منتديات شباب فلسطين - لآتســــــــــافر

قلبي له اليوم ثالث يوم موجعني
وعيني لها اليوم ثالث تجمع طيوفك

والبال كنه على دربك يوزعني
ولساني ماكنه الا خلق لحروفك

لالنوم نافع ولا التفكير نافـعـنـي
انام واصحى على الباقي من وصوفك

بالله قلي شعوري هذا وش يعني
طمني الله يطمن همك وخوفك

بيني وبينك ترى اللي صدق ضيعني
ان انت في اخر لقا شارح لي ظروفك

مدري وش اقول لكن تدري اسمعني
خابرك وافي و أبيك تتم معروفك

ان كنت ناوي تسافر لاتودعني
بس انتبه لا تسافر قبل ماشوفك

الشاعر :فهد المساعد