|
مشاعر مقنعة..صور مزيفة!
صباحكم خير
احترت باسم موضوعي اليوم..هل هو زيف المشاعر..ولا مشاعر مقنعة! احيان بنعرف ناس..وبنختلط فيهم..وبنحبهم..وبنرسم الهم صورة حلوة ومميزة بقلوبنا..وبحتلو مساحة كبيرة فيها لكن! عند اول محك! تسقط الصورة!وبنسكر البرواز! بنشوف الوجه التاني..اللون التاني.. كيف ممكن يعيش الواحد بدورين!طيب وخبيث! لونين!ابيض !وأسود! مهنة التمثيل من اصعب المهن الي بمارسها الاف من البشر يوميا! كيف بتمكنوا هالناس من لعب الادوار باتقان! من قلب الحقائق! فالظالم بصير مظلوم! والمتهم بريء! وقيسو عهيك! هل صارو هدول هم الاغلبية! وراحت عالطيب النضيف! صار زمنهم! يمكن ماعندي ملكة كتابه رائعة متل كتير منكم هون.. بس بعرف انو عندي احساس..ماببدلو بالدنيا كلها! لاصحاب المشاعر الطاهرة البريئة..سكنتو القلوب ..هنيئا لنا بكم لاصحاب الزيف..غادرتو قلوب بلا عودة..ولا اسف عليكم.. |
رد: مشاعر مقنعة..صور مزيفة!
صبــــــــاحوووو للحلووو
والله يا ملك ... ئعدتي على الجررررح في ألبي .. للأسف في ناس كتير هيك ... والمشكلة أنو الواحد صعب يميز هالشخصيات .. بيخدعوكي بأرق أسلوووووب للأسف .. والمشكلة إنهم بيدخلووا ألبك .. وهاد أكبر غلط أنو نثق بالناس .. والمشكلة إنك ما بتعرفي .. إزا هما عنجد بوجه أو وجهين .. مشكلتي سبحان الله .. أني بنخدع بالناس .. وفجأة أنصدم وألائي عكس هاد الشي .. سوو .. أنا من النووع إلي ثقتي في الناس لا تحتمل .. بحيث أني ما بئدر أميز الخبيث الي بيلعب أو الصادق ..للأسف بس الحياة سبحان الله بتعلم الواحد .. لأنو إزا الواحد ما عاشر شخصيات بهيك مستوى .. شلووون الواحد بدووو يتعلم . سوو .. عبارتك الأخيرة ... بالفعل هيا صحيحة .. وأنا عنجد بهني.. كل شخص .. كيف دخل ألبي .. وأنخدعت بأسلوووبوو .. بس للأسف .. مافي أي شخص .. حيعيش بسلام .. .. مووضووووووع على الوجع يا ملك .. والناس الي متل هيك بحياتها ما حتحس . |
رد: مشاعر مقنعة..صور مزيفة!
مشكوووووووووره غاليتي على هذا الطرح الرائع ربي يعطيك الف عافيه تقبلي اهتمامي وتقديري |
رد: مشاعر مقنعة..صور مزيفة!
اقتباس:
بس لهدول حسبنا الله ونعم الوكيل وللأسف انو عرفناهم بيوم.. |
رد: مشاعر مقنعة..صور مزيفة!
اقتباس:
|
رد: مشاعر مقنعة..صور مزيفة!
يمكن للولهة الاولى بنحس بغضب من هدول النماذج او بنكرههم
لكن ! بستحقو الشفقة اكتر ..من الكره او الغضب.. |
رد: مشاعر مقنعة..صور مزيفة!
كمان بتحكي بالسياسه:ShababSmile240:
عمرك أطول من عمري .. اليوم كتبت كلام بيشبه كلامك .. بس بصوره تانيه .. هلأ كل واحد منا بيمر بتجارب بحياتو .. ممكن انو نتفاجأ بموقف من شخص ما كنا نتوقع منو متل هيك؟ هون بتكون الصدمه .. أو شعور بالظلم أو الخداع .. بالنهاية هيه تجربه المفرض تكون درس إلنا والأهم إنو احنا ما نتغير أو نفقد الثقه بإللي حوالينا .. الإنسان ما بيرتاح وهوه عايش حياتو في التمثيل .. ما بيرتاح إلا وهوه متصالح مع نفسو .. (كير لس):ShababSmile233: |
رد: مشاعر مقنعة..صور مزيفة!
ههههههههههههههه كيرلس!
ممكن! بس لانو انا مس كيييييييييييييير مابعرف الا حس ..والله امجد..هدول البشر صارو كتاااااااااار...والواحد ماعاد يعرف من الكويس ومن لا! بتحس اختطلت المفاهيم..لهيك احيان بنعتمد عالمشاعر..رغم انها بتتشوش احيانا.. |
رد: مشاعر مقنعة..صور مزيفة!
السلام عليكم ورحمة الله وبركاته بين المشاعر المزيفة والذكاء المدبلج خطوات تملؤها حبيبات الحقد لذلك بكل أحترام مبسط سلمت يمناكـِ ملوكة http://files.shabab.ps/vb/images_cas...081747eG7v.gif |
رد: مشاعر مقنعة..صور مزيفة!
صدقت نادر..
شكرا لتواجدك الطيب بصفحتي المتواضعة |
| الساعة الآن 01:12 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas