منتديات شباب فلسطين - الشعب الفلسطيني دايما مسروق

السلام عليكم ورحمة الله وبركاته

طالما بتقراو موضوعي اذا اكيد انتو عندكم انترنت وان كان النت فلسطيني كن واثق مئة بالمئة انك تعرضت للظلم والسرقة

سياسة الاستخدام العادل : هي سياسة اطلقتها شركة الاتصالات الفلسطينية بحجة خدمة العملاء والمحافظة على مصالحهم , لكن الهدف الحقيقي للسياسة هو فقط جني الاموال وسرقة اموالنا , اذا شفت جيبتك مفتشة ومقلوبة اعرف انك تعرضت لسياسة الاستخدام العادل

الانترنت نوعين :

الاول محدود وعشان ثقافة شركاتنا غربي بيسموها لايت

والتاني غير محدود , ومثل ما بتعرفو الطبع حنان لهيك بيسموها اكسترا

المحدود فهمناها

لكن الغير محدود ايه هو ؟؟؟؟؟؟؟

البعض منكم بيفكر انو الغير محدود معناه حمل على كيفك وعلى راحتك وانو ما في حدود الو
الي بيظن هذا الشي بيكون غلطان وغشيم

الانترنت غير المحدود هو انترنت غير محدود بالتحميل بيخضع لسياسة الاستخدام العادل !!!!

شوفو الكلمة الجميلة اخر شيء وهي بيخضع لسياسة الاستخدام العادل &_&

وفقا لسياسة الاستخدام العادل ممنوع تحمل بالشهر اكثر من 40 جيجا !!!!

يعني اكثر من 40 جيجا بيطلبو من شركة المزود للخدمة فلوس اضافية مو منك انت

لاحظ معي شو بتعمل شركة حضارة مثلا ان انت وصلت ل 40 جيجا بالشهر تحميل

1 - بتعطيك سرعة تصفح اعتيادية مثل ما انت سجلت
2 - بتوقف عنك التحميل لمدة 8 اشهر وبتجعل التحميل من 2 كيلو ل 6 كيلو
3 - بتضيف عنوانك للبلاك ليست وبتحرمك طول حياتك من التحميل باوقات الذروة او حسب ما بتحكي الشركة لمدة شهرين

لكن انا عن تجربة الي 4 اشهر محروم من الانترنت بسبب تجاوزي لحد التحميل في الانترنت غير المحدود

ايه رايكم بهاي السياسة الي بتسرقنا بيها شركة حضارة وشركة الاتصالات الفلسطينية ؟؟

مش من حقي انا كفلسطيني وكسبب مباشر لاموال هاي الشركات انهم يتعاملو معي بصدق ويحكولي انو ما في نت غير محدود

وانها هاي تسمية كاذبة ؟؟؟

غريبة اخواني ويا شعبي كيف بيضحكو علينا ونحنا ساكتين

انترنت غير محدود = 40 جيجا بالشهر وعقوبات لعدة اشهر ان تجاوزتو ؟؟!!!

طيب احكو قبل ما اشترك بالانترنت غير المحدود انو هو محدود !!!!!!!!!!!

اتمنى من كل الفلسطينيين يقومو بحملة للاعتراض على سرقة اموالنا

اقل ما فيها خلينا نعترض على سرقة اموالنا

رابط للحملة

http://www.facebook.com/pages/la-lsh...72850669419268