تعريفات عاميه
 

جمعت شوية تعريفات من هون ومن هون


:icon11: تفضلو اتفرجو :icon11:



الطنط : هاد شخص على الموديل ...ودايما العلكه بتمه ..ومايع كتير كتير كتير وبذبل بالشمس مثل حبة البوظه

*********************************** *************** **********

المهوي : عباره عن شخص ماله دخل بالدنيا الناس بتكون بالشرق وهو بالغرب يعني الله يعينه على حاله
*********************************** *************** ***********
المجعم " بلغة البدو " واحد دايما معصب وما بتحمم الا بالسنه مره وريحته دايما طالعه وبفكر حاله دنجوان عصره
*********************************** *************** ***********
المشرت : بكون داير بالشارع وعم يحكي مع حاله بعني ولا فيوز شغال عنده " خاص مع الشكر "
*********************************** *************** ***********
الطافي : هاد واحد بعرف وما بعرف ودايما فاتح ثمه
يعني سلامتك من الاه
*********************************** *************** ************
الطبل : واحد غبي جدا جدا لابعد الحدودوما بعرف الخمسه من الطمسه واذا سالته شي بعمل ااو و وو و ..اووو وبعقد يتذكر
*********************************** *************** ************
المسطل : دايما بتثاوب وقد ما تحكي معه ةتجادله بتلاقيه بحك براسه وبثاوب ولا حياة لمن تنادي كأنك عم تحكي مع حيط
*********************************** *************** ***********
الطلهيني : ابن خالته للغبي جدا جدا جدا بس في مرحله متقدمه عنه وغباء مستفحل عنده
*********************************** *************** ***********
الكابسه معه : هاد وين ما بيجي بدب حاله وشو بخطر بباله بعمله حتى لو نام بالسجن المهم يعمل الي براسه يعني مو سأل عن شي
*********************************** *************** *********
لزقة كوكس : 24 ساعه معك وين ماتروح معك متل لزقه الضهر حتى لو دخلت الحمام " الله يكرمكم " بلحقك
*********************************** *************** *********
الحشري : يا سيدي هاد بس بحكي ليش ؟ وكيف ؟ ومتى ؟ ومين ؟ واي ساعه ؟ يعني بدخل بكل شي حتى لبسك ممكن يتدخل فيه
*********************************** *************** *********
عواطله : لا بهش ولا بنش ...يعني قاعد في البيت شغل اكل وشرب ونوم ومصروف زياده " اكل ومرعى وقلة صنعى "
*********************************** *************** **********
الديوانجي : هاد عامل حاله ابو زيد خاله " عنتر زمانه يعني " ويا ارض اشتدي ما عليكي قدي .. وشغل مشاكل وطوش ومعظم وقته بالسجن
*********************************** *************** ***********
المهلوس : درجه متقدمه جدا من الجنون والغيباء والهستيريا وما بجمع حرفين ع بعض



م .....ن......ق........و ......ل

رد: تعريفات عاميه
 

الديوانجي : هاد عامل حاله ابو زيد خاله " عنتر زمانه يعني " ويا ارض اشتدي ما عليكي قدي .. وشغل مشاكل وطوش ومعظم وقته بالسجن

هذا انا ..
ههههههههههههههههههههه

شكرا على التعريفات الروعة ..
شكرا ..

رد: تعريفات عاميه
 

حلوين اكتير يا بنبون يسلمو دياتك

رد: تعريفات عاميه
 

هههههههه

يسلمووو

رد: تعريفات عاميه
 

مشكور اخي
موضوع حلو كتير
تحياتي

رد: تعريفات عاميه
 

شكرا الكم ........على مروركم الحلو