منتديات شباب فلسطين - كلمات للوطن .............!!!!!!!!!

منتديات شباب فلسطين (https://shabab.ps/vb/index.php)

- العرش الأدبي (https://shabab.ps/vb/forumdisplay.php?f=78)

- - كلمات للوطن .............!!!!!!!!! (https://shabab.ps/vb/showthread.php?t=14007)

كلمات للوطن .............!!!!!!!!!

كلمات للوطن
--------------------------------------------------------------------------------

شوقنا فرح

وزخة عطر تطير

وضحكة في عيون طفلة

بترشف من عيونا مرح

بتطير عصافير

ولون البهجة بترسم حنة

تزف اللحظة

لفرح الزمن الجاي

وشوكة ألم

من حرب مجنونة

بتطلع

من قلب صغير

يحلم بفرحة...

يغطيهو حرير

ويمسح بالأمل الجاي

جرح

وينسى في لحظة

أيه معنى يقرر ليهو مصير

ما الجرح الواحد

بنزف شمال جنوب

بهلك في البلد الواحدة...

القالو أهلها

عرب وزنوج

لا نحن في الأعراب سادة

ولا أنتو في أفريقيا ملوك

كفاية وهم.. كفاية ألم

تعالو نبني من جديد تاني لينا وطن

فقط أهلو هم السودانيين

لا يهمنا شرق أو غرب

أو حتى شمال وجنوب

تعالوا نمسك بالبلد الواحدة

نعمر فيها بالطول والعرض

ومحل ما تعجبنا الأرض

نزرع فيها

هناك شجر الحب

يعم بلدنا سلام

ويطير في سمانا حمام

وتضحك في الأرض وردة

وترقص بالفرح أزهار