عطاك عمره
 

--------------------------------------------------------------------------------

الأول: صار لي سنين ما شفتك !؟
الثاني: أنا ماشي حالي الحمد لله، بس الوالد عطاك عمرو

الأول: العمر إِلَك.. بعرف كان عندو القلب! يالله الله يرحمو

الثاني: بس والله ما مات من القلب!

الأول: معقول هالحكي؟! كيف توفى لكان؟

الثاني: الله يرحمه بآخر فترة ضعف نظره كتير؛ مرة طلع ع البلكون ما شاف الحفة وقع! وبتعرف بيتنا تالت طابق!!

الأول: لَهْ لَهْ على هالموتة، بكل الأحوال الله يرحمه.

الثاني: والله تعذبنا فيه كتير وعملنالو شي 12 عملية لغاية ما َتْحَسَّن!

الأول: لكان كيف توفى؟!

الثاني: صار يحمل عكازة، ومرة وهو عم يقطع الطريق، سيارة مسرعة خبطتو!

الأول: يَهْ يَهْ يا لطيف... الله يرحمه.

الثاني: ربك رحيم كان فيه جار إلنا حطو بالسيارة ولحَّقه ع المستشفى، بس النزيف الداخلي كان رهيب!

الأول: الله يرحمه بكل الأحوال.

الثاني: بس سفرناه على أسبانيا وضلينا شي 6 أشهر عم نعالج فيه والحمد لله تحسن!

الأول: طيب كيف مات؟؟!!

الثاني: صار معو فشل كلوي حاد وصرنا ندَّور على متبرع كلية وتأخرنا وصار معو تسمم.

الأول : الله يرحمه ارتاح!

الثاني: بالصدفة إجا شخص بيعرفه من زمان تبرع له بالكلوة بآآآآآآآآخر نفس!!!

الأول: لكان كيف مات؟؟!!

الثاني: والله مرة بالبيت وهو قاعد ما انتبه ع الغاز احترقت الشقة وهو لحالو فيها!

الأول: يا لطيف على هالموتة ما أبشعها الله يرحمه.

الثاني: بس والله جارنا الله يجزيه الخير كسر باب البيت ولحقه بآآآآآآآخر لحظة!

الأول: لَكْ فهمنا كيف مات!!

الثاني: ((( والله اضطرينا نطخُّه آخر شي )))

رد: عطاك عمره
 

هههههههه فئعتيني وانا عم بقرا ماازنخو يختصر شو برام هاد كمان ابسر متعلم البرم من مين :)

يسلمو على الموضوع ياعسل

رد: عطاك عمره
 

هههههههههههههه..يا الله شوووو بتحبي تنكتي يا دمــــــــــع ..بحب تنكيتك ..بمواضيعك وئصصك ..عسل والله

ست رووواء شووو ئصدك ..يمآآآآآآآآآآآ ... خليكي ساكتة إزا بتئصديني ماشي يختي ..إطلعي من راسي ..بس ..

بديش أسمع صوووتك ..ماشي

رد: عطاك عمره
 

منورين يا صبايا رواء وصوفي
اه بحب انكت اخت مرائي شي؟؟ هههههههههههه
يعني بتعترفي صوفي انك بتعلمي الناس البرم ،،،،،،،هههههههه