موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

رد: موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

موضوعك حلو وعالجرح والحكي فيو رح يطول

هلا متل ماحكيت مافي بيت مابيخلى من المشاكل

بس الي بختلف كيف بنواجه المشكلة وبرضو متل ماحكيت بنهرب منها..او بنعيش فيها..او بنواجهها

رح خبرك تجربتي الخاصة..هلا بس قرروا بابا وماما ينفصلو شفتنا هالمشكلة نهاية العالم..تخيل انت عشت كم سنة بحضن ابوك وامك وفجاة عليك تختار!!

بتشوف الدنيا سودة..والعالم بنتهي..وحياتك بتسوء..وشوف جو الكابة والحزن والياس والالم الي بتحسو ساعتها..طبعا الله يبعد عنك بس بشبهلك الوضع

المهم كان علي انا وخواتي خيار من تلات..اما نوقف حياتنا عالهمشكلة !

او نتقبل الوضع الراهن ونتاقلم عليه

او نتلذذ بوضعنا الماساوي العصب!!

لكن الحمدلله قررنا المواجهة وبقوة

عشنا كل لحظات المشكلة..عملنا كل حل شفناه ممكن..وبالاخر حطينا اسس للوضع الجديد..وعشنا معو..

وهلا كل الاطراف تقبلت الوضع الجديد..صحيح تعبنا..وتالمنا..بس خلص عدينا ..

لو كنا هربنا من المشكلة ..كان حياتنا هلا فشل بفشل..لكن الحمدلله

ولو كنا برضو تلذذنا بالمشكلة..كانت انهارت حياتنا

دوم مهما كانت مشكلتك عويصة..استعن بالله..وخلي لامور تمشي..بس ماتهرب منها..اوقف بوشها..ماتخليها

تحطمك..حطمها انت وتجاوزها..الضربات الي مابتسكرنا..بتزيدنا قوه قسامي..تذكر هيك عطول..مهما كان حجم مشكلتك..

تحداها وكون اكبر منها..لاتياس


وخليني خبرك النهاية كمان

هلا اختي لكبيرة ..الاولى عالجامعة بامتياز

الاصغر مني..متفوقة واختاروها لبحث في هيئة عالمية للصيدلة

اخر العنقود..طلعت الاولى على قطر في الثانوية العامة ..وهلا الاولى كمان على دفعتهابالجامعة


والله يبعد عنك الهم والمشاكل..ويسعدك..اسفة عالاطالة...بتمنى كون وصلت وجهة نظري صح

رد: موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

أختــِ أم الوليد بداية حياكم الله وبياكم على مروركم الرائع
والأروع من ذلك نود أن نشكركم على صراحتكم والفضفضة الخفية
ونعتذر أن فتح موضوعي عليكم بعض ثغرات الماضي القديمة
ولكن انتم قمتم بعمل رائع أنتــِ وأخوانك ولولاعملكم لتشتت الشمل
الله يجمع بينكم يارب

رد: موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

رد: موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

لالالالالالالالالا عادي قسامي ماعادت مشكلة اخجل منها..صارت واقع عادي تجاوزتو وبعيشو بالعكس يمكن لو كنا متل مااحنا ماوصلنا لهيك..الاصد انو مهما كانت تجربتك مريرة وقاسية..شوف كيف ممكن تتعداها..وتوقف تاني..

رد: موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

حياكم الله أختــِ أبتسامه
العفو على مروكم أيضاً
يمكن التلذذبالمشكلة عندما نعلم أنه بأمكاننا حل المشكلة ولكن هناك حواجز تمنعنا من القيام بحلها
وشكراً لرائيك السلبيات والأيجابيات موجودات بكل مكان وكل مشكلة بس هناك سلبيات ممكن تطغى على الأيجابيات ويحصل لبس غريب
المشاكل دايماً بتعلمنا كيف ننجو من مصايب غيرنا

رد: موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

حياكم الله أم الوليد مرة أخرى
بجد هالحياة غريبة عجيبة ماحد بعرف شوبدها او احنا شوبدنا اصلاً تعاملنا مع الواقع صار تعامل مغموس بمجاملة مابحس أنو ممكن الواحد يتعامل بدون مجاملة حتى لوكانت بسيطة

الحياة زي القطار والشاطر الي بيلحق فيها:)

رد: موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

موضوع لازم ينطرح
مافي بيت مافي مشاكل لو على شي تافه مابستاهل بتقوم الدنيا وبعملو مشاكل عليها

وبتعرف هلا كلهم علي انا بالبيت وعلى شي فاضي الصبح تهزيئ وبالليل تهزيئ لدرجه سرت حس انو اهلي مابدهم اياني ضل معهم ملو مني بس عم حاول ارضيهم مع انو والله مش غلطانه بس مشان انعزلت عن الناس ماعدت متل زمان ونادرا مابضحك وماباكل هيك ماعاجبهم بدون اياني ارجع سرخ ويسمعو صوتي تخيل يعني هالشي مابدو مشكله وقايمين الدنيا كيف لو مشكله كبيره

المشاكل لازم بالبيت بس انو الحمدلله ماحدا بعرف بالمشاكل اللي بتسير معنا يعني احنا للناس بيت سعيد بس لكل بيت اسرارو وبحكو ازا شفت هم غيرك احمد الله على همك
اصبر وبتغيرو هيك الاهل دايما حتى لو مافي شي بعملو قصه

رد: موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

بتفق معك انو الحياة غريبة نوعا ما ..بس انو نعاملها احنا بمجاملة لا..لانو رح نطلع احنا الخاسرين الوحيدين بهالحالة..مش كل شي بخضع لمجاملة ..هي متل القطار فعلا..بس لازم تعيشها..احسن ماتفوتك وتكون لاانت راكب للقطار..ولا انت حتى واقف بمحطة لانتظارو..فهمان علي اكيد..الله يفتح عليك ويهدي بالك..وينولك شو بتتمنى..

رد: موضوع للنقاش ضروري (( آذآ كآنت المشكله قائمه ..فلماذا لا اتلذذ بها .. ))
 

مثل ماحكيتي انو مافيه بيت بيخلى من المشاكل وأنا متوفع انو كل مشاكل اهلك معك منشان النت ولااناغلطان؟