لماذا إخترت تخصصك ؟؟؟ . . .
 

السلام عليكم ورحمة الله وبركاته:

أخوتي الكرام . . .

عندما ننهي الثانوية العامة يكون أمامنا الخيار

أيُ تخصص سنختار ؟؟

البعض يحتار . . .

وآخرون يتخذوا القرار . . .

فمنا من يختار تخصصه وفقاً لقدراته وميوله

ومنا من يختار تخصصاً يضمن بعده وظيفه

أنتَ ، إنتِ لماذا إخترت تخصصك ؟؟؟

سؤال أطرحه عليكم . . .

وأتمنى أن أجد إجابتكم

وكمان هالسؤال موجهة للطلبة بالمدارس

الي بفوت علمي شو بكون هدفة والى بفوت أدبي شو بكون هدفة ؟

أختكم

شذى الياسمين

رد: لماذا إخترت تخصصك ؟؟؟ . . .
 

up

رد: لماذا إخترت تخصصك ؟؟؟ . . .
 

رد: لماذا إخترت تخصصك ؟؟؟ . . .
 

اختي بصراحة
انا عندما أخترت التخصص العلمي لم اكن اميل لهذا التخصص ابداً ولكني فكرت قليلاً
حينما ادخل هذا التخصص سوف تكون الخيارات اكثر و المجالات المتاحة اكثر
وهذه السنة حينما انتهيت من مرحلة المدرسة وقررت ان اتخصص بالجامعة
اخترت الطب
اولاً : افضل التخصصات الموجودة
ثانياً : سوف يجعل لي مكانة عاليه سوء كانت علمية او اجتماعية
فهذه الأسباب التي جعلتني اختر تخصصي

مع تحياتي

رد: لماذا إخترت تخصصك ؟؟؟ . . .
 

والله انا تخصصي رياضيات ...وخترت الرياضيات لأنو بحسها احلى مادة وامتع ماده ومن وأنا صغيره بحلم اكون معلمه رياضيات ..مع انو اغلب االطلاب ما بحبو :( ما بعرف ليش ؟؟ وعلى كل حال اي حدا بدو تفهيم او شرح مني انا مستعده بس الساعه ب100 دولار وانا مرعياكو بالسعر لأنكو ولاد بلد بس :)

رد: لماذا إخترت تخصصك ؟؟؟ . . .
 

اخدت علمي عشان الهندسه ما بعرف ليش

بس يمكن بلاقي الهندسه المعماريه كلها ...اشكال وابعاد ثلاثيه ورسم خطوط واشكال

وكمان بحب الرياضيات كتير بس بعدين صرت متردده من كتر خريجي الهندسه

شكرا شذى للسؤال

رد: لماذا إخترت تخصصك ؟؟؟ . . .
 

ياهلا فيكم صبايا وشباب فلسطين

عاشقة الأقصى
ربنا يوفقك بالشي الى اخترتية والأدبي مو عاطل بنوب
بالعكس يعني في مجالات حلوة وبما انك حابة تدرسي اما شريعة او علم تفسير فهالشي كتير رائع
وراح يدفعك للاماااااام
الله يوفقك يا رب

العمر ماشي
مممم شي كتير رائع
يعني هلأ فى عنا دكاترة بالموقع خلص اي استشارة راح نرجع الك باذن الله
والله يوفقك ان شاء الله الطب بدو دراسةةةةة وطولة بال

بنت الرملة
بصراحةبارك الله فيكي كتير عنجد مراعياناااااا
مممم انا كمان بحب الرياضيات بس لما فتت الجامعة ماعدت اطيقها هههههه
الله يوفقك يا رب

RiNoXe....2
مممممم صح كلامك الواحد بتخرج ماعم بلاقي شغل
بس برضوا حوة الهندسة انو بكون الك مكانتك بالمجتمع
بس بحس انو الهندسة المعمارية انو للشباب مجالها اكتر مابعرف لية
عموماا الله يوفقك

رد: لماذا إخترت تخصصك ؟؟؟ . . .
 

يسلموو الموضوع

انا صراحة اعتقلت وانا بتوجيهي شهرين كاملات وكان هذا الاعتقال اله أثر كبير على معدلي

انا جبت 80.3% علمي وكانت هاي صدمة لانه عمره ما نزل معدلي عن 95%

وكان طموحي بالهندسة او الطب

طبعا لما طلعت النتيجة كنت ممنوع اسافر لانه اليهود كانوا بالمعبر

واضطريت اسجل تخصص علوم في البداية

وما كنت بحب التخصص علشان هيك كنت اقضى كل وقتي بالكافتيريا انا ونشو والشباب

ثاني سنة سجلت تمريض درست سنة وبعدين فتحت كلية فلسطين تخصص هندسة وكانت بتقبل من معدل 80

فرحت سجلت وخلص تقريبا جزء من الحلم اتحقق

مع انه كنت بتمنى المعماري اكثر

يسلموو

رد: لماذا إخترت تخصصك ؟؟؟ . . .
 

مم عاشق الشهادة
طيب الحمدلله انك بالنهاية حققت حلمك مع انو ضاعت عليك شي سنة واكترتقريبا
بس يلا بتتعوض ان شاء الله
شكرا لتواجدك

رد: لماذا إخترت تخصصك ؟؟؟ . . .
 

انا رح اختار علمي او ادبي بعد سنه ........بس حيرانه و مو عارفه شو اختار..!!!!!