منتديات شباب فلسطين - إضحك مع شلش العراقي ـ محاورة (انتخابية) بين شلش وخنجر..• لك ها خنجر، وينك ماكو هالايا

http://files.shabab.ps/vb/images_cas...084044n3LL.jpg

• لك ها خنجر، وينك ماكو هالايام ؟
ـ موجود بس شوية جنت مشغول بالانتخابات .

• لك ها خنجر، وينك ماكو هالايام ؟
ـ موجود بس شوية جنت مشغول بالانتخابات .

• يا انتخابات ، ما شفتك لا بالمحطة ولا بالمركز ؟
ـ يا مركز يامحطة ، لك بابا اني جبير، جنت بعمّان وية عمتي العلوية.

• العلوية منو؟
ـ حمدية الحسيني شبيك ؟

• هااا امورك عدلة .
ـ خوية ياعدلة الله كفيلك هلكنا ، الشغلة صدك بيها خبزة زينة ، بس تعب مو عبالك هيج .

• خنجر صدك العلوية مشترية سيارة مصفحة بمليون دولار؟
ـ انهجم بيتكم ، بسرعة سويتوها مليون ، هي ميتن وتلاثين الف دولار

• يعني اكثر من تلثميت مليون دينار.
ـ انت خو استاد بالجمع والطرح..

• أكلك خنجر، الجعفري يريد يبلط الثورة كلها باربعميت مليون دينار.. وقناة العراقية يومية تعيد الخبر عشرين مرة علينا.
ـ شلش قابل الثورة احسن من عمتي حمدية ؟؟

• لا عمي لا ، حمدية تسوى ابو الثورة ، جم حمدية عدنا ..!!
ـ والله هي والسيد يسوون العراق كله .

• ياسيد هذا النوب ؟
ـ سيد رضا الشهرستاني شبيك؟؟

• هااا سيد رضا ، ابو الخمس ملايين دولار ؟
ـ ياخمس ملايين عمي ، ذني مال المفوضية الله وكيلك صرفهن على الصناديك والموظفين .

• وهو شكد اخذ خنجر احجي الصدك ؟
ـ عمي اشكد اخذ ، والله مليون دولار ما طلعله منهن ..

• مليون دولار ؟؟!!
ـ هاي شبيك فكيت حلكك ؟؟ بوية الرجال خبير مو شلون ماجان، والعلوية توسلت بيه حتى يشتغل مستشار، شنو مليون دولار قحط . انت صدك ما شايف .

• خبير مال شنو ؟!!
ـ خبير انتخابات .

• على اساس احنا بالعراق جانت عدنا يومية انتخابات وهو صار خبير؟؟ هي سنة وحدة وكلها تزوير.
ـ ياعراق عمي؟؟ الرجال خلص حياته بالخارج .

• خنجر حتى لو بامريكا ، وشارك اربعين سنة بالانتخابات ، يعني عشر مرات ، هم ميصير خبير ، هاي مال خبير عبروها على غيرنا الله يخليك .
ـ عمي الشهرستاني اكبر خبير .. زين انته تكدر تقسم ميتين وخمسة وسبعين مقعد على ثمنطعش محافظة، وتطي نصهن للائتلاف وتذب ثنين بالشط ، والباقي نصهن للاكراد وثلثهن للسنة وشوية لعلاوي وتوزع الخردة على الباقين ؟؟؟!!

• لا يابا هاي صعبة كلش، هاي ميعرفها الا رضا الشهرستاني وحمدية .
ـ جا اسكت وانجب ولا تحجي ، مخلص حياتك تدور ورا رزق الناس .

• لك هو هذا رزق لو مصيبة ، ملايين يطشرون بيها واحنا جكَارة ما عدنا .
ـ تريد جكَاير ؟ هسة اشتريلك باكيتين .

• لا خوية اني ما اكل حرام هاي فلوس المساكين .
ـ احترم نفسك لك ، شنو حرام، اني حرامي ؟ اني اشتغل وية السادة ، حمدية علوية ورضا سيد وثنينهم احفاد رسول الله ، شنو جبيرة بحقهم المصفحات والملايين ؟؟

• لا عمي مو جبيرة بس رسول الله جان ينام على حصيرة .
ـ كلشي بوقته.. شلش لتصير مدري شلونك .

• خنجر هي الدنيا مدري شلونها ، حمدية تصعد مصفحات والدكتورات هنا مخلصاتها كوسترات وكَيات ، المهندسين بالمسطر والشهرستاني يلعب بالملايين ، شوكت راح نرتاح ما ادري . ياهو اليجي يفرهد ويشلع.
ـ ارتاح معليك بالناس شلش عيوني كلمن ونصيبه ، تعال وياي اعشيك واشتريلك جكاير لتظلمها علينا ، هو اكو احد ميبوك ، على الاقل الجماعة سادة ويستحقون والف عافية ..