|
سؤال غريب ،، مش عارف شو جوابه الحقيقي
بسم الله الرحمن الرحيم
سلام الله عليكم ،، كيفكم أخواني و أخواتي .... ؟؟؟ أنا في موضوع أو هو عباره عن سؤال إتحيرت في الجواب عليه ،،، أغلبنا بنكون حاطين صوره إنسان غريب ع حساباتنا في المنتديات والمواقع او الماسنجر .... طفل او رجل او مرأه او ممكن شيخ عجوز ,,.. أنا دايما برفض هالشغله ،، بقول ما في حد أحق مني لاحط صورته في هاد الزمان إلا مشايختنا العظماء ،، بس احط صوره انسان عادي مستحيل أعملها ،، ما بعرف هل هاده تكبر او غرور او مجرد مبدأ في حياتي ،،، وانتم لما تحطوا اي صوره لاي انسان بشو بتشعره ؟؟؟؟؟ ،، وشو رايكم ؟؟؟؟؟ |
رد: سؤال غريب ،، مش عارف شو جوابه الحقيقي
وعليكم السلام أغلب الناس الي بتحطها بكون هدفها انها بتعطي شكل حلو اول فيها لون معين او اي شي تاني وبرأبي الموضوع ابسط من هيك ., يعين اغلب صور الناس الي بتكون موجوده بيكون معدل عليها بالفوتوشوب أو اي شي تاني يعني مابتكون صوره هيك واضحه زي عين الشمس لشخص معين بحد ذاته :) |
رد: سؤال غريب ،، مش عارف شو جوابه الحقيقي
و عليكم السلام و رحمة الله و بركاته
عادي انا ما بحط الصورة لاشخاص عاديين الا لانه الصورة حلوة و طالما الصورة غير مخالفة لديننا فما في مشكلة :) |
رد: سؤال غريب ،، مش عارف شو جوابه الحقيقي
مممم سؤالك حلو القصة مش قصة احسن مني وليش احط صورتو وهو انسان عادي بس كل للي فيها انو صورة عجبني الكادر تبعها او الخلفية او بتكون صورة معبرة عن ذاتي بحطها يعني امر عادي :) |
رد: سؤال غريب ،، مش عارف شو جوابه الحقيقي
أنا إجمالا ما بحط صور كبار ..
على الأغلب صور أطفال .. أو الطبيعة .. أو صورة فيها امتزاج لألوان بحبها أما صور بنات لا .. أولا عشان مش كلما حد شافها يأثم بسببي وأنا أأثم معه .. وتانيا ما بحس في صور بنات بتعبّر عن شخصيتي أما الشاب إذا حط صورة شاب .. مش غلط يعني .. لأن ما فيها إثم .. ويمكن يكون عاجبه وقفة اللي بالصورة أو جلسته أو الألوان أو تعبيرات وجهه وهيك .. إلا إذا كانت صورة ممثل .. عن نفسي .. أُفضّل بلاها أحسن .. للأسباب المعلومة لدينا .. شكرا ع الموضوع يوسف :) |
رد: سؤال غريب ،، مش عارف شو جوابه الحقيقي
نورتم صفحتي بضيائكم ،، ولكن إخوتي وأخواتي ،،
بيت القصيد هو لماذا التمثل خلف أشخاص غيرنا ،، باداعائات كمثل انه يعبر عن شخصيتي ،، لماذا لا تكون شخصيتنا هي التي في صوره ،، وليس الشبه ؟؟؟؟؟!!!!!!!!!!!!!!!!!!!!!!؟؟؟؟؟؟ |
رد: سؤال غريب ،، مش عارف شو جوابه الحقيقي
انا دايما نحط صور اطفال
وجوه بريئة وحلوة ومعظمها يعبر عن شعور داخلي ساذج لي تناسب مزاجي نحطها يعني بسيطة ماتحتاجش تعقيد يعطيك العافية اخي |
رد: سؤال غريب ،، مش عارف شو جوابه الحقيقي
يعني انا احط صورتي الشخصية مثلا ؟؟؟
و انت تحط صورتك ؟ انا برضى لحالي اني احط صورتي و لا اطنك بترضاها لاختك مثلا هيك القصد و لا غير ؟ |
رد: سؤال غريب ،، مش عارف شو جوابه الحقيقي
اخ يوسف والله سؤالك حلو
بس انا شخصيا لما احط صورة شخص بتكون عاجبيتني الصورة لسبب معين ممكن شعور حسيتو لما شفت الصورة او انو الصورة بتعبر عني و لأني بنت طبيعي ما فيني احط صورتي و اد ما اكون منفتحة الناس ممكن ما تتفهم هالشي و اطلع غلطانة برضو و اصة انو نحط صور ناس تانية ما هي نفس الفكرة.. هالعظماء برضو ليش بكونو اولى انو نحط صورتهن؟؟ ع العموم يسلمو ع الموضوع :) |
رد: سؤال غريب ،، مش عارف شو جوابه الحقيقي
أكيد مو هيك قصدي أخت دمعه أسى ،، أنا كان هدفي من الموضوع الجراءه ،، لانه إحنا أغلبنا بنختبئ خلف أسماء وصور حتى نعبر عن شعورنا باريحيه أكتر ،، فهاده ليش ما نسميه ضعف او خوف ما بعرف خوف من شو ، بس خوف
انا قصدي نواجه نفسنا ، ما حكيت تحطي صورتك ، انا شب وما برضه احط صورتي ، فما بال البنت ،، بيت القصيد في طياته معاني الجرأه والشجاعه ، يعني صوره تعبر عنك ممكن ،، بس ليش يكون انسان يعبر عنك او طفل ،، ممكن مجسم يعبر عنك ،، رسمه فيها لمسه تعقيد مثلا تعبر عن انسان معقد في الحياه ،، رسمه فيها معنى السعاده والفرح تعبر عن انسان سعيد وفرحان ،، رسمه مو اي حد بفهمها تعبر عن انسان صعب حد يفهمه إلا القلائل ،،،، بس تحطي صوره انسان آخر ،، ما راح يعبر كتير خاصه انه احنا في هالزمان بهمنا الشكل ،، واكيد اول شي جذبك باي صوره لاي انسان مثلا بنت ، بتكون حاطه صورت بنت حلوه ،، هاده ما بعبر عن شخصيه ،، هاده بعبر عن اعجابها بجمال الانسان الي بالصوره ،، وشكرا ليكي ع مشاركتك ودكتوره ياسو كلامك في صح ووضحته في الاعلى ،، بس بالنسبه للعظماء ليش نحط صورتهن ،، انا اقلك شي انا قبل فتره قرات في كتاب اسمه كيف تستمتع بحياتك ،، للشيخ محمد العريفي ،، جاء بقصه حقيقه حصلت معاه وهو بعطي درس في احد البلدان ، فقول كنت اعطي درس واتكلم عن الامام العظيم ابن عثيمين ، وبعد ما خلصت الدرس جائني رجل كبير بالسن ، قال لي وهو فرحان انا والشيخ بن عثيمين درسنا عند شيخ واحد ، فقال له الشيخ ما اسمك ، فقال له فلان ،، فقال الشيخ في نفسه اول مره اسمع هالاسم ،، ثم وهو مغادر ، قال الشخ محمد وهو يحدث نفسه ،، لماذا هذا فرحان ،، لانه فشل في الحياه ،، لماذا لم يكون مثل الشيخ ابن عثيمين ، ومع انهم عند نفس الشيخ ،، ,,, فهمتي المقصد ،، نحن لا نضع صورهم لنتشبه بهم ،، ولكن ليذكرونا ،، بانا من المفترض انه نكون الجيل الصاعد الذي يتخطاهم ويتفوق عليهم مثلا انتي دكتوره ، وهذا شي عظيم لتصنعي المجد وتبدعي وانا ايضا ادرس طب واملي ان اصنع المجد لديني وبلدي ،، فعندنا انظر لعلمائنا ، اتذكر لما لا اكون منهم وافضل ،، فنحن فرصت التعليم كانت لنا اقوى ،، اما اي صوره لاي انسان بضحك او عامل موضه جديده بلبسه او شعره ،، صدقيني لن تزيد منا شيء ولن نستفيد منها ،، لماذا لا نكون بكل خطوه لينا في هذه الحياه بفائده وحسنه وشكرا ليبكم جميعا ع مشاركتكم في الموضوع |
| الساعة الآن 06:05 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas