|
رايكم بالدروس الخصوصية قبل التوجيهي؟
السلام عليكم
طبعا نص الشعب الفلسطيني قبل التوجيهي ببلشو دروس خصوصية سؤالي هالدروس بتفيد ولا بتضر ولا لا من شاف ولا من دري؟ |
رد: رايكم بالدروس الخصوصية قبل التوجيهي؟
وعليكم السلام :) بالنسبة لهل موضوع .. بدك تسأل يلي أخدوا دروس خصوصية .. هني أدرى :) وأكيد هل شي بيرجع للطالب وإحتياجاته .. إن كان ضعيف بمادة أو بأكتر ، فممكن هل دروس تكون إعانة الو .. ممكن تكون تقوية الو .. وتعطيه إفادة كبيرة .. أما إن كان الطالب شاطر وقد حالو ، فوجود الدروس الخصوصية وعدمها واحد :) // شكرا شموخ :) |
رد: رايكم بالدروس الخصوصية قبل التوجيهي؟
والله حسب الشخص الي بيعطي هالدروس و حسب اللي بتلقاها ؟؟؟؟؟ في ناس بتنفعهم وفي ناس آخدينها لعب حتى لو كان عندهم مدرس .
على كل حال لسا ما جربت ولا يوم أجيب مدرس خصوصي وشكرا كتييييييير |
رد: رايكم بالدروس الخصوصية قبل التوجيهي؟
اقتباس:
في العاشر جبت 85 والحادي عشر الفصل الاول 93 والفصل الثاني هيني زفتت في السبعين يعني متحير ومشكلتي الرياضيات مع اني فرع ادبي بس بباقي المواد 100 من 100 الا الرياضيات دايما 60 يعني شغلة بتقهر بس مش عارف خايف اروح اخد دروس يشرح الاستاذ الخصوصي اشي والاستاذ بالمدرسة اشي ثاني واكل هوا ع المتريح انشالله خير يارب شكرا كثير اك اختي |
رد: رايكم بالدروس الخصوصية قبل التوجيهي؟
اقتباس:
اها ماشي خيتي الله يوفقك وينجحك شكرا لمرورك |
رد: رايكم بالدروس الخصوصية قبل التوجيهي؟
أنا مع انو الطالب يهتم بدروسو منييح من اول السنه ويدرس اول باول
ولو احتاج شي في الماده ما كان فاهموا لانو في اساتذة ما بيدرسوا بضمير، لهيك ياخد دروس بالشي الي مش فاهموا لكن ما يكون على حساب وقتو "ما يضيع وقتو" ، بالنسبه لانو ما حدا شايف!! ليه هو الدروس عيب ولا حرام بالاخر كلو من مجهود الطالب هو الى ذاكر ودرس وحل حتى لو دروس لانو الدروس برضو كانت على حساب وقتو وجهدو ولولا انو ركز فيها اكيد ما بستوعب ولا بينجح. هلا من تأييدي ، ما بيوحي هالشي انى اخدت دروس ونازله دفاع عنها هههه بس انا مش ضدها،، انا ضد يكون عنا نقص وضعف في شي معين ونتغاضا عنو لمجرد انو "دروس وشو يقولو عني ونجح من الدروس" ما نهتم لكلام الناس لانو هاد مستقبلي وشهادتي :) شكرا تحياتي الك اخ شموخ:) |
رد: رايكم بالدروس الخصوصية قبل التوجيهي؟
ممممممم موضوع إإكويس .. ( هههه عجبتني كلمة إإكويس ) المهم بالنسبة للدروس الخصوصية .. مع إني كنت آخد دروس في الفيزياء والكيمياء والانجليزي إلا أني لا أفضلها .. إلا في حالات خاصة جداً جداً .. لأنو الدروس الخاصة بتلهي كتير وبتشفط وقتك شفط .. أنا مثلاً كنت ماخدها فترة نقاهة .. وكنت أستنى الدرس عشان أطلع من البيت ههه .. المهم انتا اذا كنت قوي بالمواد ومش متصعب من شيء .. ما تاخد لا دروس ولا غيره .. ركز بكتابك وملخصاتك .. وإذا غلبك سؤال أو درس ما فهمتو .. هي عندك مدرس المادة في المدرسة .. استغلوا واسألو أحسن من دفع المصاري ع الفاضي .. تحياتي .. وبالتوفيق أخي .. *_* |
رد: رايكم بالدروس الخصوصية قبل التوجيهي؟
زي ما قال عبد الرحمن
اغلب اللي بعرفهم كانوا ياخدوا الدروس طشة و ما بيستفيدو و دروس الرياضيات بالتوجيهي سهلة كتير مقارنة بالسنين اللي قبل و بتقرر انتا بعد ما تشوف المنهج الله يوفقك |
رد: رايكم بالدروس الخصوصية قبل التوجيهي؟
مممم .. بالنسبة الي انا تآبعت بدروس خصوصة لمآدة الفيزيآ بس
لانو كنت زيييروو فيهآ و المس عنا بالمتيسة ما بفهم عليها بس مش ابل الامتحانات تزكرت حالي،، لا كنت متآبعة من أول السنة فـ الطآلب بكون أدرى بحآلو ،، و عآرف ازا هوآ محتآج بالمآدة ولأ لأ ،، و طبعاآ الشآطرين و الي فآهمين الموآد منيحة بحس انو مو لآزم درس خصوصي لانو وئتها رح يسير بالمدرسة ما يهتم بشرح المعلم و ما يركز لانو رآكن انو ع العصر رح يفهم من الدرس الخصوصي وو .. بالتوفيق للجميع :) |
رد: رايكم بالدروس الخصوصية قبل التوجيهي؟
شيري
لوست دمعة اسي مرام شكرا الكم افدتوني كثير بس ان شاء الله بجيب الي فيه الخير |
| الساعة الآن 06:04 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas