لكل أهالي فلسطين الحبيبة
 

اخوتي ....
لطالما حيرني هذا السؤال
واريد اجابة


بلأبدأ



لنعيش في عالم الاحلام
اليوم فلسطين حرة ابية


وهنا نعود للواقع
في هذه الحالة فلسطين ستكون بالطبع بحاجة الي اعادة اعمار
ولكن ليس هنا سؤال
انما هو( هل اهالي فلسطين سيقبلونا بينهم نحن فلسطينيون الشتات لنشاركهم اعمار الوطن والعيش فيه وهم من حرروه)


انا عن نفسي كنت بالحالتين ازا اه بيقبلونا او لا بعذرهم
بس والله نحنا يكم ما قادرين نعمل شي بس قلوبنا معكم والله
وشو ردكم يا اهلي
وخلينا منطقين وصريحين

شكرا للكل

رد: لكل أهالي فلسطين الحبيبة
 

انت اهلنا ،، منا وفينا ،،، واخوتنا

والله والله والله انا شخصيا ،،، انتظر هذا اليوم لنسعد بكم بيننا ،،

ولتسعد كل أم ابعد عنها ابنها ،، وكل اخ اشتاق لرؤية أخيه

والله انتم سندنا في الخارج ،، ادامكم الله ،،،، وان شاء الله يتحقق النصر قريبا باذن الله

لنكحل أعيننا بالبيت المقدس ،،،

رد: لكل أهالي فلسطين الحبيبة
 

اختي ابنة الشتات ............بدك الصراحة انا سمعتها من اكتر من شخص قال لي : انتم ليس لكم حق فيها

اختي عندهم اسبابهم ........وممكن بحالة واحدة فقط انها تكون صحيحة ..

رد: لكل أهالي فلسطين الحبيبة
 

أخي عاشق الحور يا ريت النصر يكون قرين يارب
اخي ايمن... الي قالولك انو ما لك حق فيها شو كانت اسبابهم وكيف بدها تكون صحيحة
متل ماهي بلدهم بلدنا
هم الي حررو بافعالهم وقلوبهم بس نحنا ارواحنا عندهم....

رد: لكل أهالي فلسطين الحبيبة
 

فعلا هالسؤال احيانا بيخطر على بالي .....بس ما بلاقي جواب ...و كتير بنقهر
لانه انا مو بايدي اني ما بقدر ادخل فلسطين و اني اشارك الفلسطينيين اوجاعهم ....و امنيتي اني بس اشوف فلسطين و لو لساعه وحده ...........و بتمنى انه تحرر فلسطين و نقدر نرجعلها و انه اهلها يستقبلونا..........و انا حابه اعرف آرائكم كلكم و يا ريت تحكو بصراحه

رد: لكل أهالي فلسطين الحبيبة
 

إخواني انتم من الذين هجروا وعذبوا

فكما نحن نذوق الموت والقصف ،،

انتم ذقتم ما هو أصعب ،، وهو البعد عن أرض الوطن


والله أنكم منا وفينا ،،،،، وبدونكم لن نذوق حلاوة النصر

رد: لكل أهالي فلسطين الحبيبة
 

اختي ابنة الشتات ..........المبررالوحيد اللي بيحكوا انه احنا انسينا الوطن ..وصار في داخلنا شعار الوطن البديل، وانه هم اللي قاتلوا وخسروا ابنائهم ........اكيد اعتقادهم خاطئ لانه ما بيعرفو انهم هم مرتاحين اكتر منا ( يكفي هم في وطنهم ) ، وكل مصاب جلل كان يصيبهم احنا كنا نشعر فيه ، وعمرنا ما نسينا وطنا ( كل العالم لهم وطن يعيشون فيه .............الا نحن لنا وطن يعيش فينا ) ...

رد: لكل أهالي فلسطين الحبيبة
 

عزيزتي بون بون ازا هاد السؤال بيخطر ببالك انا موعم يروووح من بالي ابدا

عاشق الحور ازا كل الناس بتفكر زيك فانا رح اريح قلبي بس ياري يارب


ياريت اسمع ارائكم كلكم

رد: لكل أهالي فلسطين الحبيبة
 

عزيزتي بون بون ازا هاد السؤال بيخطر ببالك انا موعم يروووح من بالي ابدا وشكرا الك


عاشق الحور ازا كل الناس بتفكر زيك فانا رح اريح قلبي بس ياري يارب
شكرا لكم

ياريت اسمع ارائكم كلكم

رد: لكل أهالي فلسطين الحبيبة
 

( يكفي هم في وطنهم )
( كل العالم لهم وطن يعيشون فيه ..الا نحن لنا وطن يعيش فينا )

أخي أيمن هدول الجملتين على طول على لساني
يمكن كل ساعة ولكل فلسطيني مقيم بفلسطين او في الشتات ازا بنخوض بهاد الموضوع

بس انت وانا في الشتات ....