الشعب يرفض ميليشيات الشوارع
 

مش غريبة!!!
إنا نحكي في المبادئ..
والقيم..
وأسس النضال

مش غريبة!!!
إنا بنضحي بحياتنا..
بننتحر..
علشان ولادنا يزينو
صفحات تاريخنا بافتخار

مش غريبة!!!
يا فصائلنا الحبيبة...
تهزموا الشعب إل بحلم بانتصار
******
والله عار..
إنا نحصد شوك سنين الاحتلال...
حسرة ومرار..

والله عار..
إنا نكذب عَ الشعب..
ونشل عرضه..
بقصه مسمومة وشعار..

والله عار..
إن إسرائيل بتذبحنا يوماتي..
وتبلع الأرض بجدار..
والله عار..والله عار
*****

آه يا نار..
شبي فينا ..
إحرقينا..
طالما شيخنا بيكذب...

آه يا نار ..
شبي فينا..
إحرقينا..
طالما ولادنا بيجوعو..
واحنا زي النسوة نندب..

آه يا نار..
شبي فينا ..
إحرقينا..
طالما سلاحنا اللي كان اسمه مقاوم..
صار مع الأعداء مسالم..
وبس في قلوبنا بيطعنا ويضرب..

آه يا نار..
شبي فينا ..
إحرقينا..
طالما نسينا فلسطين الحزينة..
بين ملشيات وشوارع ..
وحرب مرهونة بشراره..
فيها مهزوم اللي يغلب.

رد: الشعب يرفض ميليشيات الشوارع
 

الله يستر من حرب اهلية