي هو رأيك بالضبط لاني بصراحة ضد الفكرة تماما اهل فلسطين اولى ببنتهم من انها تتربى خارج بلدها واهلها...انا كمان بشوف انه فلسطين فيها من الناس اللي يقدرو يربوها ويصرفو عليها وبرجع وبقول انهم اولى بيها.. خلينا نشوف راي باقي الشباب طبعا والصبايا |
رد: خلينا نشوف رأيك.........
لا انا مع انو تتربى بالامارات خليها تبعد عن فلسطين والحرب لانو البنت تعبت ...بكفي انها خسرت نص اهلها فمن حقهااااا تعيش بامان عشان تنسى القصه لانها بعدها بنت صغيره لانو فلسطين هلأ و ضعها ما بطمن...و هدى مارح تنسى اهلها يلي بفلسطين ...
|
رد: خلينا نشوف رأيك.........
انا ضد الفكرة ...زي ما حكى الاخ وليف الدمعة ...البنت من حقها تعيش مع اهلها وفي وطنها وما حدا رح يقصر في حقها...بضلهم اهلها بفلسطين احن عليها من الناس اللي رح تتربى عندهم بالامارات
|
رد: خلينا نشوف رأيك.........
برأيي اهلهــا اولى فيهـــا ,, وشعبي قادر يحافظ عليها .. وبعدين وين ماراحت مش رح تقدر تنسى اهلها .. لو انو اخوها او اختها يلي استشهدو كان ممكن انها تقدر تنسى .. بس هادي عيلة كاملة .. عارفين شو يعني .. والله لو تعجز مش رح تقدر تنسى ..:( الله يكون بعونهـــــــــا |
رد: خلينا نشوف رأيك.........
انا مش فلسطينيه بس ممكن اعطي رأيي صح المفروض انها تتربى في وطنها و بين اهلها و عنكم حق بس خلونا شوي من المفروض هذا . كيف ممكن تكبر بنت شافته اللي شافته هدى غاليه اتخيل و حط نفسك بمطرحها البنت لساتها صغيره و شافته اسوء شيء ممكن تشوفه بالحياه اعتقد من حقها انها تبعد عن هذا الجو . و تكبر في ظروف طبيعيه . و تشوف الجانب الحلو من الحياة وبعدين في الامارات و لا بفلسطين كلنا وطن واحد و قلب واحد و دين واحد
اسمحولي : " راي صواب يحتمل الخطأ و رأي غير خطأ يحتمل الصواب " |
رد: خلينا نشوف رأيك.........
بلا بياخة يا شيوخ العرب
هاد اللي شاطرين فيه تفرجو حالكم للعالم انكم كريمين هدى ما بدها منكم اكراميات هدى بدها منكم الثأر بدها منكم تتحركو لانقاذ باقي الاطفال في فلسطين و بلا فخفخات يا شيوخ العرب بكفي انكم كنتو رعاة الشاة و اليوم تتطاولون بالبنيان افففففففففففف على هيك ناس فاضية اخص |
رد: خلينا نشوف رأيك.........
السلام عليكم
الصراحه هو وجود البنت في الأمارات كأنه في وطنها لأن اهل الأمارات الصراحه كانو من الداعمين للفلسطينيين وطبعآالقرار بعود للبنت ولأهلها فهي في سن تستطيع أن تختار أين تكون وشكرآ للموضوع ارق التحايا |
رد: خلينا نشوف رأيك.........
من حق هدى غلية تعيش بين أهلها....
وهي ما وصلت لسن تقرر فيه يعني لمل توصل لسن هي تقرر انها تعيش بره فلسطين وهاد الامر راجع الها ... وحتى هل المفروض يستشيروها ... والفلسطينيين ما بقصروا ببنتهم |
| الساعة الآن 09:46 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas